Nehemia 5:7 - Iaai Bible 1901 (New Caledonia)

⁷ Me oge me ûsabö eû hnyi hnyekuk, me oû je than, me tavat musi, me ha ködrin, ka habe, Öbun e mē ve ham ûnyi ka je liamekeiny möbun hnân heleû troban. Ke oge me otilâ ûkhacaköu ae gan hmâ ködrin.

Nehemia 5:7 Iomraidhean Croise

Salamo 109:11

E so ame hûgûnâ anyin ta je ûnyi hia hnen at ame bihihwakecin; Ke so ame he je atkanyua ka venâu hnen hna huliwan.

Salamo 15:1

IEHOVA lö, ie at ame he ka mē laba hnyin umâm uma menâ? Ie at ame he ka laba hon ânyâm bucen ae kap?

Salamo 15:5

At ame ca mē ham anyin mone ge hwaban, Me ca kap hwaban hnân okongoâ at ae ba hnyikongon. Ame ca he balua ka bwebwet at ame mâdrâ ta je ûnyi e.

Salamo 27:8

Hnyi ûen u je ha, ka habe, Elâm dʼöbun hnyimakök; me ame ha hnyekuk, ka habe, Iehova lö, oge me he ka elâm hnyimâkâm.

Salamo 4:4

Ot ju, ke ca ânyâ bi hulo: Ûhnenamö thö me je hnyekubun hon hnobun hna mokut, ke ca bwebwet bi. [Sela

Salamo 94:16

Ie at ame he ka tot hobi könya ka tavat adre ânyâ hulo? Ie at ame he ka tot hobi könya ka tavat adre me ânyâ ûnyi ae kong?

Esodo 22:24

kʼ ame he ka ubâhlâ anyik hmönyin, ke oge me he ka hlingʼ öbun ge hele vat; kʼ ame he ka safac je laöiöbun, kʼ ame he biju ka nakahme je lakubun.

Esodo 22:25

U je ne he ka me ham mone ka lakeik unyâm at ae ba ta ûnyi, ca he ka helâ me at ame ham ge hwaban; ke u ca he ka hnei hwaban gan.

Ta je Vejec 27:5

E so hwa ûne ae manen Hon betenge ae iyong.

Ta je Vejec 28:4

Haba tavat adre me degec hnanyibu, me adre me ogânâ tavat ae kong; Ke haba tavat adre me tuö hnanyibu, me adre me ivinoâ mödra.

Ezekiela 22:12

E unyâm adre hia but kap je bwihlany mʼ adre me hingâlâ dra; u je hia but hok hwaban ûnyi adre me me ham, ke ta je troban bi, ke u je hia but hwenmiâ ka hom troban ge at ame laba hakekenyi u ge ûöveci, ke u je hnying nya, haingen Than Iehova.

Ezekiela 45:9

Walang hna ha hnen Than Iehova, ka habe, Je than Isaraela lö, soju; degec ut öbun ûokonguny, ke sei, me anyâ thö ûnyi ae ûcû me ûnyi ae wisa; ohia ju hnobun hna musi hwege hon lakeik, haingen Than Iehova.

Levitiko 19:15

Ca he öbun ka ânyâ hwali hnyi owisa: u me ca he ka wâhmakhmetoâ at ae ba ta ûnyi, me ogânâ at ae tren omjeû: ke hamâm he ka owisa at ame laba hakekenyi u hnyi wisa.

Levitiko 25:36

U me ca he ka kap hwaban me troban ûnyi gan; ke u ma outen Khongom; me me tha laba mou liamekeiny mou.

Mataio 18:17

Ke a ne höcö ling ödrin, ha thö ka ûkhacaköu: ke a ne höcö long ûkhacaköu, hna but e me me he ka helâ köu me Aten ke je hnyei, ke ta je telona.

II. Korinito 5:16

Wale me öhmun e hwân walang ang a öhmun e ca he ka wâhmakhmeto ke at hoton unyin: eja ke ne öhmun e hia but wâhmakhmeto Keriso hoton unyin, ke so bi walang ang öhmun e ca he ka wâhmakhmeto hmetu bi e helâe.

Galatia 2:11

Ke ame o but Kefa hnyi Anetioka, me oge me hwege ivinö më, anyin ae monu.

I. Timoteo 5:20

E so he ka nâ hnyi hnyimakan tavat hia thithö adre me ânyâ hulo, me me ot ju keihen.

Tito 2:15

Ha thö ta je ûnyi eang me sihwege me nâ hnyi musi hia thithö. E so ame ca he ke at ka hûköti u.