Nehemia 4:14 - Iaai Bible 1901 (New Caledonia)

¹⁴ Me oge me wâ, me tot, me ha ka je than me hnyat musi, me je kolon tavat, ka habe, Ca he öbun ka outʼ odrin: ûnykûme ju ka Than, at ae gan me hnân outen, ke he thʼ öbun ka vat hobi kâu je liamekeiny möbun, me lakubun obaga me wahlu, me laöiöbun me umöbun je uma.

Nehemia 4:14 Iomraidhean Croise

II. Samuela 10:12

Hwege thö, ke so otu me hnyok baga thö hobi kâu itin hnyei, me hobi kâu je taun anyin Khongutin: ke hamö Iehova bi he ka ânyâ ûnyi ae so kâu.

II. Man Ûlabainy Je Than. 32:7

Hwege thʼ öbun, me hnyok baga but, ca ot bi, ke ca öbubuny bi ge than Asuria, me tavat ae se hia unyin: anyin ae se hia gatin, ke wakhalet bi unyin:

Nehemia 1:5

me ha, ka habe, Inya oge me khöû köu, Iehova, Khongon drany, Khong ae gan hmâ me hnân outen, at ame tuö ûhihinyköu me ibetengiö ködrin tavat adre me hnyok kâu me tuö anyin je hnanyibu:

Jobu 37:22

Ame o but ûheny hnyi hwadro drany ae so helâ me gol: E unyin Khong hmanenang hnân outen.

Salamo 143:5

Inya oge me ûnykûme je bong kâû adrem; Oge me labö ûnykûme ânyâm ta je huliwa hia: Oge me ûnykûme hna mâdrâ hnen li hnyamâm.

Salamo 20:7

Haba keihen adre me labageju ka ta je kariota, ke haba keihen ka ta je hors: Ke ate me he bi ka ha iö Iehova Khonguta.

Salamo 27:1

IEHOVA melamik me at ame omeli nya; oge ma outö ia? Iehova tang hwegien anyik möt; ia oge ma outen?

Salamo 46:11

Tha e mota Iehova tuhan sabaoth; Hnöta hnabâ Khongu Jekob. [Sela.

Salamo 65:5

Khong lö, at ame omeli ohmun, U me he ka thu kohmun ge ta je ûnyi hnân outen hnyi hwakecin ae wisa. U thibi at adre me labageju kâu ke ne o but hnyi je can hmeledrany, Me hnyi köiö hnyi dok ae sâkâû:

Salamo 66:3

Ha thö ka Khong, ka habe, Hnân öbu-buny ge hnâm je hna ânyâ! Ûnyi hnyi ûganiny tang hwegiâm ame he je iwahnaihmiony möu ka nom ju köu.

Salamo 66:5

Ai öbun ka wâ ta je huliwa anyin Khong; Hnân öbubuny gan hnyi hnen hna ânyâ hon ta je lakon at

Esodo 14:14

Ame he Iehova ka vat sing öbun, kʼ öbun e he ha laba hayibû.

Esodo 14:25

Ke ame thang je waengen hnyi anyidra je kariota, me me hmak he ka lelö: waleling me me ha hnen at Aigupito, ka habe, E so ate me kec ge at Isaraela; anyin a Iehova ame bi hiödra, me iwahnaihmiony me at Aigupito.

At Khet 12:1

KE ûnykûme ju At a up u hnyi je bonginy ânyâm hidröu, e tiga ca o ta je bong ae kong, me tiga ca hakekeny bi ta je huna wale u me he ka ha hnyin, ka habe, O ge me ca senyinâ hmetu e;

Daniela 11:32

Ke haba tavat ae kong hwakecidra ka hnyi ûhihinyköu, e ame he ka omonu ödra ge hofuc ûtakû: ke haba tavat ae khanʼ ödra Khongudrin adre me he ka hwege me ûjöng.

Zakaria 14:3

Ke haba Iehova ame he ka he but, me vat me je hnyei eling, helâji me hnen hna vat hnyi bonginy vat.

Numera 14:9

Ke so bi ca he öbun ke ivinö me Iehova, ke ca he öbun ka outen tavat a idra hnyei; anyin a ödra areto bi hobi köhmun: kʼ adre hia but hom unyidra ûnyi hnân tuʼ ödra bi, ke e unyita Iehova: ca oûtʼ ödra.

Mataio 10:28

Ke ca ot bi ge tavat adre me hlingâ unyin, ke ca khanʼ ödra bi he ka hlingâ hanu: ke so he ka outen at ae khana he ka ohnaûhangoâ unyin me hanu hnyi gena.

Deuteronomi 1:21

Wâ bi, hnö Iehova Khongom hna ip hnyei hnyi hnyimâkâm: ölö thö me labā, helâ me Iehova Khongon lakâmâm ame ha köu; ca ot bi me öbubuny.

Deuteronomi 10:17

Anyin a haba Iehova Khongubun, me Khongon je khong, me Thaniny je than, e Khong ae gan, me man, me hnân outen, kʼ ame ca wâhmakhmetoâ at, kʼ ame ca kap hwaban.

Heberu 13:6

Anyin a wale e khanʼ öta he ka ha hwegiâ, ka habe, Haba Than, me wale thibi e at ame hadruo nya, oge me ca he ka ot, Ieû ke ûnyi ae khana at he ka ânyâ könya?

Josua 1:9

Hawa, oge ca hûna köu? Hwege thö, ke hnyok baga but; ca ot, ke ca öbubuny bi, anyin a e bi unyâm Iehova Khongom hnyi je dok u me be ka hnyin.

Owisa 3:27

Ke e ame he but me tûâ trutru hnyi hnyei ae hut hnyi Eferaima, me ame tha utut lakon Isaraela mē ûheny hon hnyei ae hut, ke e ame bân.