Nehemia 1:6 - Iaai Bible 1901 (New Caledonia)

⁶ ö u tevehlöng ju ge li hnyikönyâm, me wâ ge li emâkâm, me long hic hijin athnyabaem, wale oge me hic köu hnyi ûen ang hnyi lany me lit, hobi kâu lakon Isaraela a lathnyabaem, ke oge me haimemenâ je hulo anyin lakon Isaraela, waleji ohmun e hia but ânyâ köu: eke, oge me hia but hnyi ânyâ hulo me lap anyi cica.

Nehemia 1:6 Iomraidhean Croise

I. Je Than 8:30

Ke long ju sumat anyin athnyabaem, me lakem a Isaraela, ödrin ka he ka hic hnyi dok ang: eke, long ju u e hnyi drany wale hnyabam; ke u ka long ut, ō u thang ut.

I. Je Than 8:47

ke so bi ödrin e ne ûnykûme hnyi hnyekudrin hnyi hnyei adre hom hwenbʼ ödrin hnyin, me hwio thö, me khöû köu hnyi hnyei iny tavat adre me hwenbʼ ödrin, me ha, ka habe, Ohmun e ânyâ hwakecin ae kong, me hwali, me monu;

II. Man Ûlabainy Je Than. 28:10

Ke walang ang öbun e ûnykûme he ka hom ûhnyûkongo je lakon Juda me Jerusalema mʼ ödrin e lathnyabaibun obaga me omomo: ke hawa, e ba hnobun hna hanyâûâ ga Iehova Khongubun?

II. Man Ûlabainy Je Than. 29:6

Anyin a haba lakamötin ödrin e hia but ânyâ hwakecin ae monu, kʼ Ödrin e ânyâ ûnyi ae kong hnyi hnyimakö Iehova Khongutin, me hna degecâ e, me wia je hnyimaködrin ûnyi hnyi hnyaba Iehova, me hwio hotudrin kâu.

II. Man Ûlabainy Je Than. 6:40

Walang ang, Khonguk lö, inya o ge me sumatö u, ö u bwela ge li emâkâm, me teve-hlöng ge li hnyikönyâm, hic adre hic hnyi dok ang.

Ezera 10:1

Kʼ AME tiga hic Ezera, me omanenö hulo, me tenge, me ta hnyikânâi hnyi hnyimakan uma umen Khong, me ame ûkhacaköu kâu tavat ae ti se hia ûhedrin Isaraela, obaga me omomo me je wanakat: anyin ame tenge hwege tavat.

Ezera 10:11

Ke walang ang omanenâ thö anyibûn hulo kö Iehova, Khongon lakamöbun, me ânyâ weny: me ûsâkâûʼ öbun me tavat aten hnyei, me je momo kanyua.

Nehemia 1:11

Than lö, ö u tevehlöng ju ge li hnyikönyâm ka hic hijin athnyabaem, me je hic hijin lathnyabaem, tavat adre me wedrin he ka outen iâm: ke ö u ohnahicâ but athnyabaem hnyi bong ang, me ham kâu me me betenge gan at ang. (Ke inya ke ji at ame khop utköiö belen than.)

Salamo 102:17

E ame hia but hwio ka hic hijin at ae ba ta ûnyi, Me ca hûkotiâ bi hijidrin je hic.

Salamo 106:6

Öhmun e hia but ânyâ hwakecin ae kong helâ me lakamöhmun, Öhmun e hia but he hwali, me ânyâ hulo.

Salamo 130:2

Than lö, long ju ifucik: E so u ma tevehlöng Hok ta je hwatenge.

Salamo 32:5

Oge me ogâ anyik monu köu, ke oge me ca ikhâlâ anyik hulo: Haingök, ka habe, Oge me he ka omanenâ kö Iehova hnok je hna hanyâûâ; Me u je hna degecâ anyik hulo ae gan. [Sela.

