Nehemia 6:8 - Iaai Bible 1901 (New Caledonia)

⁸ Me oge me ûkhûnöng kâu me ha, ka habe, E ba ûnyi helâ me hnâm hna ha, ke u je sit hofuc ûnyi hnyi hnyekom bi.

Nehemia 6:8 Iomraidhean Croise

Nehemia 6:7

Ke u je hia but otilâ je perofeta he ka khetâ hofuc gam hnyi Jerusalema, me ha, ka habe, E hu than dut hnyi Juda: ke walang adre me he ka thumeto than helâ me hna ha. Ke walang aiö u me otin e he ka ühnenamö.

Jobu 13:4

Ke öbun tavat sit hofuc thoi, Ke öbun tavat tren bubun hia ae ûnyi baû.

Salamo 36:3

E kong me iyawö ta je hofuc ûnyi hnyi hnyimen: E ame ca metâ hmetu me ânyâ so.

Salamo 38:12

Adre me töu hnewek tavat adre me elâm hanuk. Kʼ ame haiö nya hnen tavat adre me bekuc nya, Kʼ adre me ûnykûme tang iyawö hnyi je bong.

Salamo 52:2

Haba bohmâm ame penapena hwakecin ae ti kong, Helâ me heleûgi ae so hwan, kʼ ame huliwa iyawâ.

Isaia 59:4

E ba at ame hawâ hnyi hwakecin ae wisa, ke ba at ame ivino hnyi hnathu: adre me labageju ka ûnyi ae ba onyen, me ha thoi; kʼ adre me erkinâ ûokonguny, me hnokoâ but hulo.

Daniela 11:27

Ke haba li than eling, me ödru me he ka hnyok ûokonguny, ke ödru me he ka ûhnenamö thoi hnyi laulau a khaca: kʼ ame ca he ka hwâdâ: anyin adre me he ka bi obiny hnyi ûen adre thu.

Mataio 12:34

Je lakon on lö, öbun e he ka kâmâu he ka ha je hofuc ae so, kʼ öbun kong bi? anyin ame fuc hnyem ûnyi ge unöngötiny hnyok.

Ioane 8:44

Ûnyi ge kamöbun öbun, wale diabolo, ke öbun e behe ka ânyâ weny ae kong anyin kamöbun. E at ûhlingö hwân hnyi can, kʼ ame ca tethmâ hnyi hnathu, anyin ae ba hnathu gan. E ka he ka ha thoi, me ka ûnyi gan, anyin a e at thoi, ke kamen thoi.

Ta je huliwa 25:10

Haba Paulo ame ha, ka habe, Inya but ang oge me tot hnyi hnyimakan taben owisa anyi Kaisara, wale ae ûcû he ka hnei nya hnyin: e ba monu oge me ânyâ ka at Juda, e khanö u wia but e.

Ta je huliwa 25:7

Ke e ame o but, kʼ ame tot igigilo e at Juda adre me utut ûhedra Jerusalema, me bi fuci Paulo ge ta je ûnyi ae hmak, ke ta je ûnyi ae se, ke ca khanʼ ödra he ka ohnatho;