Nehemia 5:9 - Iaai Bible 1901 (New Caledonia)

⁹ Haingök minya, ka habe, E ca so ûnyi e öbun e ânyâ; hawa, öbun e ca he ka he me outen Khongutin, wâ e nye haikongoâ hnen je wanaithila a je iwahnaihmiony mötin?

Nehemia 5:9 Iomraidhean Croise

Genese 20:11

Ke Aberahama ame ha, ka habe, Oge me ûnykûme bi nya, ka habe, e ba ot ka Khong hnyi dok ang; me ödrin e he ka hlingö nya can öiök.

Genese 42:18

Ke haba hnyi bong a kuniny Josefa ame ha ködrin, ka habe, Ânyâ thʼ öbun ûnyi ang mʼ öbun e möt; anyin a iny outen Khong:

II. Samuela 12:14

Ke so bi can anyin a u je kunâ je iwahnaihmiony me Iehova he ka bi gan ge ûnyi e awe, ame he ka mok nokom adre me he ka hnokoâ.

Nehemia 4:4

Khonguhmun lö, long ju, anyin adre me höci ohmun: ke ohmeto ju hnödrin hna ûhaikonguny ka hnyi hon je bodrin bi, me hnʼ ödrin mʼ adre me sei ödrin hnyi ke hnyei adre me hom hwenbödrin:

Nehemia 5:10

Ke inya minya, me je liamekeiny mönya me lathnyabaik, ohmun e mē ham ködrin mone me hwit hnân heleû troban, Ö otin a degec ut ling he ka mē ham hnân heleû troban.

Nehemia 5:15

Ke haba je gavena ehac, ödrin e ohmakâ tavat, kʼ ödrin e hom ûnyi gadrin jeû me waina, me fâte je sekel sileva; eke, ke lathnyabaidrin minya ödrin e muso tavat: ke oge me ca ânyâ helâe, anyin a iny outen Khong;

Salamo 90:11

Ie at ame wâhmakhmetoâ hwegien hmonyin gam, Me ânyâm wathethot, hoton hna outö u hnyi tulut ae ûcû köu?

Ta je Vejec 16:29

Haba at ûokonguny, me ame cubec waeny, Me lelö e ka hnyi gethen ae ca so.

Ta je Vejec 17:26

E ca so he ka bi hwaban ka at ae wisa, Ke kot je than bi can anyidrin wisa.

Ta je Vejec 18:5

E ca so he ka tha hien me at ae kong, Me ohaûâ at ae wisa hnyi hna owisa.

Ta je Vejec 19:2

E ca so he ka ba wâhmakhmeto ge at; Ke ame he ka monu at ame he logot ge li can.

Ta je Vejec 24:23

Walang ke je hofuc hwan tavat metâ. E ca so he ka wâhmakhmetoâ at hnyi hna owisa.

Ezekiela 36:20

Ke hnyi ûen adre me o ka hnyi je hnyei, waleji adre me he ka hnyin, me adre me okongoâ iök ae kap; anyin ame ha tavat gadra, ka habe, Ta je atö Iehova ang, kʼ adre me he but ûhedra hnyi iny hnyei.

Levitiko 25:36

U me ca he ka kap hwaban me troban ûnyi gan; ke u ma outen Khongom; me me tha laba mou liamekeiny mou.

Ta je huliwa 9:31

Ke hnahic ut ekalesia hnyi je ke keihen Juda hia, me Galilaia, me Samaria, kʼ ame khulelau bi; ke adre me labö he me ot ka Than, kʼ ame kahwa je hnyekudra ûnyi ge Hanu Kap, kʼ adre me osehia but.

Roma 2:24

Anyin adre me haikongoâ ien Khong hnen Aten ke je hnyei can bi öbun, helâ me hna sihnalimen.

I. Timoteo 5:14

Anyin a wale inya oge me wek e me he wasafac hmai ka faipaipo, me hnokoâ lakudrin, me tuö hnyabadrin, me me ba can he ka haikongoâ hnen iwahnaihmiony:

Tito 2:5

me hnyokâ wisa, me kalaöt hnyekudra, me tavat huliwa hnyi hnyaba, me hwakecin ae betenge, me löng hoton laöiödra, e me ca he ke at ka haikongo bi hofuc hwan Khong:

I. Peteru 2:12

e so e ûcû hwakecibun hnyi hnyimakan Aten ta je hnyei; mʼ adre me ca he ka haikongu öbun helâ me tavat ae kong hwakecidra, e so adre me he ka ogânâ Khong hnyi bonginy senâ, at ka he ka wâ anyibun ta je huliwa ae so.

I. Samuela 2:24

Ohe, lakuk; e ca so ûthûmetu oge long: öbu me omono tavat anyi Iehova.