Nehemia 7:1 - Iaai Bible 1901 (New Caledonia)

¹ KE haba hnyi ûen adre hia but op hak, ke oge hia but otilâ je hlinginy hwanuma, kʼ adre hia but otilâ tavat khumöng me at Levi,

Nehemia 7:1 Iomraidhean Croise

II. Je Than 7:10

Me ödrin e o me hongot ka hnyat tuö homagouleny taun: me ödrin e thumetu ödrin me ha, ka habe, Ohmun e o hnyi hna hunuma anyin at Suria, ke wâ bi, e ba but at eling, ke ba hwan at, ke so bi je hors thibi adre noc, me je asina adre noc, me je uma mano thiju.

II. Man Ûlabainy Je Than. 31:2

Ke haba Hezekia ame otilâ tavat bihut me at Levi hoton anyidrin je dö, hoton je ve hanymodrin, wale tavat bihut me at Levi, hobi kâu je hudiny leû, me je hudiny ole, he ka huliwa, me ole, me oganâ hnyi je homagouleny uma umö Iehova.

Ezera 3:8

Ke haba hnyi huna a loiny hnödrin hna o ka hnyi uma umen Khong hnyi Jerusalema, hnyi tehi a loiny, me ame hwân Zerubabela nöku Sealetiela, me Jesua nöku Jozadaka, me je kolon a je liamekeiny mödrin a tavat bihut, me at Levi, me hnyat hia adre me he Jerusalema ai ûhedrin hnyi hna bâ; he ka otilâ at Levi, hnyat a twente huna me gan hon e, he ka muso huliwa hnyi uma umo Iehova.

Nehemia 10:39

Ke hamen lakon Isaraela me lakon at Levi he ka hom ka hnyi je hnyeule hudiny hwit, me waina, me wakaco, a eling je kaiainy dok ae kap, me tavat bihut a hnyat bi huliwa, me tavat tuö hwanuma me tavat khumöng: ke otin e ca he ka degec uma umen Khongutin.

Nehemia 11:3

Ke walang je homakan je ke keihen hnyei, tavat adre me laba hnyi Jerusalema: ke haba hnyi je taun anyin at Juda ödrin e ve laba hnyi idrin je hnyei hnyi anyidrin je taun, at Isaraela, me tavat bihut, me at Levi, me at Nethini, me je lakon lathnyabai Solomona.

Nehemia 12:24

Ke haba je taben at Levi; Hasabia, me Serebia, me Jesua nöku Hademiel, me je liamekeiny mödrin cici ödrin, he ka oganâ me ole, hoton hna hûna ga Davita aten Khong ke dö cicö ke dö.

Nehemia 6:1

KE a long ut Sanebalata, me Tobia, me Gesem, at Arabia, me je kolon a je iwahnaihmiony a oge hia but op hak, ke ba hmetu dok ae hmouca hnyin; (ke haba hnyi ûen eling iny tiga ca otilâ le hlinginy hnyi je homagöule;)

Nehemia 6:15

Ke adre me umo up haginy hnyi bong a twente faiviny tehi Elul, hnyi je bong a fifte tu.

Nehemia 6:19

Ke haba hnyi hnyimakök me ödrin e ha hwakecin ae so, me hom kâu hok je hofuc. Ke haba Tobia ame kunâ je tusi he ka ooti nya.