Nehemia 5:13 - Iaai Bible 1901 (New Caledonia)

¹³ Ke oge me jijingâ manoiny ûkhaûk, me ha, ka habe, Ame he Khong ka jijingâ degecâ tavat hia adre me ca ohwâdâ hofuc ang, ûnyi hnyi umödrin je uma, me anyidrin je huliwa; e so adre me he ka jijingʼ ödrin helâe, me otheduocâ. Me ame ha ûkhacaköu hia, ka habe, Amen, kʼ adre me oganö Iehova. Me haba tavat ödrin e ânyâ hoton hofuc eling.

Nehemia 5:13 Iomraidhean Croise

II. Je Than 23:3

Kʼ ame tot than hnyi tap me ânyâ ûhihinyköu hnyi hnyimakö Iehova, he ka he hotu Iehova, me tuö anyin ta je hnanyibu, me hnen ta je hna ohnatho, me hnen je hna otilâ, ge hnyekon ae bekhot me hanon ae bekhot, he ka ânyâ je hofuc hnyi ûhihinyköu ang, adre me sihnalimen hnyi tusi ang: me haba tavat hia adre me tot hwege ka hnyi ûhihinyköu.

I. Man Ûlabainy Je Than. 16:36

E so he ka haisoi Iehova, Khongu Isaraela. Hwan ehac balu ke ne o but nyiele balua. Ke haba tavat hia ödrin e ha, ka habe, Amen, me ogânâ Iehova.

Nehemia 8:6

ke Ezera ame haisoi Iehova Khong ae gan. Me haingen tavat hia, ka habe, Amen, Amen, me hai goranyai je hnyamödrin; ke ödrin e nom ju hnyikânâi me khudrung kö Iehova, me hnyimaködrin hnyikânâi.

Salamo 119:106

Oge hia but khemanyik, me ohmâ e, A oge me he ka vheno hnâm ta je hna owisa ae wisa.

Salamo 50:14

Hudo thö ole ka Khong; Ke ham but ka Beönua hnâm je hna khemanyin:

Salamo 76:11

Hûkölö khöbi ju, me thamuâ kö Iehova Khongubun: E so ame he tavat hia adre me laba igigilo e ka ham je bwihlany ka at ae ûcû ke ka outen.

Ta je Vejec 28:4

Haba tavat adre me degec hnanyibu, me adre me ogânâ tavat ae kong; Ke haba tavat adre me tuö hnanyibu, me adre me ivinoâ mödra.

At Khet 5:5

E so he ka ca bi khöbi, ke kong he ka bi khöbi me ca ohwâdâ bi.

Numera 5:22

ke haba utköiö eang at ame ohnaûhangöâ ame ke ka dit ka hnyi hnyekom, me okhibö hnyekom, me oavâ jevam: ke ame he momo ka ha, Amen, Amen.

Mataio 10:14

Ke kaba at ame ca köp öbun, kʼ ame ca long hobun ta je hofuc, awe, öbun ka didrut ûnyi hnyin uma eling ame ne taun, jijingâ but kânâiny je hnyeûcabun.

Ta je huliwa 13:51

Me Ödru me jijingâ kodra kânâiny li hnyeûcadra, me he but Ikonio ai.

Ta je huliwa 18:6

Ke adre me hna degecâ, ke fuc bigan, me e ame jijingâ anyin je ûkhaû me ha ködra, ka habe, Ame he dröbun ka tabâ je böbun bi; ke iny gufa bi nya: hwan walang ang oge me he bi nya ka Aten ta je hnyei.

I. Korinito 14:16

Ke u je ne he ka ole ge hanu, ame he ka kâmâu ka ha Amen ka ânyâm ole, hnen at adre ca nâ, anyin e ca khana hnâm hna ha?

I. Samuela 15:28

Ke haba Samuela ame ha kâu, ka habe, Iehova ane hia but kia dökhu Isaraela hnyi bong ang ûnyi gam, me ham e ka ke at ame laba hakekenyi u, ae so hom.