Nehemia 2:3 - Iaai Bible 1901 (New Caledonia)

³ Me oge me ha ka than, ka habe, E na möt ju than nyiele balua: anyin a ieû ame ca he ka hmak hnyimakök, ke hnyot ut taun ae hnyin je hon lakamök, ke a an dö je homagouleny ge meic?

Nehemia 2:3 Iomraidhean Croise

I. Je Than 1:31

Me Bathe-seba ame nom hnyikânâi, me ogânâ than, me ha, ka habe, E so e möt bi than Davita a tuhok nyiele balua.

II. Je Than 25:8

Ke haba hnyi tehi a thabûnginy, hnyi bong a seveniny tehi, wale huna a naintini Nebukaneza than, wale than Babulona, me ame o but Nebuzaradana taben tavat tue, athnyabainy than Babulona, Jerusalema ai:

II. Man Ûlabainy Je Than. 21:20

Thote tu je hunainy hnyi ûen e ame hwân ka than, ke e ame musi hnyi Jerusalema eit je huna: ke e ame he but kʼ adre ca tengiâ; me ödrin e konâm e hnyi taun anyi Davita, ke ca hnyi je erkemok anyin je than.

II. Man Ûlabainy Je Than. 28:27

Ke ame tha mokut ut Ahaza me lakamen, me ödrin e konâm e hnyi taun, wale hnyi Jerusalema; anyin a ödrin e ca hom e ka hnyi je erkemok anyin je than Isaraela: ke ame than biju Hezekia a nokon hwaban.

II. Man Ûlabainy Je Than. 32:33

Ke haba Hezekia ame tha mokut ut me lakamen, me ödrin e konâm e hnyi dok adre me ölö hnyin ka hnyi erkemok anyin je laku Davita: ke haba at Juda hia me tavat adre me laba hnyi Jerusalema ödrin e oganâ e hnyi anyin mok. Ke ame musi biju Manase a nokon hwaban.

II. Man Ûlabainy Je Than. 36:19

Me ödrin e thong degecâ uma umen Khong, me thö degecâ hak veto hnyi Jerusalema, me thong degecâ ge meic je uma umen than, me okongoâ hia je kaiainy ae so.

Nehemia 1:3

Ke haingödrin könya, ka habe, Haba je kolon adre me möt ûhedrin hnyi hna bâ hnyi ke keihen hnyei eling, me gan hmâ vec me hna haikongu ödrin: ke adre hia but kia hna up haginy Jerusalema, kʼ adre thong degecâ je hlinginy homagouleny.

Nehemia 2:13

Ke oge me he but hnyi hnyinghet, kʼ oge me gethen hnyi homagouleny e hnyi hnyigöulen bucen cicö pupuainy köiö tanimo, me homagouleny ta tet, me wâ hna up veto hnyi Jerusalema adre kia, me je hlinginy homagouleny a aû but ge meic.

Esetera 8:6

anyin oge me he ka kâmâu ka wâ hna okongoâ ame o ka hnyi hon ik hnyei? ke oge me he ka kâmâu ka wâ hnödra hna he ka ohia lahanök?

Salamo 102:14

Anyin a lathnyabaem adre hnyok ka ta je vetoiny, Me betenge ge sesâiny.

Salamo 102:15

Ke ame he ta je hnyei ka outen iö Iehova, Me ânyâm hmanenang minya hnen ta je tuhan hmeledrany hia thithö;

Salamo 137:6

E so e he ka kece bohmök ka hnyi ecngödik, Oge ne ca ûnykûmi u; Ke oge ne ca ogöranyi Jerusalema, Hon anyik je senyin hia.

Salamo 38:7

E unöngötö li jebalainuk hnen iei, Ke ba ong dok ae so hnyi vik.

Jeremia 52:12

Ke haba hnyi tehi a thabûnginy hnyi bong a teniny tehi, wale huna a naintini Nebukaneza than Babulona, ame o but Nebuzaredana hnyi Jerusalema wale taben tavat tue, at ame tot hnyi hnyimakan than Babulona:

Je tenge anyi Jeremi 2:9

Ame dit bi je homagouleny ka hnyi kânâ; kʼ ame ohia me oamamâ je ohmâiny: E but je thaniny me je taben hnyi je hnyei ae ba hnanyibu gadra; Eke, adre me ca wâ bi hnen anyin je perofeta hna omanenâ ûnyi ga Iehova,

Daniela 2:4

Me amo fuc at Kaledaia ka than hnyi hwen Suria, me ha, ka habe, E so e möt than nyiele balua; ha thö bwi kohmun a lathnyabaem, me öhmun e he ka omanenâ bongon.

Daniela 3:9

Adre me ha kö Nebukaneza than, ka habe, E so u möt than nyiele balua.

Daniela 5:10

Ke ame didro momo than ka hnyi uma han ûnyi hnyi hofuc hwan than me anyin je taben: ke haingen momo than, ka habe, E so e möt than nyiele balua; ca hmak bi ge je ûnykûmenâm, ke ca okebongonâ hnyimâkâm:

Daniela 6:21

Me Daniela ame thu ka than, ka habe, Than lö, e so u möt nyiele balua.

Daniela 6:6

Me haba ke li at musi ae beönua ke tavat musi ae gan, ödrin e ukhacaköu ka than me ha kâu, ka habe, Dariu a than lö, e so u möt nyiele balua.

Levitiko 26:31

Ke oge me be ka obâ aten anyibun je taun, me ohia je dok a kabibun, ke oge me ca he ka hnulâ bunen anyibun je ûnyi ae bo so.