Salamo 34:15

E bala li emakö Iehova hon tavat ae wisa, Ke haba li hnyikonyen ame long hodrin hwahongot.

Salamo 55:17

Oge me he ka tenge me mâng, hnyi sahac me hnyomakatu, me jebigö: Me e ame he ka long ifucik.

Salamo 88:1

IEHOVA lö, Khongon melik, Oge hia but hongot köu hnyi lany me lit:

Isaia 6:5

Me oge me ha, ka habe, Ekölö gak! anyin oge ngâ but; anyin a inya at ae kong esongodiny, ke inya oge me laba unyin tavat ae kong je esongodidra: anyin a li emakök ame wâ Than, a Iehova tuhan sabaoth.

Je tenge anyi Jeremi 5:7

A hia but monu je lakamöhmun, me hiʼ ödra but; Ke ohmun e hia but hanö obiny anyidra ta je hulo.

Daniela 9:15

Ke walang ang, Than a Khonguhmun lö, at ame hom lakem ûnyi hnyi hnyei Aigupito ge hnyam ae hwege, ke adre olungi u helâe hnyi bong ang; öhmun e hia but ânyâ hulo, ke kong hwakecihmun.;

Daniela 9:20

Ke inya oge me tiga fuc, me hic, me omanenâ anyik hulo, me hulo anyin je liamekeiny mönya a at Isaraela, me ip gaga hnyi hnyimakö Iehova Khonguk anyik khöû hobi kâu bucen ae kap anyin Khonguk;

Daniela 9:4

Me oge me hic kö Iehova a Khonguk, me omanenâ, ka habe, Than lö, a Khong ae gan ke hna outen, at ame tuö ûhihinyköu me ibetengiö ka tavat adre me hnyok kâu, me vheno anyin ta je hnanyibu;

Daniela 9:5

öhmun e hia but ânyâ hulo, ke hwakecin ae hwali, ke hwakecin ae kong, ke ûkhin fuc, ke saû ûnyi hnyi hnâm je hna hûna ke hnâm hna owisa:

Daniela 9:8

Than lö, e unyihmun hmehma, wale latuhöhmun, ke anyihmun je taben, ke lakamöhmun, anyin a öhmun e hia but ânyâ hulo köu.

Luka 18:7

Ke hawa, ame ca he Khong ka owisa ka tavat e ame ûca, a tavât adre me hongot kâu hnyi lany me lit, ke e ame hok hnyoki ödra beû hmâ ju?

Luka 2:37

ke e safac hnyi ta je huna a eite foa), e ame ca hnyi bia hnyin uma kap, kʼ ame bi athnyaba hnyi lit me lany, me ânyâ ca han, me labö khöû.

Efeso 2:3

ke öta hia thithö minya ate tha hwakecita mʼ ödra ehac hnyi ta je weny unyita, me ânyâ ta je weny unyin me hnyok, ke öta ta je aten hmönyin, wale adre hnöku öta hnyin, e ûcû me keihen:—

I. Timoteo 5:5

Ke haba momo a hing safac kʼ ame hake laba, me ame geju ka Khong, me tethmâ hnyi hic me khöû hnyi lit me lany.

II. Timoteo 1:3

Inya oge me ole ka Khong, waleji oge me huliwa kâu hwân ge je lakibik hnyi oûnykûm sâ ae wisa, a oge me ca menâ ûnykûmi u hnyi hijik je hic hnyi lit me lany

I. Ioane 1:9

Ate me ne omanenâ anyita ta je hulo, me e at ae hnathu ke wisa he ka hna degecâ bi anyita ta je hulo, me hneû degecâ ta je hwakecita hia thithö ae ca wisa.

I. Samuela 15:11

Inya oge me ietra hnok hna otilö Saulo me than: anyin a e ame hmetu but ûnyi hnyi hnen hna he hotuk, ke e ame ca ânyâ hnok je hna hûna. Me ame hmönyi Samuela; me tenge kö Iehova hnyi hnyinghet hia.