Nehemia 2:7 - Iaai Bible 1901 (New Caledonia)

⁷ Ke haingök minya ka than, ka habe, Ame ne so ka than, e so he ka ham könya je tusi ka je gavena hnyi ke keihen hoton wagewe, mʼ ödrin e he ka hnö nya ka he ke ne o but oge me o hnyi Juda;

Nehemia 2:7 Iomraidhean Croise

Ezera 6:6

Ke walang ang, Tatenai lö, at musi hnyi ke keihen hoton wagewe, me Setara-bozenai, me je lahanöbu a at Afareseka hnyi ke keihen hoton wagewe oûsâkâû öbun dut me ûnyi e:

Ezera 7:21

Ke haba inya, Aretaseta than, me oge me hûna ka tavat tuö omjeû hia thithö hnyi ke keihen hoton wagewe, a haba ta je ûnyi hia ame he Ezera at bihut, at a sihnalimen hnanyibu anyin Khongon drany, ka sumâtâ unyibun, me, adre me he ka ie ânyâ,

Ezera 8:22

Anyin a iny hmehma he ka sumâtâ ge than je soje me tavat tabô hors he ka badruʼ öhmun can je iwahnaihmiony eû hnyi gethen: anyin a öhmun e hia but ha ka than, ka habe, E bala bi hnyamen Khonguhmun hnân so ködrin a hnyat adre me elâm e; ke haba maniny man me anyin hmonyin me e bala bi hudrin hia thithö tavat adre me hna degecâ.

Ezera 8:36

Ke ödrin e ha hofuc hwan than ka tavat musi ae beönua anyin than, me je gavena hnyi ke keihen hoton wagewe, me ödrin e hadruâ tavat, me uma minya umen Khong.

Nehemia 2:9

Ke oge me o but ka je gavena hnyi ke keihen hoton wagewe, me ham ködrin je tusi anyin than. Ke haba than ame hia hut tha kunö nya me je taben vat me tavat tabô hors.

Nehemia 3:7

Ke haba Melatia at Gibeona, me Jadon at Merono, me at Gibeona, me Mizepa, wale hanen theron anyin gavena hnyi ke keihen hoton wagewe, ödrin e op ûtangköu mödrin.