Nehemia 7:2 - Iaai Bible 1901 (New Caledonia)

² me oge me kû Hanani liamekeiny mönya, me Hanania at ame muso hnabâ, he ka musi hnyi Jerusalema: anyin a e at ae wisa, kʼ ame ti outen Khong hon tavat ae se hia.

Nehemia 7:2 Iomraidhean Croise

Genese 42:18

Ke haba hnyi bong a kuniny Josefa ame ha ködrin, ka habe, Ânyâ thʼ öbun ûnyi ang mʼ öbun e möt; anyin a iny outen Khong:

II. Samuela 23:3

Ame ha Khongu Isaraela, Ame fuc könya kic anyi Isaraela: At ame muso tavat hnyi wisa Ame musi me outen Khong;

I. Je Than 18:12

Ke oge me ne he eâu ka he gam, me ame he Hanu Iehova ka hum u ka hnyi dok ae ca khanö nya; ke iny ka he but me thumetu Ahaba, ke e ame ca ō u, me e ame he bi ka hlingö nya: ke inya athnyabaem oge me outö Iehova hwân kʼ iny tiga wanakat.

I. Je Than 18:3

Ke haba Ahaba ame hao Obadia, at ame tuö hnyaban. (Ke haba Obadia ame ot gan hmâ ga Iehova:

Nehemia 1:2

me ame o könya Hanani ke liamekeiny mönya me ke je at Juda; me oge me hnei ödrin ge at Juda tavat ae möt je kolon a hoûbâ, me ge Jerusalema.

Nehemia 10:23

Hosea, Hanania, Hasuba;

Nehemia 13:13

Me oge me otilâ tavat tuö uma omjeû, wale Selemia at bihut, me Zadoka at sihnalimen, me Pedaia a hanen at Levi: ke ûtangköu mödrin Hanan nöku Zakuri, nöku Matania: anyin adre me haiwisai ödrin, ke hamödrin he ka khenâ ka je liamekeiny mödrin.

Nehemia 2:8

me ke tusi kö Asafa at ame tuö hnyot anyin than, me me he ka ham könya je ûö hnân je venyâiny je homagouleny uma, me hobi kâu haginy taun, me uma minya oge me he ka dit ka hnyin. Ke haba than ame ham könya, helâ me hnyamen Khong ae so könya.

Nehemia 5:15

Ke haba je gavena ehac, ödrin e ohmakâ tavat, kʼ ödrin e hom ûnyi gadrin jeû me waina, me fâte je sekel sileva; eke, ke lathnyabaidrin minya ödrin e muso tavat: ke oge me ca ânyâ helâe, anyin a iny outen Khong;

Nehemia 7:3

Ke oge me ha ködru, ka habe, Ca he öbu ka khong je homagouleny Jerusalema ke ne o but ame kahwa but seûno; ke adre me he ka hlöng je hwanuma me ohmâ hmetu kʼ ödrin e tiga hmâkâ: me otilâ tavat adre me laba hnyi Jerusalema hnân tavat tue hnyi anyidrin je hmak, ve cicö umödrin je uma.

Jobu 1:1

E HU ke at hnyi hnyei Uza, Jobu ien; ke bekhot me wisa hwakecin, e at ame outen Khong me ûsâkâûö me hulo.

Salamo 101:6

Oge me he ka ngele ka tavat ae hnathu hnyi hnyei, mʼ adre me he ka tha laba mönya: Haba at ame vheno gethen ae wisa, me e ame he ka bi athnyabaik.

Esodo 18:21

Ke haba khaca u me he ka ûca ûnyi ge tavat hia hnyat ae metâ, ödrin e outen Khong, a hnyat ae hnathu, odrin e hûkötiâ troban thoi; ke otilʼ odrin hon tavat, hnân je taben thauzan, me je taben haded, me je taben fifte, me je taben libenyita:

Daniela 6:4

Ke haba ke li at musi ae beönua ke tavat musi ae gan, me adre me elâm can ga Daniela ûnyi hnyi dokhu; ke ca khanʼ ödra he ka wâ ke can ke hulo: anyin a e hnathu, ke ba monu ke kongon adre me wâ gan.

Numera 12:7

Ke haba athnyabaik Mose, me ca helâe; e bi at ae hnathu hnyi hnyabak hia:

Mataio 24:45

Ewa athnyaba ae hnathu me metâ, wale hnen tuhan hna otilâ he ka muso hnyaban, he ka khenâ jeû ködrin hnyi je hing ûen cici?

Mataio 25:21

Me haingen tuhan ame ha kâu, ka habe, Ole, u athnyaba ae so me hnathu, u je hia but hnathu hnyi ta je ûnyi ae wakhalet, oge me he ka otilö u hon ta je ûnyi ae se hia, didro ka hnyi senyin anyin tuhâm.

I. Korinito 4:2

Ke haba khaca, hamen tavat walang adre me tuö omjeû he ka ve hnathu.

II. Timoteo 2:2

Ke haba ta je ûnyi u je hia but löng ûnyi gak unyin tavat ohnatho ae se hia, ham but ka tavat ae hnathu, ae khanʼ ödra he ka ûne ka keihen minya.