Nehemia 1:3 - Iaai Bible 1901 (New Caledonia)

³ Ke haingödrin könya, ka habe, Haba je kolon adre me möt ûhedrin hnyi hna bâ hnyi ke keihen hnyei eling, me gan hmâ vec me hna haikongu ödrin: ke adre hia but kia hna up haginy Jerusalema, kʼ adre thong degecâ je hlinginy homagouleny.

Nehemia 1:3 Iomraidhean Croise

I. Je Than 9:7

awe, oge me he ka subâ degeci Isaraela ûnyi hnyi hnyei wale oge ham ködrin; ke haba uma ang oge okabâ hobi kâu iök, me oge me he ka degec ûnyi hnyi hnyimakök; ke ame he Isaraela ka tot hnân hofuc vejec me hluma hnyi ta je hnyei hia:

II. Je Than 25:10

Ke haba utbavat hia anyin at Kaledaia, unyin taben tavat tue, ödrin e hagutâ hnyikânâi hna up haginy Jerusalema igigilö.

II. Man Ûlabainy Je Than. 36:19

Me ödrin e thong degecâ uma umen Khong, me thö degecâ hak veto hnyi Jerusalema, me thong degecâ ge meic je uma umen than, me okongoâ hia je kaiainy ae so.

Ezera 2:1

KE walang tavat aten hnyei, Ödrin e he ûhedrin hnyi hnabâ tavat waleji adre me hom, waleji hnö Nebukaneza than Babulona hna hom Babulona ai, me ödrin e he hmetu Jerusalema me Juda hi, ka hnyi anyidrin je taun;

Ezera 5:8

Khanö u thö than, a ohmun e he ka hnyi hnyei Juda, ka hnyi uma umen Khong ae gan, wale adre op je veto ae gan hnyin, ke adre kha je uto hnyi hna up uma, ke e logot huliwa eang, ke e hnahic ut e hnyi je hnyamödrin.

Nehemia 11:3

Ke walang je homakan je ke keihen hnyei, tavat adre me laba hnyi Jerusalema: ke haba hnyi je taun anyin at Juda ödrin e ve laba hnyi idrin je hnyei hnyi anyidrin je taun, at Isaraela, me tavat bihut, me at Levi, me at Nethini, me je lakon lathnyabai Solomona.

Nehemia 2:13

Ke oge me he but hnyi hnyinghet, kʼ oge me gethen hnyi homagouleny e hnyi hnyigöulen bucen cicö pupuainy köiö tanimo, me homagouleny ta tet, me wâ hna up veto hnyi Jerusalema adre kia, me je hlinginy homagouleny a aû but ge meic.

Nehemia 2:17

Me oge me ha ködrin, ka habe, Öbun e wâ but anyitin hlöuhlöu, wale bi ang a hnyot ut Jerusalema, kʼ adre thong ge meic je hlinginy homagouleny: ai öbun, mʼ ate me he ka op haginy Jerusalema, mʼ adre me ca haikongu otin hmetu bi

Nehemia 2:3

Me oge me ha ka than, ka habe, E na möt ju than nyiele balua: anyin a ieû ame ca he ka hmak hnyimakök, ke hnyot ut taun ae hnyin je hon lakamök, ke a an dö je homagouleny ge meic?

Nehemia 7:6

walang tavat aten hnyei, tavat adre me he but ûhedrin hnyi hna bâ, tavat adre me hom, waleji a hom Nebukaneza than Babulona, ke adre me hmetu Jerusalema ai me Juda, ka hnyi anyidrin je taun;

Esetera 1:1

HABA hnyi je bong bongu Asueru (haba Asueru ling ame musi hwân hnyi India ke ne o but hnyi Aithiope, ke hnyi je ke keihen hnyei a wan haded ke twente seven:)

Salamo 79:4

Adre haikongu ohmun tavat adre me laba kakekenyi ohmun, Adre me ûtuböny me hluma hnen tavat adre me laba igigili ohmun.

