Nehemia 13:18 - Iaai Bible 1901 (New Caledonia)

¹⁸ Hawa a ca ânyâ helâe lakamöbun, me haba Khongutin ame oâ ta je ûnyi hia eang ae kong kötin, me hon taun ang? ke öbun e bi hanen hmonyin kö Isaraela hnyi hna okongoâ sabath.

Nehemia 13:18 Iomraidhean Croise

Nehemia 10:32

Ke ohmun e otilâ hobi kohmun je hnanyibu, a hamöhmun he ka ve ham ke keihen a kuniny sekel hnyi ke huna me ke huna hobi kâu huliwa hnyi uma umen Khongutin;

Esodo 31:12

Ke Iehova ame ha kö Mose, ka habe,

Jeremia 17:27

Ke öbun e ne ca ling nya he ka okabâ bong sabath, me he ka ca hije hok, me didro ka hnyi je homagouleny Jerusalema hnyi bong sabath; awe, oge me he ka hû meic hnyi ta je homagouleny e, ke ame he ka an je uma umen je than hnyi Jerusalema, ke ame ca he ka mok.

Jeremia 44:22

me me ca khanö Iehova hmetu bi he ka hokhnyokâ ûkongon anyibun ta je huliwa me ta je ûnyi ae ikiki öbun e ânyâ; anyin a wale a hnyot dö ibun hnyei, ke hnân lâiâ, me hnân hangâ, ke ba but at ame labā, helâ me hnyi bong ang.

Jeremia 44:23

Can öbun e hia but leû utö ae bo so, me can öbun e hia but ânyâ hulo kö Iehova, me ca löng bi ifuci Iehova, me ca vheno anyin hnanyibu, me hnen je hna hûna, me hnen je hna ohnatho; anyin a wale ame o köbun okongon, helâ me hnyi bong ang.

Jeremia 44:9

Hawa, öbun e hnying ut je hwakecin ae kong anyin lakamöbun, me hwakecin ae kong anyin je tuhan Juda, me hwakecin ae kong anyin je laöiödra, me hwakecibun ae kong, me hwakecin ae kong anyin je laöiöbun, waleji adre ânyâ hnyi hnyei Juda, me je getheniny Jerusalema?

Ezekiela 23:26

Ke adre me he ka uny jut ânyâm je ûkhaû, me hûgûnâ je ohmanenangâm.

Ezekiela 23:8

Ke haba khaca, e ame ca degec anyin bi ûnyi monu ûheny Aigupito; anyin adre me tha mokut mē ke tiga hlu, kʼ adre me ken li basin ke tiga hlu: kʼ adre me hingâlâ anyidra je bi ûnyi monu ka hnyi hon.

Levitiko 26:18

Ke öbun e ne ca he bala ka ling nya can ta je ûnyi eling, me oge me be bi nya ka oseven kuc öbun can anyibun je hulö.

Levitiko 26:28

me oge me he bi nya ka hna degeci öbun hnyi hmönyin: ke oge me he minya ka oseven kuc öbun can anyibun je hulö.

Amosa 8:5

haingodra, ka habe, ame he ka um kehö manen a tehi, mʼ ate me ûcû anyita hwit? ke sabath, mʼ ate me khong tang hwit? ke adre me oûhnyûkongoâ efa kʼ adre ogânâ sekel, kʼ adre omono tulut ge iyawo:

Numera 32:14

Ke wâ bi, öbun e o biju hwaban lakamöbun, a hanen tavat ae kong, he ka ogânâ hmönyin ae gan anyi Iehova kö Isaraela.