Nehemia 12:26 - Iaai Bible 1901 (New Caledonia)

²⁶ Ke tavat eling hnyi je bong bongu Joakim nöku Jesua, nöku Jozadaka, me hnyi ûö Nehemia, at ame musi, me Ezera, at bihut a at sihnalimen.

Nehemia 12:26 Iomraidhean Croise

II. Man Ûlabainy Je Than. 9:26

Ke e ame musi hon ta je than hia thithö hwân hnyi Wagewe ke ne o but hnyi hnyei iny at Filisiti, me ke ne o but hnyi hnyigöulen Aigupito.

Ezera 7:11

Ke walang je hofuc hnyi tusi wale a ham Aretaseta than kö Ezera at bihut, me at sihnalimen, at ame sihnalimen je hofuc hnyi je hnanyibu anyi Iehova me hnen je hna hûna ka at Isaraela.

Ezera 7:6

haba at eling a Ezera ame he but ûheny Babulona; ke e at ae ti khana sihnalimen hnyi hnanyibu anyi Mose, waleji a ham Iehova Khongu Isaraela: ke haba than ame ham hia kâu hnen hna sumâtâ, helâ me hnyamö Iehova a Khongon hon.

Nehemia 8:1

ME haba tavat hia thithö ödrin e ûkhacaköu helâ me at a khaca hnyi dok ae lau cicö homagouleny an; ke ödrin e ha kö Ezera at sihnalimen he ka hom tusiny hnanyibu anyi Mose, waleji a hûna Iehova ka at Isaraela.

Nehemia 8:9

Ke haba Nehemia a gavena, me Ezera at bihut ke at sihnalimen, me at Levi tavat adre me nâ tavat, me ödrin e ha ka tavat hia, ka habe, Bong ang me kap kö Iehova Khongubun; ca hmak me tenge. Anyin ame tenge tavat hnyi ûen adre me long hofucin hnanyibu.