Ta je Vejec 25:28

Haba at ame ca muso hnyekon bi, Wale helâ me taun adre me hagutâ hnyikânâi he ba hak vetoiny.

Isaia 43:28

Anyin a wale oge me he ka okongoâ je tuhan dok ae kap, me hnö Jekob ka hnaûhango, ke Isaraela hnân haikongoâ.

Isaia 5:5

Ke oge me he ka omanenâ walang ang köbun ûnyi oge me he ka ânyâ hnyi ik hnyei vine: oge me he ka hom degecâ haginy, mʼ adre me he ka an dö e; oge me he ka hagutâ haginy, mʼ adre me he ka uto but e:

Jeremia 24:9

ke oge me be ka hnʼ ödra mʼ adre me he ka lili ödra monu ödra hnen ta je dokhu hia eang hmeledrany; mʼ adre me he ka hnân haikongoâ, me taben ûhiö me hlumâ, me hangâ hnyi ta je dok hia thithö oge me he ka obʼ ödra ka hnyin.

Jeremia 29:18

Ke oge me he ka hnu ödra ge hele vat, me hmiâ, me mok ae cap; ke oge me he ka hnödra ka he monu hnyi je dokhu hia eang hmeledrany, me me hnân hangâ, me kuku, me jû, me hnân haikongoâ hnyi ta je hnyei hia thithö waleji oge me he ka obʼ ödra ka hnyin:

Jeremia 39:8

Ke haba at Kaledaia adre me thong uma umen than, me je uma umen tavat ge meic, me kia hna up haginy Jerusalema.

Jeremia 42:18

Anyin a walang hna ha hnö Iehova tuhan sabaoth, Khongu Isaraela, ka habe, Oge hia but hingâlâ anyik hmonyin me anyik wathethot hon tavat adre me laba hnyi Jerusalema, helâe oge me he ka hingâlâ anyik wathethot hubun, öbun ka he ka he Aigupito ai; ke öbun e he ka hnân oû, me kuko, me hângâ, me haikongo; ke öbun e ca he hmetu ka wâ hnyei ang.

Jeremia 5:10

Öliâ thö je hna up haginy, me hlingâ; ke ca he bi ka ohia hia: hom but je anginy, anyin a ca je ûnyi e anyi Iehova.

Jeremia 52:14

Ke haba utbavat hia anyin at Kaledaia unyin taben tavat tue, me adre me kia degecâ hna up veto hnyi Jerusalema igigilo.

Je tenge anyi Jeremi 1:7

Hnyi bonginy vec me hmak, Jerusalema ame ûnykûme Ta je ûnyi gan ae kese hwân hnyi je bong kâû ehac: Hnyi ûen ame ta anyin tavat ka hnyi hnyamen iwahnaihmiöny, ke ba at ame hadruâ e, Ame wâ e hnen je iwahnaihmiöny, adre me hlumâ ta je hna okongoâ e.

Je tenge anyi Jeremi 2:9

Ame dit bi je homagouleny ka hnyi kânâ; kʼ ame ohia me oamamâ je ohmâiny: E but je thaniny me je taben hnyi je hnyei ae ba hnanyibu gadra; Eke, adre me ca wâ bi hnen anyin je perofeta hna omanenâ ûnyi ga Iehova,

Je tenge anyi Jeremi 3:61

Iehova lö, u je hia but long hnödra hna haikongoâ, me hnödra je hna ûnykûme hia gak;

Je tenge anyi Jeremi 5:1

IEHOVA lö, ûnykûme ju ûnyi a o kohmun: Bwele ju me wâ hna haikongu ohmun.

Levitiko 26:31

Ke oge me be ka obâ aten anyibun je taun, me ohia je dok a kabibun, ke oge me ca he ka hnulâ bunen anyibun je ûnyi ae bo so.

Levitiko 26:33

Ke oge me he ka ovesei öbun ka hnyi ta je hnyei, me oc hele vat he ka hnu öbun: ke ame he ka ba kolon ibun hnyei, kʼ ame he ka hnyot je hnyababun.