Nehemia 13:25 - Iaai Bible 1901 (New Caledonia)

²⁵ Ke oge me û ödrin, me haikongu ödrin, me kot keihen me hnimö je bödrin, me kunʼ ödrin he ka hâiâ Khong, me ha, ka habe, Öbun e ca he ka ham lakubun wahlu ka lakudrin obaga, me hom lakudrin wahlu hobi kâu lakubun obaga, me hobi köbun bi

Nehemia 13:25 Iomraidhean Croise

II. Je Than 2:24

Me e ame hwio me ô ʼdrin, me hângʼ ödrin hnyi iö Iehova. Me ame o li bea momo ûnyi hnyi hnyot me kiʼ ödrin je wainda a fâte tu.

Ezera 10:5

Me Ezera ame todrö me kunâ tavat bihut ae beönua, me at Levi, me at Isaraela hia, he ka khemanyin a ödrin e he ka ânyâ hoton hofuc ang. Me ödrin e khemanyin.

Ezera 7:26

Ke haba tavat hia adre me ca hnyi ânyâ hnanyibu anyin Khongom me hnanyibu anyin than, me adre me he ka ie bi hwabödra, ame ne he ka mok, ame ne he ka obâ, ame ne he ka hûgûnâ anyin ta je ûnyi, ame ne he ka ca.

Nehemia 13:11

Me oge me iwatretra me tavat musi me ha, ka habe, Anyin a ieû adre me hna degecâ uma umen Khong? Me oge me ûkhacaköu ödrin, me otilʼ ödrin hnyi hanymodrin.

Nehemia 13:17

Meʼ oge me iwatretra me je taben hnyi Juda, me ha ködrin, ka habe, Ieû ang gabun, öbun e ânyâ ûnyi e ae kong, me okongoâ bong sabath?

Nehemia 13:24

ke haba je lakudrin adre me hom hanen hwen Asedoda, ke ca khanʼ ödrin fuc wia bi hwen Juda, ke hoton hwan ke hnyei me ke hnyei.

Nehemia 5:13

Ke oge me jijingâ manoiny ûkhaûk, me ha, ka habe, Ame he Khong ka jijingâ degecâ tavat hia adre me ca ohwâdâ hofuc ang, ûnyi hnyi umödrin je uma, me anyidrin je huliwa; e so adre me he ka jijingʼ ödrin helâe, me otheduocâ. Me ame ha ûkhacaköu hia, ka habe, Amen, kʼ adre me oganö Iehova. Me haba tavat ödrin e ânyâ hoton hofuc eling.

Nehemia 5:6

Ke e gan hmâ anyik hmonyin, hnyi ûen oge me long ûtengiödrin me hofuc eling.

Salamo 119:53

Ame hia but o könya hmönyin ae gan hmâ, Can tavat ae kong adre me degec ânyâm hnanyibu.

Salamo 15:4

E hûkötö li emakan at ae ikiki; Ke e ame oganâ tavat adre me outö Iehova. E ame khemanyin me okongoâ e bi, kʼ ame ca hwio bi.

Esodo 34:16

ke wâ u nye he ka hom lakudra je hlu hobi kâu lakom je baga, me ame he lakudra je hlu ka bi ûnyi monu me anyidra je khong, kʼ ame he minya lakom je baga ka bi ûnyi monu me anyidra je khong.

Ta je Vejec 28:4

Haba tavat adre me degec hnanyibu, me adre me ogânâ tavat ae kong; Ke haba tavat adre me tuö hnanyibu, me adre me ivinoâ mödra.

Isaia 50:6

Oge me hna juk ka tavat ûkûc, me li wahicok ka tavat adre me hnimö je leûnen: oge me ca ikhâlâ hnyimakök ge hmehma me ûhangöji.

Deuteronomi 6:13

U me he ka outö Iehova Khongom; me bi athnyabainy, me khemanyin hnyi ien.

Deuteronomi 7:3

ke haba khaca u me ca he ka ûhok ta momo mödra; u me ca he ka ham nokom hlu ka nokon baga, ke u me ca he ka hom nokon hlu hobi kâu nokom baga.

Josua 23:12

Ke öbun e ne hmetu ju, me kece ka je kolon je hnyei eling, wale je kolon unyibun, me faipoipo mödrin, me he ködrin, ke ödrin, ödrin e he köbun: