Nehemia 1:4 - Iaai Bible 1901 (New Caledonia)

⁴ Ke hnyi ûen oge me long hofuc e, me oge me laba but me tenge, me hmak hnyekuk hnyi ke je bong, me ca han, ke oge me hic hnyi hnyimakan Khongon drany,

Nehemia 1:4 Iomraidhean Croise

II. Samuela 12:16

Haba Davita ame elâm Kkong hobi kâu wanakat; ke Davita awe ca han, me didro, me mokut eû hnyi kânâ hnyi lit hia.

II. Je Than 22:19

anyin ae menyik hnyekom, ke u je ohnyikânâi u bi hnyi hnyimakö Iehova, hnyi ûen u me long hnok hna ha ge dok ang, me tavat adre me labâ e, mʼ ödrin e he ka ba at ke hnaûhango, ke u je kia ânyâm je ûkhaû, me tenge hnyi hnyimakök; awe, haingö Iehova, Oge hia but ling u.

II. Man Ûlabainy Je Than. 6:13

(ke a hia but Solomona ânyâ ke tap a bras, faiv kubit ibeûen, ke faiv kubit ûlauen, ke kun ta kubit goranyai, me ip e hnyi wanben hnyeule; ke e ame tot hon, me cibouca hnyi hnyimakan ûkhacaköu hia anyin Isaraela, me hai hnyi dranyai li hnyamen:)

Ezera 1:2

Walang hna ha hnö Koreso than Peresi, ka habe, A hia but ham könya ga Iehova Khongon dran ta je dokhu hia eang hmelen; ke a hia but hûna könya he ka op umen uma hnyi Jerusalema, wale hnyi hnyei Juda.

Ezera 10:1

Kʼ AME tiga hic Ezera, me omanenö hulo, me tenge, me ta hnyikânâi hnyi hnyimakan uma umen Khong, me ame ûkhacaköu kâu tavat ae ti se hia ûhedrin Isaraela, obaga me omomo me je wanakat: anyin ame tenge hwege tavat.

Ezera 9:3

Ke oge me long hofuc eling, me kia but anyik ûkhaû, me anyik ûkot, me hnimö leûnen bök me waik, me laba ot.

Ezera 9:5

Ke hnyi ûen adre me hudo hnyi sahac, me oge me todrö ûhek hnyi anyik hmak, kʼ ame khekhe but ûkhaûik me anyik ûkot; me oge me cibouca, me hai li hnyamok kö Iehova Khonguk;

Nehemia 2:20

Me oge me thu ködrin, me ha, ka habe, Ame he Khongon drany ka ohnahici ohmun; anyin a wale ohmun e he, a lathnyabainy, ka todrö me op: ke ba jekhöûbun, me musi, me hnân oûnykûmeâ hnyi Jerusalema.

Nehemia 2:4

Me haba than ame ha könya, ka habe, Ieû wem? Me oge me hic ka Khongon drany.

Salamo 102:15

Ke ame he ta je hnyei ka outen iö Iehova, Me ânyâm hmanenang minya hnen ta je tuhan hmeledrany hia thithö;

Salamo 136:26

Oleâ ju ka Khongon drany: Anyin a nyiele balua anyin ibetengiö.

Salamo 137:1

HABA hnyi je wagewe hnyi Babulona, Me ate me laba ju eling, eke kʼ ate me tenge, Ota ate me ûnykûme Ziona.

Daniela 10:2

Haba hnyi ûen eling, inya Daniela oge me labö tenge hnyi kun ta wik ae bekhot.

Daniela 2:18

mʼ ödrin e he ka sumâtâ betenge ûnyi ge Khongon drany hnyi ûnyi eling ae iyong; me me ca tha he Daniela me je lahanen ka mok tha ödrin me tavat ae metâ hnyi Babulona.

Daniela 9:3

Me oge me bwele thö ka than a Khong me elâm a deny hic me khöû, me ca han, me mano ae gan nân, me hnabadröu.

Jona 1:9

Haingen ködrin, ka habe, Iny at Heberu; ke inya oge me outö Iehova, Khongon drany, at ame op köiö me hot.

Zefania 3:18

Oge me he ka ûkhacaköuâ tavat adre me hlöuhlöu ge wedra ka hnyi ûkhacaköu ae ûnyi hnathu, tavat hanen em hnyei: wale ae hmak kâu hna haikongoâ.

Roma 12:15

Tha senyin dö me tavat adre me senyin; tha tenge me tavat adre me tenge.