Nehemia 2:8 - Iaai Bible 1901 (New Caledonia)

⁸ me ke tusi kö Asafa at ame tuö hnyot anyin than, me me he ka ham könya je ûö hnân je venyâiny je homagouleny uma, me hobi kâu haginy taun, me uma minya oge me he ka dit ka hnyin. Ke haba than ame ham könya, helâ me hnyamen Khong ae so könya.

Nehemia 2:8 Iomraidhean Croise

Genese 32:28

Me e ame ha, ka habe, adre me ca he hmetu ka hao u Jekob, ke Isaraela bi: anyin a u je hia but nâ hwegiâm me Khong me tavat, ke ne u hwege.

Ezera 5:5

Ke e but emakan Khongudrin hon wahingatiny at Juda, me adre me ca thawʼ ödrin, me me o but hofuc kö Dariu, me adre me he ka thu hmetu hofuc eling hnyi tusi.

Ezera 6:22

me ânyâ senyinâ hnyi seven je bong bijeûiny areto adre ca levenâ: anyin a Iehova ame osenyini ödrin, me wia ködrin hnyekon than Asuria, me ohwegiâ je hnyamödrin hnyi huliwainy uma umen Khong, wale Khongon at Isaraela.

Ezera 6:8

Ke haba khaca inya oge me hûna ge hnobun hna he ka ânyâ ka wahingatiny at Juda hobi kâu hna op uma umen Khong eling: a haba ke je omjeû, wale ûnyi hnyi fat hnyi ke keihen hoton wagewe, adre me he ka ie ham ka tavat ang hnân hwaban huliwa, mʼ adre me ca ovheli ödrin bi.

Ezera 7:6

haba at eling a Ezera ame he but ûheny Babulona; ke e at ae ti khana sihnalimen hnyi hnanyibu anyi Mose, waleji a ham Iehova Khongu Isaraela: ke haba than ame ham hia kâu hnen hna sumâtâ, helâ me hnyamö Iehova a Khongon hon.

Ezera 7:9

Anyin a haba hnyi bong a bâniny tehi a bân e ame ibi hwân he ka he ûheny Babulona, ke haba hnyi bong a bâniny tehi a thabûnginy, e ame o but hnyi Jerusalema, helâ me hnyamen Khongon ae so hon.

Nehemia 7:2

me oge me kû Hanani liamekeiny mönya, me Hanania at ame muso hnabâ, he ka musi hnyi Jerusalema: anyin a e at ae wisa, kʼ ame ti outen Khong hon tavat ae se hia.

Ta je Vejec 21:1

E HNYI hnyamö Iehova hnyekon than helâ me je deny köiö: Kʼ ame wia e ka hnyi hnen hna weny.

At Khet 2:5

ke oge me bi ik, me bi anyik je utkânâ, me tâ eling ta je ûö hia ame ve wa wan:

At Khet 2:6

oge me ânyâ anyik je köiö, hnân hû kânâ ame kû hnyin ta je ûö:

Isaia 66:14

Ke öbun e he ka wâ e, me ame he ka senyin je hnyekubun, ke ame he ka möt so je jeiöbun, helâ me je bâtân: ke ame he je athnyabainy ka khanʼ ödra hnyamö Iehova, ke e ame he ka hmonyin ka je iwahnaihmiony mē.

Daniela 1:9

Ke haba Khong ame okûâ he ka betenge me hnyok kö Daniela hnen tuhan ta je eunuka.

Ta je huliwa 26:22

Ke e hu gak ûhadruo ûnyi ge Khong, wale me inye tethmâ ke ne o but hnyi bong ang, oge me ohnathoâ ka tavat ae ûhnyûkong me tavat ae gan, ke oge me ca ha ke ûnyi ke so bi hnen je perofeta me Mose hna ha ame be ka o;

Ta je huliwa 7:10

kʼ ame omelö e ûnyi hnyi anyin ta je vec hia, me ham kâu ibetengiö me metâ hnyi hnyi-makö Farao than Aigupito; ke e ame otilâ e me me musi hnyi Aigupito me hnyaban hia.

II. Korinito 8:16

Ke ole ka Khong at ame ip hnyi hnyeku Tito ibetengiö köbun helâe.