Nehemia 4:16 - Iaai Bible 1901 (New Caledonia)

¹⁶ Ke hwân hnyi bong eling, me haba hafiny lathnyabaik ödrin e hnyi ânyâ huliwa, ke haba ke haf ödrin e hom je ö, me je bec, me je cafana, me je ûkhaûen vat; kʼ ame laba hnyat musi hnyi hoton lap anyi Juda hia.

Nehemia 4:16 Iomraidhean Croise

Nehemia 4:15

Ke a long ut ta je iwahnaihmiony möhmun a ga khanʼ ohmun dut, ke a gʼ ame hia but Khong oûnyibaûâ anyidrin ûhnenamö, me ohmun e ve hmetu hia ka hnyi hna up hak ka hnyi anyihmun huliwa.

Nehemia 4:17

Haba je hnyat ödrin e op hak me tavat sukhöûnâ ta je ûnyi ödrin ka ve kap he ka vadren, me ödrin e ve ânyâ huliwa ge hnyam a khaca, me hom omjehen vat ge ke hnyam;

Nehemia 4:23

Ke haba inya me je liamekeiny mönya, me lathnyabaik, me tavat tue, tavat adre me he hotuk, me ohmun e ca hnyi uny anyihmun je ûkhaû, kʼ ödrin hia ödrin e seköiö me je omjehen vat.

Salamo 101:6

Oge me he ka ngele ka tavat ae hnathu hnyi hnyei, mʼ adre me he ka tha laba mönya: Haba at ame vheno gethen ae wisa, me e ame he ka bi athnyabaik.

Esodo 28:32

Ke ame he ka hu hnyimen deny bân hnyi wanben; kʼ adre me he ka tibet telenu adre i hwâwâ igigilö hnyimen, helâ me man ûkhaûen vat me me ca he ka mou.

Khumöng Hwanyi Solomona. 3:8

Ödrin hia ödrin e hok hele vat, adre nʼ ödrin he ka vat: Adre ve weikâ anyidra je hele vat hnyi je jevadrin, Can ot hnyi hnyinghet.

Jeremia 46:4

Bi omjehen ju je hors, ke tabâ thʼ öbun tavat tabô hors, ke todrö me je hnabicen vat; khet ju jeö, khavâ ju je ûkhaûen vat.