Nehemia 4:10 - Iaai Bible 1901 (New Caledonia)

¹⁰ Ke haba at Juda ödrin e ha, ka habe, E ûhnyûkong biju hwegien tavat sukhöûnâ ta je ûnyi, ke gan hmâ thatûnyi; me me ca khanʼ otin he ka op hak.

Nehemia 4:10 Iomraidhean Croise

II. Man Ûlabainy Je Than. 2:18

Ke ame otilâ sevente thauzan gadrin he ka sukhöûnö ûnyi, ke eite thauzan he ka si utö hnyi je bucen, ke theri thauzan ke siks haded he ka muso tavat huliwa.

II. Man Ûlabainy Je Than. 34:13

Ke ödrin e muso bi minya hnyat sukhöûnâ ta je ûnyi, me tavat tuö aten huliwa hnyi ta je huliwa: ke haba keihen at Levi, me, ödrin hnyat sihnalimen, me je homakan, me hnyat tuö hwanuma.

Nehemia 4:11

Ke haba je iwahnaihmiony möhmun ödrin e ha, ka habe, Ame ca he ka khanʼ ödrin me wâ, ke ne o but otin e o hnyi wanbödrin, me hlingʼ ödrin, me bi obiny huliwa.

Nehemia 4:2

Me e ame fuc hnyi hnyimakan je liamekeiny mē, me utbavat anyin at Samaria, me ha, ka habe, Ieû, ame ânyâ at Juda ang a ödrin mat? hawa ödrin e he ka ohwegi ödrin bi? ödrin e he ka bi hut? ödrin e he ka umo hnyi bong a khaca? hawa ödrin e he ka oâ je veto ûnyi hnyi je hna khöû ve ta ûnyi waleji adre thong?

Nehemia 4:9

Ke ohmun e hic ka Khonguhmum me otilâ tavat ka tuʼ ödrin hnyi lany me lit, gadrin.

Ezekiela 29:18

Nokon at lö, haba Nebukaneza than Babulona ame ânyâ huliwa ae so hmönyin ûcon Turo hnen anyin je utbavat: e hadreû thö je bödra hia, kʼ ame han hia but je abenyidra; ke so bi e ame ca kap troban, me anyin utbavat, ûnyi Turo, hnyi huliwa e ame ânyâ ûcon:

Hagai 1:2

Walang hna ha hnö Iehova tuhan sabaoth, ka habe, Haingen tavat ang, ka habe, E tiga ca o bi ûen, wale ûen he ka op uma umo Iehova.

Numera 13:31

Ke haingen tavat ödrin e tha ölö mē, ka habe, E ca khanʼ ota he ka ölö thö ka tavat eling, anyin a ödra hwege huta.

Numera 32:9

Anyin a ödrin e he but ka hnyi hnyigöulen bucen Esekolo, me wâ hnyei, me ödrin e ohluhluâ hnyekon lakon Isaraela, mʼ adre me ca he ka hnyi hnyei waleji a ham ködra Iehova.