Nehemia 3:14 - Iaai Bible 1901 (New Caledonia)

¹⁴ Ke haba Malekia nöku Rekaba, at ame muso ke keihen hnyei wale Beth-akerem, e ame op homagouleny ta tet; e ame op e, me otilâ je hlinginy hwanumen, me je lâkiny, me je ohmâiny.

Nehemia 3:14 Iomraidhean Croise

II. Samuela 4:2

Ke e bi unyin nöku Saulo li at a li taben deo vat: Baana ien ke at, ke Rekaba ien ke at, a li laku Rimona, at Berotha, hanen lakon Beniamina: (anyin adre tha öû Berotha me Beniamina:

II. Je Than 10:15

Ke e ame he but ûheny e, me e ame ûkhanö me Jonadab, nöku Rekaba ame he ka iouny mē: ke e ame iouny, me ha kâu, ka habe, Hawa e wisa hnyekom helâ me hnyekuk köu? Me haingö Jonadab, ka habe, Eke. A ne helâe, awe, ho jem hnyamâm. Ke e ame inâ hnyamen; me e ame hom e kâu ka hnyi hon kariota.

I. Man Ûlabainy Je Than. 6:40

baga nöku Mikaela, baga nöku Baaseia, baga nöku Malekia;

Nehemia 12:31

Ke oge me hom je than Juda kâ thö ka hnyi hon hna op hak veto hnyi ke keihen metâ, ke ne o but ka hnyi homagouleny ta tet:

Nehemia 2:13

Ke oge me he but hnyi hnyinghet, kʼ oge me gethen hnyi homagouleny e hnyi hnyigöulen bucen cicö pupuainy köiö tanimo, me homagouleny ta tet, me wâ hna up veto hnyi Jerusalema adre kia, me je hlinginy homagouleny a aû but ge meic.

Nehemia 3:9

Ke haba Refaia nöku Huro at ame muso ke keihen a hafiny Jerusalema, ame op ûtangköu mödrin.

Jeremia 6:1

TA je lakon Beniamina lö, kec bemöt dö ûnyi hnyi wanben Jerusalema, ke tûâ thö khoto hnyi Tekoa ke ogörânyâ thö haten hnyi hon Beth-akerem: anyin ame selâdrâ ûnyi ae kong ûheny hnyi hwadro, me hna ûhangö ae gan.