Nehemia 1:11 - Iaai Bible 1901 (New Caledonia)

¹¹ Than lö, ö u tevehlöng ju ge li hnyikönyâm ka hic hijin athnyabaem, me je hic hijin lathnyabaem, tavat adre me wedrin he ka outen iâm: ke ö u ohnahicâ but athnyabaem hnyi bong ang, me ham kâu me me betenge gan at ang. (Ke inya ke ji at ame khop utköiö belen than.)

Nehemia 1:11 Iomraidhean Croise

Genese 24:42

Ke oge me o but eja ka hnyi an, me oge me ha, ka habe, Iehova lö, Khongu Aberahama a tuhök, u je ne he ka ohnahicâ hnök hna vheno:

Genese 32:11

Ö u, omeli nya ûnyi hnyi hnyamen tuhök Esau: anyin oge me outen e, wâ e nye o but ka kuc nya, tha inya me ta momo me lakudrin.

Genese 32:28

Me e ame ha, ka habe, adre me ca he hmetu ka hao u Jekob, ke Isaraela bi: anyin a u je hia but nâ hwegiâm me Khong me tavat, ke ne u hwege.

Genese 40:1

KE hwaban ta je ûnyi e haba at ame khöp utköiö belen than Aigupito, me at minya ame bi han, ame kong hwakecidru ka anyidru than, a than Aigupito.

Genese 40:2

Ke Farao ame hmönyin ka li athnyabainy, wale taben tavat khöp utköiö belen than, me taben tavat adre me bi han.

Genese 40:21

Ke e ame ham hmetu hanymen ka taben tavat khöp utköiö belen than; me ame ham hmetu kaia ka hnyi hnyamö Farao:

Genese 40:23

Ke ame ca ûnykûmi Josefa bi hnen taben tavat khöp utköiö belen than, kʼ ame hnying ut e.

Genese 41:9

Ke haba taben tavat adre me khöp utköiö belen than ame ha kö Farao, ka habe, Inya oge me ûnykûme hnyi bong ang anyik monu:

Genese 43:14

ke so e he Khong Aekhanahia ka okûâ köbun betenge hnen at me me tha kunâ möbun liamekeiny möbun me Beniamina minya. Kʼ adre ne ohia lakuk, hawe, iny kong ut.

II. Man Ûlabainy Je Than. 6:40

Walang ang, Khonguk lö, inya o ge me sumatö u, ö u bwela ge li emâkâm, me teve-hlöng ge li hnyikönyâm, hic adre hic hnyi dok ang.

Ezera 1:1

HNYI huna a bâniny musi anyi Koreso tuhan Peresi, me haba Iehova ame bwebwelâ hnyeku Koreso than Peresi, me me hwâdâ hofuc ho Iehova a ha Jeremia, me e ame haimemenâ hnyi dokhon dokhu hia, kʼ ame sihnalimen minya, ka habe,

Ezera 7:6

haba at eling a Ezera ame he but ûheny Babulona; ke e at ae ti khana sihnalimen hnyi hnanyibu anyi Mose, waleji a ham Iehova Khongu Isaraela: ke haba than ame ham hia kâu hnen hna sumâtâ, helâ me hnyamö Iehova a Khongon hon.

Nehemia 1:6

ö u tevehlöng ju ge li hnyikönyâm, me wâ ge li emâkâm, me long hic hijin athnyabaem, wale oge me hic köu hnyi ûen ang hnyi lany me lit, hobi kâu lakon Isaraela a lathnyabaem, ke oge me haimemenâ je hulo anyin lakon Isaraela, waleji ohmun e hia but ânyâ köu: eke, oge me hia but hnyi ânyâ hulo me lap anyi cica.

Nehemia 2:1

KE haba hnyi tehi Nisan, hnyi huna a twentei Aretaseta than, ke e hnyi hnyimakan waina, ke oge me kât waina, me ham ka than. Ke ea bonguk ehac he ka hmak hnyi hnyimakan.

Nehemia 2:8

me ke tusi kö Asafa at ame tuö hnyot anyin than, me me he ka ham könya je ûö hnân je venyâiny je homagouleny uma, me hobi kâu haginy taun, me uma minya oge me he ka dit ka hnyin. Ke haba than ame ham könya, helâ me hnyamen Khong ae so könya.

Salamo 106:46

E ame okûâ betenge minya kodra Unyin tavat adre me hwenbʼ ödra.

Salamo 130:2

Than lö, long ju ifucik: E so u ma tevehlöng Hok ta je hwatenge.

Salamo 61:5

Anyin a haba u Khong lö, u je hia but long anyik je khöbi: U je hia but ham könya jekhoû e ûcû kodra adre me outen iâm.

Salamo 86:6

Iehova lö, tevehlöng ju hijik hic; Me long ju hok hwakhöû.

Ta je Vejec 1:29

Anyin adre me hûkötö he ka wâhmakhmeto, Kʼ adre me ca ûca he ka outö Iehova:

Ta je Vejec 21:1

E HNYI hnyamö Iehova hnyekon than helâ me je deny köiö: Kʼ ame wia e ka hnyi hnen hna weny.

Jeremia 42:12

Ke oge me be ka betenge gabun, me ohmetu öbun ka hnyi ibun hnyei.

Malaki 3:16

Me ame ûhnenamököuâ tavat adre me outö Iehova: ke Iehova ame tevehlöng me long, me adre me sihnalimen tusi hnân oûnykûmeâ hnyi hnyimakan, hobi kâu tavat adre me outö Iehova, me ûnykûme ien.

Heberu 13:18

Hic dʼ öbun hobi kohmun: anyin a öhmun e ûnykûme ae hu but gahmun ûnykûm sa ae so, ke wehmun he ka so hwakecihmun hnyi ta je ûnyi hia thithö.