Nehemia 1:5 - Iaai Bible 1901 (New Caledonia)

⁵ me ha, ka habe, Inya oge me khöû köu, Iehova, Khongon drany, Khong ae gan hmâ me hnân outen, at ame tuö ûhihinyköu me ibetengiö ködrin tavat adre me hnyok kâu me tuö anyin je hnanyibu:

Nehemia 1:5 Iomraidhean Croise

I. Je Than 8:23

ke haingen, ka habe, Iehova lö, Khongu Isaraela, e ba ke khong ae ûcû möu, ethö hnyi drany, me eang hmeledrany; at ame tuö ûhihinyköu mo ibetengiö ka je laathnyabaem, tavat adre me vheno hnyi hnyimâkâm me hnyekudrin ae bekhot:

I. Man Ûlabainy Je Than. 17:21

Ke ewa ke hnyei eang hmeledrany ae ûcû me em hnyei wale a Isaraela, waleji a he but Khong he ka omelö kâu bi me hnân lakeiny, me he ka hu iâm, ge je ûnyi ae gan, me hnân outen, ge hna obâ je hnyei hnyi hnyimakan lakem, waleji u je omelö ûheny Aigupito?

Ezera 1:2

Walang hna ha hnö Koreso than Peresi, ka habe, A hia but ham könya ga Iehova Khongon dran ta je dokhu hia eang hmelen; ke a hia but hûna könya he ka op umen uma hnyi Jerusalema, wale hnyi hnyei Juda.

Nehemia 2:4

Me haba than ame ha könya, ka habe, Ieû wem? Me oge me hic ka Khongon drany.

Nehemia 4:14

Me oge me wâ, me tot, me ha ka je than me hnyat musi, me je kolon tavat, ka habe, Ca he öbun ka outʼ odrin: ûnykûme ju ka Than, at ae gan me hnân outen, ke he thʼ öbun ka vat hobi kâu je liamekeiny möbun, me lakubun obaga me wahlu, me laöiöbun me umöbun je uma.

Nehemia 4:8

me ödrin e tha ip hnân, ödrin hia be ka vat hnyi Jerusalema, mʼ adre me ovheli ödrin eling.

Nehemia 9:32

Ke walang ang Khonguhmun lö, at ae gan, ke at ae hwege, a Khong hnân outen, at ame tuö ûhihinyköu me ibetengiö, e na ca he ka ûnyi baû hnyi hnyimâkâm ta je vec hia ame o kohmun, ka latuhöhmun, me anyihmun je than, me tavat bihut unyihmun, me anyihmun je perofeta, me lakamöhmun, me lakem hia, hwân hnyi bong bongon je than Asuria ke ne o but hnyi bong ang.

Salamo 47:2

Anyin a Iehova Beönua at hnân outen; E than ae gan hmâ hon hmeledrany hia thithö.

Salamo 76:8

Ûnyi hnyi drany u je olöngâ hnâm hna owisa; Ame ot bi hmeledrany me ca bwebwet,

Salamo 89:2

Anyin a oge hia but ha, ka habe, Adre me he ka op goranyai Betenge baû nyiele balua; U me he ka otethmâ ânyâm hnathu hnyi je drany.

Salamo 89:3

Oge hia but ûhihinyköu me hnok hna ûca, Oge hia but khemanyin kö Davita athnyabaik, ka habe,

Salamo 89:8

Iehova lö, Khongon sabaoth, Ja lö, ie at ae ûcû möu, at ae man? Ke ame igigili u ânyâm hnathu.

Esodo 20:6

ke ame omanenâ tang ibetengiö ka ta je dö a thauzan tavat adre me hnyok könya, me tuö anyik je hnanyibu.

Deuteronomi 7:12

Ke ame he ka e bi, a u je ne löng je hna owisa eang, me tuö, me anyâ, a gʼ ame he Iehova Khongom ka tuö mou ûhihinyköu me ibetengiö waleji e ame khemanyin ka lakâmâm:

Deuteronomi 7:21

U ma ca he ka outʼ ödra, anyin a e bi unyâm Iehova Khongom, Khong ae gan me hnân outen.

Deuteronomi 7:9

Khanö u thö a Iehova Khongom, e thibi Khong; Khong ae hnathu, at ame tuö ûhihinyköu me ibetengiö ka tavat adre me hnyok kâu, me tuö anyin je hna hûna ka ta je dö a thauzan;