Nehemia 10:29 - Iaai Bible 1901 (New Caledonia)

²⁹ ke ödrin e kece hmâ ka je liamekeiny mödrin, me anyidrin je taben, me ödrin e tha ânyâ hna khemanyin me ha je manyidrin, he ka vheno hnanyibu anyin Khong, waleji a ham a deny Mose athnyabainy Khong, me he ka tuö me ânyâ je hna hûna hia anyi Iehova a Tuhötin, me hnen je hna owisa me hna otilâ;

Nehemia 10:29 Iomraidhean Croise

II. Je Than 10:31

Ke ame ca wâ wia Jehu he ka vheno hnanyibu anyi Iehova Khongu Isaraela, me hnyekon a khaca: e ame ca saû ûnyi hnyi ta je hulö anyi Jeroboama, wale ame okûâ je hwakecin ae khong anyin at Isaraela.

II. Je Than 23:3

Kʼ ame tot than hnyi tap me ânyâ ûhihinyköu hnyi hnyimakö Iehova, he ka he hotu Iehova, me tuö anyin ta je hnanyibu, me hnen ta je hna ohnatho, me hnen je hna otilâ, ge hnyekon ae bekhot me hanon ae bekhot, he ka ânyâ je hofuc hnyi ûhihinyköu ang, adre me sihnalimen hnyi tusi ang: me haba tavat hia adre me tot hwege ka hnyi ûhihinyköu.

I. Man Ûlabainy Je Than. 9:2

Ke haba tavat a bân ka laba hnyi idrin hnyi anyidrin je taun, me, at Isaraela, me tavat bihut, me at Levi, me at Nethini.

II. Man Ûlabainy Je Than. 34:31

Ke ame tot than hnyi hnen, me ânyâ ûhihinyköu hnyi hnyimakö Iehova; he ka hnu hotu Iehova, me tuö anyin je hnanyibu me hnen je hna ohnathoâ, me hûen je hna otilâ, ge hnyekon ae bekhot, me hanon ae bekhot, he ka ânyâ je hofuciny ûhihinyköu adre me sihnalimen hnyi tusi ang.

II. Man Ûlabainy Je Than. 6:16

Anyin a wale, Iehova lö, Khongu Isaraela, tuö thö hobi kâu athnyabaem a cica Davita waleji u je ha bânâ kâu, ka habe, Ame ca he ka ba hwabâm hnyi hnyimakök, he ka tabâ theron hnyi Isaraela; ame ne he thibi lakom ka tuö dedrin je gethen, he ka vheno anyik hnanyibu helâ me hnâm hna hia but vheno hnyi hnyimakök.

Nehemia 13:25

Ke oge me û ödrin, me haikongu ödrin, me kot keihen me hnimö je bödrin, me kunʼ ödrin he ka hâiâ Khong, me ha, ka habe, Öbun e ca he ka ham lakubun wahlu ka lakudrin obaga, me hom lakudrin wahlu hobi kâu lakubun obaga, me hobi köbun bi

Nehemia 7:46

At Nethini: je laku Ziha, je laku Hasufa, je laku Tabaoth;

Nehemia 8:2

Me haba Ezera at bihut ame hom hnanyibu ka hnyi hnyimakan ûkhacaköu obaga me omomo, me tavat hia ae khanʼ ödra he ka lönghma-khmeto, hnyi bong a bâniny tehi a seveniny.

Nehemia 8:3

Me e ame aû tusi e, hnyi dok ae lau cicö homagouleny an, hwân hnyi haolany ke ne o but hnyi jebigö, hnyi hnyimakan obaga me omomo, me tavat ae khanʼ ödra he ka lönghmakhmeto; ke ame tevehlöng je hnyi-könyen tavat ka hnyi tusiny hnanyibu.

Nehemia 9:2

Ke haba lakon Isaraela ödrin e ûsâkâûö me je atkanyua hia, me ûtitilen me haimemenâ anyidrin je hulo, me je monu anyin lakamödrin.

Nehemia 9:38

Ke so bi ûnyi hnyi ta je ûnyi hia eling ohmun e ânyâ ûhihinyköu ae hnathu, me sihnalimen; ke haba tuhöhmun, me at Levi unyihmun, me tavat bihut unyihmun, me ödrin e ohmâ haten.

Salamo 105:45

Mʼ adre me he ka vheno hnen ta je hna otilâ, Me long hoton anyin ta je hnanyibu. Oganö Ja thʼ öbun.

