Nehemia 2:12 - Iaai Bible 1901 (New Caledonia)

¹² Ke ohmun e todrö hnyi hnyinghet, tha inya me keihen; ke oge me ca thumeto ke at ge ûnyâ a ip Khong eû hnyekuk he ka ânyâ hobi kâu Jerusalema: ke ba meno unyik, ke so bi meno thibi oge me tabâ.

Nehemia 2:12 Iomraidhean Croise

Ezera 7:27

Ole kö Iehova Khongon lakamötin, at ame ip ûnyi e hnyi hnyekon than, he ka ohmanenangâ uma umo Iehova hnyi Jerusalema;

Nehemia 2:11

Ke oge me o but hnyi Jerusalema me laba eling hnyi kun ta bong.

Nehemia 2:13

Ke oge me he but hnyi hnyinghet, kʼ oge me gethen hnyi homagouleny e hnyi hnyigöulen bucen cicö pupuainy köiö tanimo, me homagouleny ta tet, me wâ hna up veto hnyi Jerusalema adre kia, me je hlinginy homagouleny a aû but ge meic.

Salamo 122:6

Hic ju, me me hnahic Jerusalema: Ame he ka hu sot ka tavat adre me hnyok köu.

Salamo 51:18

Ânyâ thö so ko Ziona hoton hnyekom ae betenge: Otilâ thö hak veto Jerusalema.

Ta je Vejec 12:23

Haba at ame wâ wia, me e ame ikhâlâ metâ: Ke haba hnyekon tavat ae monu, me ame omanenâ hwen monu.

At Khet 3:7

ûen kia, me ûen tibet; ûen laba hnyibû, me ûen fuc;

Jeremia 31:33

Ke walang ûhihinyköu oge me he ka ânyâ me lap anyi Isaraela, hwaban je bong eling, haingö Iehova; oge me he ka ip anyik hnanyibu eû hnyidra, me sihnalimen e hnyi je hnyekudra; ke oge me he ka Khongudrin, ke adre me he ka lakeik;

Jeremia 32:40

ke oge me he ka ânyâ mödra ûhihinyköu a nyiele balua, a oge me ca he ka hwiö gadra, wale he ka ânyâ kodra so; ke oge me he ka ip eû hnyi hnyekudra he ka ot könya, mʼ adre me ca he ka digic nya.

Amosa 5:13

Anyin a wale, ame he at wâ wia ka laba hnyibu hnyi ûen eling; anyin a ûen e ae kong bi.

Mika 7:5

Ca labageju ka waem, ca geju bi ka at ame kû gethen: tuö ju hwanumen hnyimâm ge momo at ame mokulec ûlaiâm.

Mataio 10:16

Wâ bi, inya oge me kunʼ öbun helâ me ta je mamoe hnyi wanben ta je luko: anyin a wale metâ but öbun helâ me ta je on, me menyik helâ me ta je biny.

Mataio 2:14

Me e ame todrö hnyi hnyinghet me hom inma me hinyen, me he Aigupito ai;

II. Korinito 8:16

Ke ole ka Khong at ame ip hnyi hnyeku Tito ibetengiö köbun helâe.

Josua 10:9

Anyin a wale, Josua ame o outhmoki ödra; e ame he ûheny Gilegala hnyi lit ae bekhöt.

Hna Omanenâ 17:17

Anyin a Khong ame ip eû hnyi je hnyekudrin he ka ohwâdâ weny, me he ka tha hnyok, me ham dökhudrin dokhu ka meno, ke ne o but ame hwâdâ je hofuc hwan Khong.

Owisa 6:27

Ke Gideona ame hom hnyat a ten ûnyi hnyi lathnyabainy, me ânyâ helâ me Iehova ame ha kâu: ke e ame outen lap anyin kamen, me tavat a aten taun, me me ca khana he ka ânyâ e hnyi lany, ke e ame ânyâ bi hnyi lit.

Owisa 9:32

Ke walang ang todrö hnyi lit, u me tavat unyâm, me mokut duöng hnyi ta hnyei;