Nehemia 6:9 - Iaai Bible 1901 (New Caledonia)

⁹ Anyin a ödrin hia thithö ödrin e beöti ohmun haingödrin ka habe, Ame he ka mat je hnyamödrin hnyi huliwa, mʼ adre me ca ânyâ bi. Ke walang Khong lö, owhegiâ thö li hnyamok.

Nehemia 6:9 Iomraidhean Croise

II. Man Ûlabainy Je Than. 15:7

Ke hwege thʼ öbun, ke ca ohimö je hnyamöbun; anyin adre me he ka bi hwaban anyibun huliwa.

II. Man Ûlabainy Je Than. 32:18

Me ödrin e hongot hwege hnyi hwen Juda ka at Jerusalema hon je haginy veto, he ka ootʼ odrin me ohmaki ödrin: mʼ ödrin e he bi ka hûgûnâ taun.

Ezera 1:6

Ke haba hnyat hia a igigilo, me, ödrin e hadruʼ ödrin ge je kaia sileva, me gol, me omjeû, me omeno, me je ûnyi ae ûnyi hnathu, ke ca ha bi je bwihlany hia adre me ham hnyi betenge.

Nehemia 6:14

Khong lö, ûnykûme ju kö Tobia, me Sanebalata helâ me anyidru je huliwa ang, me kö Noadia perofeta momo, me je kolon je perofeta hnyat ödrin e besoti nya.

Salamo 138:3

U je thu könya hnyi bong oge me hongot, U je sihwegiö nya ge tang hwege ka hnyi hanuk.

Salamo 56:3

Haba bong oge me ot hnyin, Me oge me he ka labageju köu.

Salamo 68:35

Khong lö, u at hnân outen ûnyi hnyi ânyâm je dok ae kap: Haba Khongu Isaraela, e ame ham wege me man ka je lakeiny. Haisoâ thö Khong.

Salamo 71:1

IEHOVA lö, oge me labageju köu: Iny na ca he bala ju ka hmehma.

Isaia 40:29

E ame ha hwegien at ae sēnyen, me ham gânâ hwege ka at ae ba maniny.

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Jeremia 38:4

Me ame ha je taben ka than, ka habe, E so adre me hlingâ but at ang; anyin a helâe e ame osenyinâ je hnyamen tavat vat a ta je kolon hnyi taun ang me tavat hia, hnyi hnen hna ha je hofuc helâe: anyin a haba at ang, e ame ca elâm he ka osoâ bi tavat ang, ke e ame okongoâ bi.

Ezekiela 30:24

Ke oge me he ka ohwegiâ li hnyamen than Babulona, me ham anyik hele vat ka hnyi hnyamen: ke oge me he ka thu li benyi Farao, me e ame he ka mâng hnyi hnyimakan helâ me imânginy tavat adre me kot moko.

Zakaria 10:12

Ke oge me he ka ha hwegiödra ûnyi ga Iehova; ke adre me he ka ngenu ûnyi ge ien e haingö Iehova.

II. Korinito 12:9

Ke e ame ha könya, ka habe, E ûcû köu anyik ibetengiö baû: anyin adre obekhötâ manik man hnyi sēnyin. Anyin a wale oge me sēnyin gan hmâ he ka hobeluâ hnyi anyik je sënyin, me me tubi nya hnen man manin Keriso.

Efeso 3:16

me me he ka ham köbun, hoton ûganiny anyin hmanenang, he ka ohwegi öbun ge man ûnyi hnyi Hanu hnyin at eû hnyi hnyibun;

Efeso 6:10

Ke walang obiny, hwege thʼ öbun hnyi Than, ge tang hwegien maniny man.

Filipi 4:13

E khanö nya he ka ânyâ ta je ûnyi hia thithö hnen at ame ohwegiö nya.

Heberu 12:12

Anyin a wale hai thö je hnyam ame him, me je bouca ae mat;

I. Peteru 5:10

Ke haba Khong hwecin ibetengiö baû hia, wale ame hawʼ öbun ka hnyi anyin hmanenang ame ca ba balua unyin Keriso, öbun ka um dö vec hnyi ûen ae okhulit, me wale at ame he ka obekhöti öbun, me otethmʼ öbun, me ohwegi öbun.

I. Samuela 30:6

Ke gan hmâ hlöuhlöu anyi Davita; anyin ame ûhnenamö tavat he ka lûâ e, anyin ae vec hnyekon tavat hia thithö can je lakudrin obaga me wahlu: ke Davita ame siwhegiâ e bi ga Iehova Khongon.