Nehemia 5:15 - Iaai Bible 1901 (New Caledonia)

¹⁵ Ke haba je gavena ehac, ödrin e ohmakâ tavat, kʼ ödrin e hom ûnyi gadrin jeû me waina, me fâte je sekel sileva; eke, ke lathnyabaidrin minya ödrin e muso tavat: ke oge me ca ânyâ helâe, anyin a iny outen Khong;

Nehemia 5:15 Iomraidhean Croise

Genese 20:11

Ke Aberahama ame ha, ka habe, Oge me ûnykûme bi nya, ka habe, e ba ot ka Khong hnyi dok ang; me ödrin e he ka hlingö nya can öiök.

Genese 42:18

Ke haba hnyi bong a kuniny Josefa ame ha ködrin, ka habe, Ânyâ thʼ öbun ûnyi ang mʼ öbun e möt; anyin a iny outen Khong:

Nehemia 5:16

Eke, oge me hnyi hanen huliwan hak veto ang, ke öhmun e ca ûcû hnyei: kʼ ame ûkhacaköu eling lathnyabaik hia ka hnyi huliwa.

Nehemia 5:9

Haingök minya, ka habe, E ca so ûnyi e öbun e ânyâ; hawa, öbun e ca he ka he me outen Khongutin, wâ e nye haikongoâ hnen je wanaithila a je iwahnaihmiony mötin?

Jobu 31:23

Haba hlöûhiöû ûnyi ge Khong waleji hnân öbubuny könya, Ke ca khanö nya he ka ânyâ ke ûnyi ge ibeönuainy.

Salamo 112:1

OGANÖ Ja thʼ öbun. Hnahic hnen at ame outö Iehova, At ame senyin gan hmâ ge anyin ta je hnanyibu.

Salamo 147:11

Iehova ame senyin ka tavat adre me outen e, Tavat adre me gejon anyin ibetengiö.

Ta je Vejec 16:6

Ame he ka hneû degecâ hulo hnen ibetengiö me hnathu: Kʼ ame he tavat ka hota hulo ge ot kö Iehova.

Ta je Vejec 29:12

E ka he at musi ka long hoton ta je hofuc thoi, Me tavat ae kong hia je athnyabainy.

Isaia 50:10

Ia gabun ame outö Iehova, at ame löng ifucin athnyabainy? haba at ame he hnyi menekholom ke ba melam gan, e so e ame labageju ka iö Iehova, me fat ka Khongon.

Jeremia 32:9

Me oge me ûco utkânâ me Hanamela nöku cica hnyi Anathoth, me tuluto kâu mone, a seventin je sekel sileva.

Je tenge anyi Jeremi 5:8

Je athnyaba adre me musi ohmun: Ke ba at he ka hûgûnʼ ohmun hnyi je hnyamödra.

Mataio 5:47

Ke öbun e ne italofa me je liamekeiny möbun thibi, me ieû ke ûnyi ae beönua hnyi hnobun hna ânyâ? hawa a ca ânyâ helâe ta je Aten ke je hnyei.

II. Korinito 11:9

ke habaji ke tiga inya unyibun, ke ba ta ûnyi gak, me oge me ca ohmâkâ ke at; anyin ame o je liamekeiny ûhedrin Makedonia me ham könya hnyi tulut ae ûcû; ke oge me ka hokhnyoki nya hnyi ta je ûnyi hia, mʼ oge me ca hmak köbun, ke oge me he bala bi ka hokhnyoki nya helâe.

II. Korinito 12:13

Anyin a ieû a öbun hnyi hmelen keihen je ekalesia, a ca ûnyi ang a oge me ca ohmakʼ öbun? betenge ju öbun gak hnyi hwali eang.

I. Samuela 8:15

Ke e ame he ka hom ke keihen a libenyitainy hatungu-bun je hatong, me ibun je hnyei vine, me ham bi ka je taben unyin me lathnyabainy.