Nehemia 13:22 - Iaai Bible 1901 (New Caledonia)

²² Me oge me kunâ at Levi he ka obosoi ödrin bi, mʼadre me he ka tuö je homagöule, me okabâ bong sabath. Khong lö, ûnykûmi nya ju hnyi ûnyi eang minya, me betenge gak helâ me ûganiny ânyâm ibetengiö.

Nehemia 13:22 Iomraidhean Croise

II. Je Than 20:3

Iehova lö, oge me khöû köu, Ö u ûnykûme ju walang ang hnok hna he hnathu hnyi hnyimâkâm, me hnyok ae wisa, me ânyâ ûnyi ae so hnyi hnyimâkâm. Ke Hezekia ame tenge hwege.

II. Je Than 23:4

Me haba than ame hûnö Hilekia at bihut ae nua, me tavat bihut a loiny, me tavat tuö hwanuma, he ka hom ûnyi hnyi hnyin uma umo Iehova je kaia hia adre ânyâ hobi kö Baala, me Aseira, me hobi kâu ta je ûnyi hia hnyi drany: me e ame thong degecâ hnyi hoton Jerusalema hnyi je utkânâ hnyi Kederon, me hom je dron Beth-ela ai.

II. Man Ûlabainy Je Than. 29:24

ke haba tavat bihut ödrin e hlingʼ ödrin, mʼ ödrin e bi hudriny hulo ge drödrin, hnân he ka bi hwaban möt hobi kâu at Isaraela hia thithö: anyin a than ame ha a adre me he ka bi hudiny leû me hudiny hulo hobi kâu Isaraela hia thithö.

II. Man Ûlabainy Je Than. 29:27

Ke haba Hezekia ame hûna he ka hudo hudiny leû hon taben hut. Ke hnyi ûen adre me hwân he ka hudo, me adre me hwân minya ka khumöng kö Iehova me hwan je trutru me ta je ûnyi khumöng anyi Davita than Isaraela.

II. Man Ûlabainy Je Than. 29:30

Me haba Hezekia than me je taben ödrin e hûna ka at Levi he ka khumöng me oganö Iehova ge hofuc ho Davita me Asafa at wâ. Me ödrin e khumöngö je hna oganâ, me senyin, me ödrin e nom ju me khudrung.

Nehemia 12:10

Ke haba Jesua ame hnöku Joiakim, me Joiakim ame hnöku Eliasiba, ke Eliasiba ame hnöku Jehoiada,

Nehemia 12:30

Ke haba tavat bihut me at Levi, ödrin e obosi ödrin bi; kʼ ödrin e obosoâ tavat, me je homagöule, me hna up hak veto.

Nehemia 13:14

Khonguk lö, ûnykûmi nya ju hnyi ûnyi ang, ke ca he ka kot degecâ anyik je huliwa ae betenge waleji oge me ânyâ ka hnyi uma umen Khonguk, me je huliwainy.

Nehemia 13:31

me hobi kâu hudiny uto, hnyi ûen adre owisa, me wan a bân. Khonguk lö, ûnykûmi nya ju, me ohnahici nya.

Nehemia 5:19

Khonguk lo, ûnykûmi nya ju mʼ inya hnahic, e ûcû me ta je ûnyi hia wale oge me ânyâ ka tavat ang.

Salamo 130:7

Isaraela lö, geju Iehova ju; Anyin ae unyi Iehova ibetengiö, Ke gan hmâ ûhomeli unyin.

Salamo 5:7

Ke haba inya, oge me he ka didro ka hnyin umâm uma hnyi ânyâm je ibetengiö ae se hia: Ke oge me he ka khudrung ka hnyi umâm uma ae kap me ot köu.

Salamo 51:1

KHONG lö, betenge ju gak hoton ânyâm ibetengiö: Kot degecâ but hnok ta je hna hanyâûâ hoton ûganiny ânyâm tang betenge.

Isaia 38:3

me ha, ka habe, Iehova lö, u na he ju ka ûnykûme walang ang hnok hna he hnathu hnyi hnyimâkâm me hnyok ae wisa, ke ânyâ so hnyi hnyimâkâm. Ke Hezekia ame tenge hwege.

Isaia 49:23

Ke ame he je than ka hat ödra hobi köu, ke je momo than ka ûhalin: adre me he ka nom hnyikânâi köu, me drem sesâiny li cam; ke ame he ka khanö u a inya Iehova, kʼ adre me ca he bi ka hmehma, a tavat adre me halubahing nya.

Isaia 55:7

e so ame he at ae kong ka degec hwakecin, ke so ame he at ae monu ka degec ta je ûnykûmenen: ke so e ame hmetu kö Iehova me me he ka betenge gan; ke so e ame hmetn ka Khonguta, anyin a e ame he ka ti kot degecâ hia.

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

Deuteronomi 5:12

U ma tuö bong sabath he ka okabâ e, helâ me Iehova Khongom ame hûna köu.