Nehemia 13:10 - Iaai Bible 1901 (New Caledonia)

¹⁰ Ke oge me wâ but a gʼ adre me ca ham bi je jekhon at Levi; me haba at Levi, me tavat khumöng, a tavat ânyâ huliwa, adre me ve kec ka hnyi idrin je hnyei.

Nehemia 13:10 Iomraidhean Croise

II. Man Ûlabainy Je Than. 31:4

Ke haba khaca e ame hûna ka tavat adre me laba hnyi Jerusalema he ka ham jekhon tavat bihut me at Levi, mʼ ödrin e he ka hwege hnyi hnanyibu anyi Iehova.

Nehemia 10:37

me otin e he ka hom anyitin je falawa a bân, me anyitin je hut adre kap goranyai me wan haletin je ûö, me waina me wakaco, ka tavat bihut, ka hnyi je hnyeuleny uma umen Khongutin; me je ke keihen a libenyitainy jeûiny könötin kânâ ka at Levi; anyin a haba at Levi ödrin e hom je ke keihen a libenyitainy hnyi ta je taun hia otin e belök hnyin.

Nehemia 10:39

Ke hamen lakon Isaraela me lakon at Levi he ka hom ka hnyi je hnyeule hudiny hwit, me waina, me wakaco, a eling je kaiainy dok ae kap, me tavat bihut a hnyat bi huliwa, me tavat tuö hwanuma me tavat khumöng: ke otin e ca he ka degec uma umen Khongutin.

Nehemia 12:47

Ke haba hnyi ûö Zerubabela, me ûö Nehemia, haba at Isaraela hia ödrin e ham je jekhon tavat khumöng me tavat tuö hwanuma, ke jekhoû hnyi ke bong: ke ödrin e okabâ ta je ûnyi hobi kâu at Levi; ke haba at Levi ödrin e okâbâ hobi kâu laku Arona.

Isaia 43:23

U je ca hom könya halem ta je nak meno a je hudiny leû; ke u je ca oganö nya ge ânyâm ta je hut. Oge ca ohmakö u ge ta je hut, me osenyini u ge ta je ûö ae bo so.

Malaki 3:8

Hawa, ame he at ka venâu je ûnyi anyin Khong? Ke so bi öbun e hia but venâu anyik ta je ûnyi. Ke haingöbun, Ie ûnyi öhmun e venâu gam? Wale je ke keihen a libenyitainy me je hut.

Numera 35:2

Huna thö ka lakon Isaraela, mʼ adre me he ka ham ûnyi hnyi idra je taun he ka labā, ka at Levi; kʼ öbun e he ka ham minya ka at Levi je utkânâ igigilö je taun.

Deuteronomi 12:19

Wâ eâu u nye he ka hna degecâ at Levi hnyi bongom ta je bong hia hnyi em hnyei.