Luka 8:3 - Iaai Bible 1901 (New Caledonia)

³ me Joana öiö Khuza, at ame tuö hnyaban Heroda, me Susana, me keihen minya ae se hia, hnyat adre me haomjehen ûnyi hnyi anyidra ta je ûnyi.

Luka 8:3 Iomraidhean Croise

I. Man Ûlabainy Je Than. 29:14

Ke iny ia, ke ia lakeik me me khanʼ ohmun he ka labö ham me wehmun helâng? anyin a ûnyi gam ta je ûnyi hia, ke ohmun e ham köu ta je ûnyi a ânyâm.

Isaia 23:18

Ke ame he ka hwakecin ae kap kö Iehova ta je ûnyi gan hnân ûco me hnen hna hok hwaban: adre me ca he ka ip me ûkhöûnâ; anyin a hobi kâu tavat adre me laba hnyi hnyimakö Iehova ta je ûnyi hnân ûcö gan, he ka han sekon, me ûkhaû ae nâk.

Mataio 14:1

HNYI ûen eling a long ut Heroad than lung a Iesu,

Mataio 14:3

Anyin a hia but Heroda kot Ioane, me ca e, me ip hnyi uma ce at, can ga Herodia, öiö Filipo, liamekeiny mē.

Mataio 14:6

Ke haba hnyi bong adre me bijeuâ bong adre hnöku Heroda hnyin, ame biâ hlu nöku Herodia hnyi wanben, me osenyini Heroda.

Mataio 2:11

Ke ödrin e o thö ka hnyi hnyin uma me wâ inma me Maria a hinyen; ke ödrin e ta ju me khudrung kâu; ke ödrin e khong ut tang omjehedrin me ham kâu je bwihlany, gol, me libanu, me muro.

Mataio 20:8

Ke hnyi hauhaotreng, haba tuhan vine ame ba ka homakan huliwa, ka habe, Hawâ thö tavat huliwa me ham kodra hwaban, hwân ge tavat a bilidra ke ne o but ka tavat a bödra.

Mataio 25:40

Me ame he Than ka thu ködrin, ka habe, E hnathu inya oge me ha köbun, habaji ge hnobun hna ânyâ ka ke at gadra ae ûhnyûkong hmonyin a je liamekeiny mönya, me öbun e ânyâ ling könya.

Mataio 26:11

Anyin a e bala bi unyibun ta je theduoc; ke oge me ca he bi nya ka laba bala eang unyibun.

Mataio 27:55

Ke wale minya omomo ae se hia adre me wâ sâkâûâ, waleji hnyat ödrin e he hotu Iesu ûheny Galilaia, me bi athnyabainy:

Luka 24:10

Haba iödrin me Maria Magadalena, me Joana, me Maria hinyö Iakobo: ke haba keihen omomo unyidrin, me ödrin e thumeto ta je aposetolo ge ta je ûnyi e.

Ioane 12:6

Ame ca ha e anyin ame betenge ge ta je theduoc; ke anyin bi a e at venöu, ke e unyin tang, ke e ame hom ta je ûnyi hnyin tang.

Ta je huliwa 13:1

E HU ke je perofeta me hnyat ûne hnyi ekalesia Anetioka, wale Banaba, me Simeona ke ien minya Nigeru, me Lukio at Kurene, me Manaen a tha hat me Heroda than, me Saulo.

II. Korinito 8:9

Anyin ae khanʼ öbun ibetengiö baû anyin Tuhöta Iesu Keriso, a e at ae tren ta ûnyi, ke e ame otheduocâ e hobi köbun, mʼ öbun e he ka tren ta ûnyi ûnyi hnyi anyin theduoc.

Filipi 4:22

Ame italofa möbun wakap bia thithö, ae nua bi ödrin hnyi hnyaba Kaisara.

I. Timoteo 5:10

ke momo adre me haisoâ hnyi ta je huliwa ae so; ka habe, ame hia but hat lakon, me betenge ge ta je atkanyua, me osûâ je li can wakap, me hadruâ tavat adre me vec, me ânyâ bala ta je huliwa hia ae so.