Nehemia 12:47 - Iaai Bible 1901 (New Caledonia)

⁴⁷ Ke haba hnyi ûö Zerubabela, me ûö Nehemia, haba at Isaraela hia ödrin e ham je jekhon tavat khumöng me tavat tuö hwanuma, ke jekhoû hnyi ke bong: ke ödrin e okabâ ta je ûnyi hobi kâu at Levi; ke haba at Levi ödrin e okâbâ hobi kâu laku Arona.

Nehemia 12:47 Iomraidhean Croise

II. Je Than 25:30

Ke haba jekhon adre me labö ham kâu, me jekhon ûnyi ge than, hnyi ke bong me ke bong ke jekhon, hnyi ta je bonginy hia anyin möt.

II. Je Than 7:10

Me ödrin e o me hongot ka hnyat tuö homagouleny taun: me ödrin e thumetu ödrin me ha, ka habe, Ohmun e o hnyi hna hunuma anyin at Suria, ke wâ bi, e ba but at eling, ke ba hwan at, ke so bi je hors thibi adre noc, me je asina adre noc, me je uma mano thiju.

Ezera 2:2

tavat adre me tha o me Zerubabela, a Jesua, me Nehemia, me Seraia, me Reelaia, me Modikai, me Bilesan, me Misepa, me Bigevai, me Rehum, me Baana. Haba ûseiny tavat aten Isaraela:

Nehemia 11:23

Anyin ae hu hnanyibu hnen than gadrin, a e bala bi jekhon tavat khumöng hnyi ke bong me ke bong.

Nehemia 12:1

WALANG tavat bihut me at Levi, hnyat adre me tha he me Zerubabela, nöku Sealetiela, me Jesua; wale Seraia, Jeremia, Ezera;

Nehemia 12:12

Ke haba hnyi je bong bongu Joiakim e hu tavat bihut, je kamen ae beönua: ûnyi ga Seraia, Meraia; ûnyi ga Jeremia, Hanania;

Nehemia 12:26

Ke tavat eling hnyi je bong bongu Joakim nöku Jesua, nöku Jozadaka, me hnyi ûö Nehemia, at ame musi, me Ezera, at bihut a at sihnalimen.

Galatia 6:6

Ke hamen at adre nâ hnyi hofuc he ka ham ta je ûnyi ae so ka at ame nâ.

Deuteronomi 18:8

Kʼ ödrin e he ka hu jekhon ae ûcû unyin keihen, ke ca ha bi hna ûco hobi ködrin je ûnyi hnyi iny lakamen.