Nehemia 3:3 - Iaai Bible 1901 (New Caledonia)

³ Ke haba je laku Hasenaa ödrin e op homagouleny je wâ; ödrin e ip je venyâiny, me otilâ je hlinginy hwanumen, me je lâkiny, me je ohmâiny.

Nehemia 3:3 Iomraidhean Croise

II. Man Ûlabainy Je Than. 33:14

Ke hwaban, e me ame op ke hak veto hoton eû taun anyi Davita, hnyi ke keihen e jio Gihona, hnyi hnyigöulen bucen, ke ne o but hnyi gethen ame dit hnyi homagouleny je wâ; kʼ ame khenyi ka hnyi Ofela, me ti op goranyai: ke e ame ip je taben vat hnyi ta je taun hia adre up haginy hnyi Juda.

Ezera 2:35

Je laku Senaa, ödrin theri thauzan ke siks haded ke thote.

Nehemia 12:39

me ethö hon homagöulei Eferaima me homagöule kâû adrem, me homagouleny ta je wâ, me tap ae beû goranyai anyi Hananel, me tap ae beû goranyai anyi Mea, ke ne o but hnyi homagouleny mamoe: me ödrin e todrö hnyi homagouleny uma ceat.

Nehemia 2:8

me ke tusi kö Asafa at ame tuö hnyot anyin than, me me he ka ham könya je ûö hnân je venyâiny je homagouleny uma, me hobi kâu haginy taun, me uma minya oge me he ka dit ka hnyin. Ke haba than ame ham könya, helâ me hnyamen Khong ae so könya.

Nehemia 3:4

Ke haba Meremoth, nöku Uria, nöku Koz, ame op ûtangköu mödrin. Ke haba Mesulama, nöku Berekia, nöku Mesezabel ame op ûtangköu mödrin. Ke haba Zadoka nöku Baana ame op ûtangköu mödrin.

Nehemia 3:6

Ke haba Jehoiada nöku Pasea, me Mesulama nöku Besodeia, ödru me ânyâ homagöule a ûnyi but ehac; ödru me ip je venyâiny, me otilâ je hlinginy hwanumen, me je lâkiny, me je ohmâiny.

Nehemia 6:1

KE a long ut Sanebalata, me Tobia, me Gesem, at Arabia, me je kolon a je iwahnaihmiony a oge hia but op hak, ke ba hmetu dok ae hmouca hnyin; (ke haba hnyi ûen eling iny tiga ca otilâ le hlinginy hnyi je homagöule;)

Nehemia 7:1

KE haba hnyi ûen adre hia but op hak, ke oge hia but otilâ je hlinginy hwanuma, kʼ adre hia but otilâ tavat khumöng me at Levi,

Nehemia 7:38

Je laku Senaa, ödrin theri thauzan nain haded ke thote.

Salamo 147:13

Anyin a e ame hia but ohwegiâ je venyainy ta je homagöulem; E ame hia but ohnahicâ lakom hnyi wanbâm.

Zefania 1:10

Ke haingö Iehova, Haba hnyi bong eling me ame he bi ka hu hwatenge hnyi homagouleny wâ, kʼ ame he ka hu kuku tenge hnyi ke keihen a loiny, ke dia ae gan hnyi je hut.