Nehemia 3:15 - Iaai Bible 1901 (New Caledonia)

¹⁵ Ke haba Saluma nöku Kole-hoz, at ame muso ke keihen hnyei a Mizepa, e ame op homagouleny köiö ame pupua; e ame op e, me tube, me otilâ hlinginy hwanumen, me je lâkiny, me je ohmâiny, me hak vetoiny an Siloa hnyi utkânâ iny than, ke ne o but wacûat gethen ka hnyi taun anyi Davita.

Nehemia 3:15 Iomraidhean Croise

II. Samuela 5:9

Ke Davita ame laba hnyi hnabâ, kʼ ame hwenyi ien, me, taun anyi Davita. Ke Davita ame up veto igigilo hwân hnyi Milo ke ne o thö eiö hnyin.

II. Je Than 25:4

Ke adre me kia taun, me ame kec tavat vat hia hnyi hnyinghet, ödrin e gethen hnyi homagöule wanben li hak veto, hnyi utkânâ iny than: (ke e bi at Kaledaia cicö taun igigilo:) ke haba than ame kec hnyi getheniny dok ae tha hon.

II. Man Ûlabainy Je Than. 32:30

Ke haba Hezekia ling me wale at ame hlöng deny köiö hnyi Gihona ethö, me owisa e ka hnyi ke keihen jimeûiny taun anyi Davita. Ke sot Hezekia hnyi anyin ta je huliwa hia.

Nehemia 12:37

ke haba hnyi homagouleny köiö ame pupua, me gethen hnyi hnyimaködrin, ödrin e öliâ wacûatiny taun anyi Davita, hnyi hna Öliâ ka hnyi hon hak veto, walethö hon uma umo Davita, ke ne o but ka hnyi homagouleny köiö e deiö.

Nehemia 2:14

Ke oge me he ka hnyi homagouleny pupua me an belen than: ke ba gethen deny meno oge me tabâ.

Nehemia 2:17

Me oge me ha ködrin, ka habe, Öbun e wâ but anyitin hlöuhlöu, wale bi ang a hnyot ut Jerusalema, kʼ adre thong ge meic je hlinginy homagouleny: ai öbun, mʼ ate me he ka op haginy Jerusalema, mʼ adre me ca haikongu otin hmetu bi

Nehemia 3:12

Ke haba Saluma nöku Halohes, at ame muso ke keihen a hafiny Jerusalema, ame op ûtangköu mē e me lakon je hlu.

Nehemia 3:14

Ke haba Malekia nöku Rekaba, at ame muso ke keihen hnyei wale Beth-akerem, e ame op homagouleny ta tet; e ame op e, me otilâ je hlinginy hwanumen, me je lâkiny, me je ohmâiny.

Nehemia 3:19

Ke Ezera nöku Jesua at ame musi hnyi Mizepa ame op ûtangköu mē, a ke keihen e, cicö gethen ka hnyi uma adre hip omjehen vat hnyin, hnyi kopiny.

Nehemia 3:7

Ke haba Melatia at Gibeona, me Jadon at Merono, me at Gibeona, me Mizepa, wale hanen theron anyin gavena hnyi ke keihen hoton wagewe, ödrin e op ûtangköu mödrin.

Nehemia 3:9

Ke haba Refaia nöku Huro at ame muso ke keihen a hafiny Jerusalema, ame op ûtangköu mödrin.

At Khet 2:6

oge me ânyâ anyik je köiö, hnân hû kânâ ame kû hnyin ta je ûö:

Isaia 8:6

Anyin a hnen tavat hna höciâ je köiöiny Siloa, ame omi di, me senyin bi kö Rezina me nöku Remalia;

Jeremia 40:6

Me haba Jeremia ame he kö Gedalia nöku Ahikama hnyi Mizepa, me tha laba më unyin je kolon hnyi hnyei.

Luka 13:4

Ke hnyat minya a eitin ame kolu takû ödrin tap adre op hnyi Siloam, mʼ adre me mokcu, öbun e ûnykûme la, ae beönua anyidrin monu hon tavat hia adre me laba hnyi Jerusalema?

Ioane 9:7

me ha kâu, ka habe, He thö ka hneû hnyi an Siloama (walang bongon, Hna ûkhûnöng). Me e ame he but me hneû, me e ame o hmetu but a ga bwela but.

Owisa 20:1

ME haba lakon Isaraela hia thithö adre me he, me ame ûkhacaköu tavat helâ me at a khaca, hwân hnyi Dana ke ne o but hnyi Bere-seba, a tha ödra me hnyei Gileada, unyi Iehova hnyi Mizepa.

Owisa 20:3

(Ke haba laku Beniamina ödrin e long a gʼ ame he Mizepa ai lakon Isaraela.) Me haba lakon Isaraela adre me ûhaköuâ, ka habe, Më thumetu ohmun, adre me kâmâu ûnyi eang ae kong.