Salamo 119:106

Oge hia but khemanyik, me ohmâ e, A oge me he ka vheno hnâm ta je hna owisa ae wisa.

Salamo 8:1

IEHOVA lö, Tuhöhmun, E ti so iâm hnyi hmeledrany hia thithö! U je hia but ip ânyâm hmanenang ethö hon drany.

Salamo 8:9

Iehova a Tuhöhmun lö, Shaiba ge ûnuainy iâm hnyi hmeledrany hia thithö!

Isaia 14:1

A NYIN ame he Iehova ka betenge ga Jekob, ke e ame he hmetu ka ûco Isaraela, me ip ödra hnyi idra: kʼ ame he je atkanyua ka tha e mödra, kʼ adre me he ka kece ka lap anyi Jekob.

Jeremia 26:4

Ke u me he ka ha kodra, ka habe, Walang hna ha hnö Iehova, ka habe, Öbun e ne ca ling nya he ka vheno anyik hnanyibu, waleji oge ip hnyi hnyimaköbun,

Jeremia 34:15

Ke öbun e hwio walang ang me ânyâ wisa hnyi hnyimakök, wale hnyi hnobun hna haimemenâ he ka ve thong waeny; ke öbun e hia but ûhihinyköu hnyi hnyimakök, hnyi uma waleji adre ip hon iök:

Ezekiela 36:27

Ke oge me he ka ip hanuk eû hnyibun, me wi öbun he ka vheno anyik je hnanyibu, mʼ öbun e he ka tuö hnok je hna owisa, me ânyâ.

Levitiko 20:26

Mʼ öbun e he ka kap bi könya: anyin a inya Iehova ae kap, kʼ oge hia but ucʼ öbun ûnyi hnyi ta je hnyei hnân hobi könya.

Malaki 4:4

Ûnykûme thʼ öbun hnanyibu anyi Mose athnyabaik, waleji oge me hûna kâu hnyi Horeba hobi kâu at Isaraela hia, wale je hna otilâ, me hna owisa.

Numera 5:21

me hamen at bihut he ka kunâ momo he ka khemanyin a khemanyin hnân ohnaûhangöâ, kʼ ame he at bihut ka ha ka momo, ka kabe, Ame he Iehova ka wiö u hnân hangâ me khemanyin hnyi wanben em hnyei, e ka he Iehova ka oavâ jevam me okhibö hnyekom;

Ioane 1:17

Anyin adre ham hnanyibu a deny Mose; ke ibetengiö bâu me hnathu a deny Iesu Keriso.

Ioane 15:14

Öbun e ne he ka ânyâ ta je ûnyi oge hûna köbun, je lahanök öbun.

Ioane 7:19

Hawa, a ca ham köbun Mose hnanyibu, ke ba ke at gabun ame vheno hnanyibu? Ieû gabun öbun e elâm he ka hlingö nya?

Ta je huliwa 11:23

ke ame o but me wâ ibetengiö baû anyin Khong, me e ame senyin, me khöu kodra hia he ka kece ka Than ge hnyok ae tethmâ:

Ta je huliwa 17:34

Kʼ ame kece kâu bi keihen me labageju: e unyidrin Dionusio at Areopago, me ke momo Demari ien, me ke je hnyat mödru.

Ta je huliwa 23:21

E so u ma ca he ka ogâ hodra: anyin ae se hon fâte tavat gadra adre me mokut duöng, adre hia but bi khöbi a gʼ adre me ca he ka han me ic ke ne o but adre hia but hlingâ e: ke walang ang adre me laba penapena me halubahingen u me he ka ogâ hodra.

Roma 12:9

E so betenge ke ba thoi hnyin. Ikikiâ thö ûnyi ae kong; kece ju ka ûnyi ae so.

Deuteronomi 33:4

Mose ame huna köta hnanyibu, A jekhon ûkhacaköu anyi Jekob.

Deuteronomi 5:1

KE haba Mose ame hawâ lakon Isaraela hia, me ha ködra, ka habe,. Isaraela lö, löng ju je hnanyibu, me je hna owisa oge me haimemenâ ka hnyi je hnyikönyöbun hnyi bong ang, me me khanʼ öbun e, me tuö, me ânyâ.

Deuteronomi 5:32

Ke wâ wia ju öbun he ka ânyâ helâ me Iehova Khongubun ame hûna köbun: ca he öbun ka saû ka hnyi ke keihen metâ me me.