Nehemia 10:32 - Iaai Bible 1901 (New Caledonia)

³² Ke ohmun e otilâ hobi kohmun je hnanyibu, a hamöhmun he ka ve ham ke keihen a kuniny sekel hnyi ke huna me ke huna hobi kâu huliwa hnyi uma umen Khongutin;

Nehemia 10:32 Iomraidhean Croise

Genese 28:22

ke haba veto eang, wale oge otilâ hnân haten, ame be ka hnen uma umen Khong: ke ûnyi hnyi ta je ûnyi hia u ma he ka ham könya, e hnathu oge me he ka ham hmetu köu je ke keihen a libenyitainy.

I. Man Ûlabainy Je Than. 26:27

Ödrin e okabâ ta je ûnyi adre soâ hnyi je vat hnân ânyâwia uma umo Iehova

Nehemia 13:15

Haba hnyi ûen eling oge me wâ hnyi Juda keihen adre me hlec wan vine hnyi sabath, me hok je bwiny hwit, me ohijenâ je asina; me waina minya, me je wan vine, me je wan meta, me je hok hia wale adre me sukhöûnâ Jerusalema ai hnyi bong sabath: ke oge me thawʼ ödrin hnyi bong ödrin e ûcû jeû hnyin.

Nehemia 13:18

Hawa a ca ânyâ helâe lakamöbun, me haba Khongutin ame oâ ta je ûnyi hia eang ae kong kötin, me hon taun ang? ke öbun e bi hanen hmonyin kö Isaraela hnyi hna okongoâ sabath.

Nehemia 13:21

Ke oge me û ödrin, me ha ködrin, ka habe, Ieû ang gabun öbun e mokut hmelen hna up bak? öbun e ne helâe hmetu me oge me he ka kot öbun. Ke hwân e, ödrin e ca o hmetu bi hnyi sabath.

Nehemia 5:10

Ke inya minya, me je liamekeiny mönya me lathnyabaik, ohmun e mē ham ködrin mone me hwit hnân heleû troban, Ö otin a degec ut ling he ka mē ham hnân heleû troban.

Nehemia 9:14

me omanenâ ködrin ânyâm sabath ae kap, me ha ködrin je hna hûna, me je hna otilâ, me hnanyibu a deny Mose athnyabaem:

Esodo 23:11

ke haba huna a seveniny u me he ka hna but ka me menâ, me me han hnen tavat unyâm ae ba ta ûnyi: ke haba je kolon hwabödrin, ame he ka han hnen omeno. Ke u me he ka ânyâ helâe ka halem ta je vine me elaio.

Ta je Vejec 3:9

Oganö Iehova thö ge je omjehem, Me wan a bân hnyi em ta hnyei hia:

II. Korinito 8:12

Anyin a ne hu hnyok ae weny, adre me he ka kap e hoton hna hu hnen at, ke ca hoton bi hna ca hu gan bi.