Nehemia 1:9 - Iaai Bible 1901 (New Caledonia)

⁹ ke öbun ka he ka hwio könya me tuö anyik je hnanyibu me ânyâ, eja ke ne adre ne obʼ öbun ka hnyi je can hmeledrany, me oge me he ka ûkhacaköu öbun ûhebun e, me hum öbun ka hnyi dok waleji oge me ûca he ka ip iök hnyin.

Nehemia 1:9 Iomraidhean Croise

I. Je Than 8:48

ke ödrin e ne hmetu köu ge hnyekudrin ae bekhot me hanudrin ae bekhot hnyi hnyei iny je iwahnaihmiony mödrin, tavat adre me hwenbʼ ödrin, me hic köu cicö idrin hnyei, wale u je ham ka lakamödrin, taun u je ûca, me uma wale oge ânyâ hobi kâu iâm:

I. Je Than 9:3

Ke Iehova ame ha kâu, ka habe, Oge hia but long hijâm hic me ânyâm sumat hnyi hnyimakök: oge hia but okabâ uma ang, wale u je ânyâ hnân ip iök hnyin nyiele balua; ke ame he ka e ling li emakök me hnyekuk hnyi je bong hia thibut.

I. Man Ûlabainy Je Than. 16:35

Ke ha thö, ka habe, Khongon hna omeli ohmun lö, omeli ohmun ju, Me ûkhacaköu ohmun, me hnʼ ohmun ûnyi hnyi je hnyei. He ka oleâ iâm ae kap, Me hobâ ge hna oganö u.

Ezera 6:12

ke so ame he Khong at ame ip ien eling ka ohia ta je than me ta je hnyei hia thithö, ödrin e he ka inâ je hnyamödrin he ka wia ûnyi e, he ka ohia uma umen Khong eling wale hnyi Jerusalema. Oge me hia but hûna, inya Dariu, ie ânyâ thö.

Salamo 106:47

Iehova Khonguhmun lö, omeli öhmun, Me ûkhacaköuʼ öhmun dö ûnyi hnyi ta je hnyei, He ka oleâ iâm ae kap, Me ohobeluâ hnyi hna oganö u.

Salamo 107:3

Me ûkhacaköu ödra ûnyi hnyi ta je hnyei, Ûhedra jimeiö me jimeû, Ûhedra hnyi hwadro me hwaiöu.

Salamo 147:2

Iehova ame op Jerusalema; E ame ûkhacakouâ hmetu at Isaraela adre obâ,

Isaia 11:12

Ke e ame he ka ogöranyâ boûdila hobi kâu ta je hnyei, me ûkhacaköuâ je hna degec ge at Isaraela, me ûkhacaköuâ je hna oveseâ a at Juda ûnyi hnyi je can hmeledrany a vak.

Isaia 27:12

Hnyi bong eling ame he Iehova ka tau wan, hwân hnyi wadutöiny Wagewe, ke ne o but hnyi wageweiny Aigupito, kʼ adre me he ka hlu öbun a ûsa khaca, öbun lakon Isaraela.

Isaia 56:8

Haingen Than Iehova, at ame ûkhacaköuâ ta je hna obâ a at Isaraela, ka habe, Oge me he bi ju ka ûkhacaköu keihen unyin, ke ca ha bi ge hing aten adre hia but ûkhacaköu.

Jeremia 12:15

Ke iny ka hia but uk ödra oge me he ka hmetu me betenge gadra; ke oge me he ka ve ohmetu ödra ka hnyi je idra, me idra ta hnyei.

Jeremia 3:14

Öbun na hmetu ju, öbun tavat labö kolu, haingö Iehova; anyin a iny helâ me âiân köbun: ke oge me he ka hum öbun, ûsa khaca ûnyi hnyi taun, ke ûsa lo ûnyi hnyi lap, me hum öbun Ziona ai:

Jeremia 31:10

Je hnyēi lö, löng ju hofuc ho Iehova, ke haimemenâ thö e hnyi je bomene ae sâkâû: me ha, ka habe, Haba at ame ovesei Isaraela ame he ka ûkhacaköu ödra hmetu, me tuʼ ödra, helâ me at ame tuö haleny hnahat mamoe.

Jeremia 32:37

haingen, ka habe, Wâ bi, oge me he ka hlu ödra ûnyi hnyi ta je hnyei hia, waleji oge obʼ ödra ka hnyin hnyi anyik hmonyin, me anyik wathethot, me hmonyin ae gan hmâ; ke oge me he ka ohmetu ödra ka hnyi dok ang, me olaba khötkici ödra:

Jeremia 6:22

Walang hna ha hnö Iehova, ka habe, Wâ bi, ame he ka o tavat ûhedra hnyi hnyei hnyi hwadro; ke adre me he ka obwebwelâ ke hnyei ae gan ûnyi hnyi je can hmeledrany.

Ezekiela 14:6

Anyin a wale, ha thö ka lap anyi Isaraela, ka habe, Walang hna ha hnen Than Iehova, ka habe, Hmetu ju, hmetu ju öbun ûnyi hnyi anyibun je idola; me wia thö je hnyimaköbun, ûnyi hnyi anyibun ta je ûnyi ae ikiki hia.

Ezekiela 36:24

Anyin a oge me he ka hum öbun unyin tavat, me ûkhacaköu öbun ûnyi hnyi je hnyei hia, me hum öbun ka hnyi ibun.

Levitiko 26:3

Öbun ka he ka vheno hnok je hna otilâ, me tuö anyik je hnanyibu, me ânyâ;

Zakaria 8:7

Walang hna ha hnö Iehova tuhan sabaoth, ka habe, Wâ bi, oge me he ka omelö lakeik ûnyi hnyi hnyei e deiö, ke hnyei e jio:

Mataio 24:31

Ke e ame he ka kunâ anyin ta je angela me ifucin khoto ame mea, me adre me he ka ûkhacaköuâ thö hnen ta je hna ûca ûnyi hnyi je ang a vak, hwân hnyi ke can drany ke ne o but ka hnyi ke can.

Deuteronomi 12:21

Ke ame ne ti sâkâu gam dok ame he Iehova Khongom ka ûca me me ip ien hnyin, awe, u me he ka hlingâ halem ke je kau me mamoe, a ham köu Iehova, helâ me hnok hna hûna köu, ke u me he ka han hnyi ânyâm je lap, hoton je weny hnyekom hia.

Deuteronomi 12:5

Ke haba dok ame he Iehova Khongubun ka ûca ûnyi hnyi anyibun je tribu hia me me ip eling ien bi, awe öbun e he ka elâm e wale hnyaban me he kâ e:

Deuteronomi 30:1

KE e ka o köu ta je ûnyi hia eling, wale hnahic me hnaûhangö oge hia but ip hnyi hnyimâkâm, ke u me he ka ûnykûme gan hnyi je hnyei hia wale Iehova ame obö u ka hnyin,