Nehemia 1:1 - Iaai Bible 1901 (New Caledonia)

¹ HOFUC ho Nehemia nöku Hakalia. Haba hnyi tehi Kiselu, hnyi huna a twenteiny, ke inya hnyi Susani hnyaban than,

Nehemia 1:1 Iomraidhean Croise

Ezera 10:9

Me haba at Juda me Beniamina hia ödrin e ûkhacaköu hnyi Jerusalema hnyi kun ta bong; ke tehi e a naininy, ke bong twenteiny tehi: ke haba tavat hia ödrin e laba hnyi dok ae lau hnyi hnyimakan uma umen Khong, me öbubuny can ûnyi eling, me can we ae gan.

Ezera 7:7

Ke ame he but ke je lakon Isaraela, me ke je at bihut, me at Levi, me tavat khumöng, me tavat tuö hwanuma, me at Nethini, Jerusalema ai hnyi huna a seveni Aretaseta than.

Nehemia 10:1

KE walang tavat adre me ohmâ haten gadrin, Nehemia gavena nöku Hakalia, me Zedekia;

Nehemia 2:1

KE haba hnyi tehi Nisan, hnyi huna a twentei Aretaseta than, ke e hnyi hnyimakan waina, ke oge me kât waina, me ham ka than. Ke ea bonguk ehac he ka hmak hnyi hnyimakan.

Nehemia 5:14

Ke haba khaca, hwân hnyi ûen adre me otilö nya he ka gavena ködrin hnyi hnyei Juda, hwân hnyi huna a twente ke ne o but hnyi huna a thote tui Aretaseta than, wale twelv je huna, me haba inya me je liamekeiny mönya öhmun e ca an an gavena.

Esetera 1:2

haba hnyi ûen eling ame laba Asueru than hon theroniny dokhon dokhu, hnyi Susani hnyaban than,

Esetera 3:15

Ke ame ie he but tavat wadring ge hna hûna hnen than, ke adre me omanenâ hnanyibu hnyi Susani hnyaban than: ke haba than me Hamana ödru me tha laba he ka ic; ke ame hlohlo but taun Susani.

Daniela 8:2

Ke inya oge me wâ hnyi hna omanenâ; ke hnyi ûen oge me wâ, me oge me laba hnyi Susani hnyi uma umen than hnyi ke keihen hnyei a Elama; ke oge me wâ hnyi hna omanenâ, ke inya but hnyi wagewe Ulai.

Zakaria 7:1

KE haba hnyi huna a vaki Dariu than, me ame o but hofuc ho Iehova kö Zakaria hnyi bong a vakiny tehi a naininy, wale Kiselu.