Nehemia 12:43 - Iaai Bible 1901 (New Caledonia)

⁴³ Ke ödrin e hudo je hut ae gan hnyi bong eling me senyin; anyin a Khong ame osenyini ödrin ge senyin; me je momo me je wanakat minya ödrin e hnyi senyin: me adre me long hnyi dok ae sâkâû hwan senyin hnyi Jerusalema.

Nehemia 12:43 Iomraidhean Croise

II. Man Ûlabainy Je Than. 20:13

Ke haba Juda hia ödrin e tot hnyi hnyimakö Iehova, tha ödrin me tavat ae ûhnyûkong gadrin, me laöiödrin, me lakudrin.

II. Man Ûlabainy Je Than. 20:27

Ke ame hmetu but at Juda me Jerusalema hia, me Jehosafata hnyi hnyimaködrin, he ka he hmetu Jerusalema ai me senyin; anyin a Iehova ame osenyini ödrin hon je iwahnaihmiony mödrin.

II. Man Ûlabainy Je Than. 7:10

Ke haba hnyi bong a twente theriny tehi a seveniny, me, e ame kunâ tavat ka hnyi umödrin je uma mano, me senyin me hobâ hnyi je hnyekudrin ge ta je so Iehova ame ânyâ hobi kö Davita, me Solomona, me Isaraela a lakeiny.

Ezera 3:13

me ca manen bi ka tavat hwakuku senyin me hwatenge: anyin a tavat adre me hongot hwege goranyai, ke adre me long medien hnyi dok ae sâkâu.

Nehemia 12:27

Ke haba hnyi hna okabâ hna up haginy Jerusalema, ödrin e elâm at Levi hnyi anyidrin je taun hia, he ka hum ödrin Jerusalema ai, he ka hnyi okabâ hak me senyin, me ole, me khumöng, ge je simebalo, me je nabeli, me je kitara.

Nehemia 12:42

me Maseia, me Semaia, me Eleazara, me Uzi, me Johanana, me Malekia, me Elama, me Ezer. Ke haba tavat khumöng adre me khumöng goranyai tha ödra me Jezeraia at ame tuʼ ödrin.

Jobu 34:29

E ka omenâ, me ie ame he ka haikongoâ? Ke e ka ikhâlâ hnyimakan, me ie ame he ka wâ e? Adre me ne ânyâ ka hnyei, kʼ adre me ne ânyâ ka at, me, khaca thibi:

Salamo 27:6

Ke walang ame he ka gorany bok hon ta je iwahnaihmiöny mönya hia igigili nya; Ke oge me he ka hudo je hudiny senyin hnyi umen uma mano; Oge me he ka khumöng, eke, oge me he ka khumöng olungi Iehova.

Salamo 28:7

Iehova tang hwegiök me becik; Haba hnyekuk ame labageju kâu, kʼ ame hadruo nya: Anyin a wale ame ti senyin hnyekuk; Ke oge me he ka ogânâ e ge anyik: khumöng.

Salamo 9:2

Oge me he ka senyin me hobâ köu: Ataebeönua lö, oge me be ka khumöng olungâ iâm.

Salamo 92:4

Anyin a u thibi Iehova at ame osenyini nya ge ânyâm huliwa: Oge me he ka ohobeluâ hnyi ta je huliwa anyin li hnyamâm.

Isaia 61:3

he ka ip hobi kâu tavat adra tenge hnyi Ziona, he ka ham kodra ûnye vekiny hwaban hnabadröu, me wakacoiny senyin hwaban hlöuhlöu, me ûkhaûen ogânâ, hwaban hnyok ae hmak; mʼ adre me he ka hwenyi iödra me je ûöiny wisa, a tä Iehova, mʼ adre me he ka ogânâ e.

Jeremia 31:13

Me ame he ka senyin hlu hnyi bibiâ, me wahidröu eang me wahingat; anyin oge me he ka wia anyidra tenge me me hnân bi senyin, ke oge me he ka otubweli Ödra, me osenyini ödra ûnyi hnyi tenge.

Jeremia 33:11

me adre me he bi ka long hwan senyin me hwan hobâ, me ifucin li at ödre tep faipoipo, me ifucin tavat adre me ha, ka habe, Oganö Iehova thö tuhan sabaoth, anyin ae so Iehova, anyin a nyiele balua anyin ibe-tengiö: me hwan tavat adre me hom hudiny ole ka hnyi uma umö Iehova. Anyin oge me he ka ohmeto tavat adre bâ helâ me hnyi can, haingö Iehova.

Numera 10:10

Ke haba hnyi je bong öbun e senyin hnyin, me hnyi anyibun je bijeû adre thu, me hnyi hnyimakan je tehi, adre me he ka tûâ li trutru hon anyibun je hudiny leû, me anyibun je hudiny ole; mʼ adre me he ka ûnykûmi öbun hnyi hnyimakan Khongubun: Inya Iehova Khongubun.

Mataio 21:15

Ke haba je taben tavat bihut me hnyat sihnalimen adre me wâ ta je ûnyi hnân lâiâ e ame ânyâ, ke je wanakat adre me hongot hnyin uma kap, me ha, ka habe, Hosana ka Nöku Davita, me adre me hmönyidra,

Mataio 21:9

Ke haba tavat adre me bödra me tavat a bilidra, adre me kuku me ha, ka habe, Hosana ka Nöku Davita: Hnen hnahic at ame o but hnyi ien Than; Hosana ethö beönua.

Ioane 16:22

E hu gabun walang ang hlöuhlöu: ke oge me he hmetu ka iouny mʼ öbun, me ame he je hnyekubun ka senyin, ke ba at ame he ka ohia anyibun senyin.

Efeso 5:19

ke ûhnenamö thʼ Öbun hnyin ta je salamo, me ta je khumöng, me ta je fehuainy hanu, ke khumöng dö me senyin hnyi je hnyekubun ka Than;

Iakobo 5:13

Hawa e hu at ame vec unyibun? e so e ame hic. E hu at ame senyin? e so e ame khumöng ogânâ Khong.

I. Samuela 4:5

Ke adre me hom tangen ûhihinyköu anyi Iehova ka hnyi hna hunuma me ame kuku gan hmâ at Isaraela hia me ame umet hnyei.