Nehemia 2:13 - Iaai Bible 1901 (New Caledonia)

¹³ Ke oge me he but hnyi hnyinghet, kʼ oge me gethen hnyi homagouleny e hnyi hnyigöulen bucen cicö pupuainy köiö tanimo, me homagouleny ta tet, me wâ hna up veto hnyi Jerusalema adre kia, me je hlinginy homagouleny a aû but ge meic.

Nehemia 2:13 Iomraidhean Croise

II. Man Ûlabainy Je Than. 26:9

Ke haba Uzia ame op je tap ae beû goranyai hnyi Jerusalema hnyi homagouleny kopiny, me homagouleny thop, me hnyi hna hwali hnen haginy, me bi aten.

Nehemia 1:3

Ke haingödrin könya, ka habe, Haba je kolon adre me möt ûhedrin hnyi hna bâ hnyi ke keihen hnyei eling, me gan hmâ vec me hna haikongu ödrin: ke adre hia but kia hna up haginy Jerusalema, kʼ adre thong degecâ je hlinginy homagouleny.

Nehemia 12:31

Ke oge me hom je than Juda kâ thö ka hnyi hon hna op hak veto hnyi ke keihen metâ, ke ne o but ka hnyi homagouleny ta tet:

Nehemia 2:12

Ke ohmun e todrö hnyi hnyinghet, tha inya me keihen; ke oge me ca thumeto ke at ge ûnyâ a ip Khong eû hnyekuk he ka ânyâ hobi kâu Jerusalema: ke ba meno unyik, ke so bi meno thibi oge me tabâ.

Nehemia 2:15

Me oge me ölö hnyi hnyinghet hnyi wagewe, me wâ hna up hak; ke oge me hwio, me dit hnyi getheniny homagouleny e hnyi hnyigöulen bucen, me hmetu eling.

Nehemia 2:17

Me oge me ha ködrin, ka habe, Öbun e wâ but anyitin hlöuhlöu, wale bi ang a hnyot ut Jerusalema, kʼ adre thong ge meic je hlinginy homagouleny: ai öbun, mʼ ate me he ka op haginy Jerusalema, mʼ adre me ca haikongu otin hmetu bi

Nehemia 2:3

Me oge me ha ka than, ka habe, E na möt ju than nyiele balua: anyin a ieû ame ca he ka hmak hnyimakök, ke hnyot ut taun ae hnyin je hon lakamök, ke a an dö je homagouleny ge meic?

Jeremia 5:10

Öliâ thö je hna up haginy, me hlingâ; ke ca he bi ka ohia hia: hom but je anginy, anyin a ca je ûnyi e anyi Iehova.