Luka 3:3 - Iaai Bible 1901 (New Caledonia)

³ Ke e ame vheno ta je ke keihen hnyei hia thithö hnyi Joridano, ame khetâ bapataisoiny ietra mʼ adre me he ka thang degecâ but ta je bulö;

Luka 3:3 Iomraidhean Croise

Mataio 3:11

Haba inya oge me bapataisoi öbun ge köiö ka hnyi ietra: ke haba at ame he jem hotuk ae beönua huk, ae ca ûcû nya bi he ka hom taben li hnyeûcan: e ame he ka bapataisoi öbun ge Hanu Kap me meic:

Luka 1:16

Ke se hia lakon Isaraela e ame he ka ohmeto ka Than a Khongudrin.

Luka 1:77

He ka o wâhmakhmetoâ lakeiny ge ûhomeli Wale he ka thang anyidra ta je hulö,

Luka 4:1

KE unöngöt dö Iesu ge Hanu Kap, ke e ame hmetu ûheny hnyi Joridano, kʼ ame lelö thö e hnen Hanu ka hnyi hnyebuba

Ioane 1:28

Adre ânyâ ta je ûnyi e hnyi Bethania hoton Joridano, wale dok ame bapataiso hnyin Ioane.

Ioane 3:26

Ke ödrin e he but kö Ioane me ha kâu, ka habe, Rabi, haba at ame tha tot möu hnyi ke keihen hoton Joridano, waleji at u me ohnatho, wâ bi, haba at eling ame bapataiso, ke ame ok ut kâu tavat hia thithö.

Ta je huliwa 13:24

ke a bân Ioane ka khetâ bapataisoiny ietra ka at Isaraela hia, ke e tiga ca o bi.

Ta je huliwa 19:4

Me haingö Paulo, ka habe, Ioane ame bapataiso ge hna bapataisoiny ietra, kʼ ame ha ka tavat, ka habe, hamödra he ka labageju ka at ame he ka o hwaban e, wale Iesu.

Ta je huliwa 22:16

Ke walang ang ieû gam u me bec? todrö, me adre me bapataisoi u, me hneû degecâ ânyâm ta je hulo, me hawâ thö ien.