Nehemia 12:39 - Iaai Bible 1901 (New Caledonia)

³⁹ me ethö hon homagöulei Eferaima me homagöule kâû adrem, me homagouleny ta je wâ, me tap ae beû goranyai anyi Hananel, me tap ae beû goranyai anyi Mea, ke ne o but hnyi homagouleny mamoe: me ödrin e todrö hnyi homagouleny uma ceat.

Nehemia 12:39 Iomraidhean Croise

II. Je Than 14:13

Ke haba Joasa than Isaraela ame hum Amazia than Juda, nöku Joasa, nöku Ahazia, hnyi Bethe-semes, me o hnyi Jerusalema, me kia hna up haginy veto hnyi Jerusalema hwân hnyi homagouleny Eferaima ke ne o but hnyi homagouleny obiny bahebet, foa haded je kubit.

Nehemia 12:40

Kʼ ame tot helâe li döiny hnyat ole hnyi uma umen Khong, kʼ inya minya, me hafiny hnyat musi unyik:

Nehemia 3:1

ME haba Eliasiba at bihut ae beönua me je liamekeiny mē a tavat bihut, odrin e todrö me op homagouleny mamoe; me ödrin e okabâ e, me otilâ je hlinginy, ke ne o but ka hnyi hnabâ hnyi Mea ödrin e okabâ e, me ke ne o but hnyi hnabâ hnyi Hananel.

Nehemia 3:25

Haba Palala nöku Uzai ame op, hwân hnyi cicö kopiny, me hnabâ ae silöû hnyi uma ethö umen than, ae hnyi hnyeuleny uma ûceat. Ke hwaban e ame op Pedaia nöku Paros.

Nehemia 3:3

Ke haba je laku Hasenaa ödrin e op homagouleny je wâ; ödrin e ip je venyâiny, me otilâ je hlinginy hwanumen, me je lâkiny, me je ohmâiny.

Nehemia 3:6

Ke haba Jehoiada nöku Pasea, me Mesulama nöku Besodeia, ödru me ânyâ homagöule a ûnyi but ehac; ödru me ip je venyâiny, me otilâ je hlinginy hwanumen, me je lâkiny, me je ohmâiny.

Nehemia 8:16

Me ame he but tavat, me hom, me ve ânyâ hobi ködrin bi je uma menâ ethö hon ban umödrin je uma, me hnyi je hnyabadrin, me je hnyaban uma umen Khong, me hnyi dok ae lau hnyi homagöuleny an, me hnyi dok ae lau hnyi homagöule Eferaima.

Jeremia 31:38

Wâ bi, ame he ka o je bong, haingö Iehova, me adre me he ka op taun hobi kö Iehova, hwân hnyi tap ae beû goranyai tabô Hananel, ke ne o but hnyi homagouleny kop.

Jeremia 32:2

Haba hnyi ûen eling ame igigilo Jerusalema hnen vat anyin than Babulona: ke adre me ip Jeremia perofeta hnyi hnyeuleny uma ceat, ae hnyi uma umen than Juda.

Zefania 1:10

Ke haingö Iehova, Haba hnyi bong eling me ame he bi ka hu hwatenge hnyi homagouleny wâ, kʼ ame he ka hu kuku tenge hnyi ke keihen a loiny, ke dia ae gan hnyi je hut.

Ioane 5:2

E hnyi Jerusalema hnyi homagöuleny mamoe ke an, haba ion hnyi hwen Heberu, me, Betheseda, dok ae hu hnyin je poretiko a faiv.