Luka 10:3 - Iaai Bible 1901 (New Caledonia)

³ He thʼ öbun: wâ bi, inya oge me kunʼ öbun helâ me lakon mamoe hnyi wanben ta je luko.

Luka 10:3 Iomraidhean Croise

Salamo 22:21

Omeli nya thö hnyi hnyimen liona; Eke, u je hia but long könya ûnyi hnyi li faoiny bolokiny hnyot.

Zefania 3:3

Haba anyin je taben unyin, me helâ me je liona ame kuku; anyin bi tavat owisa, me helâ me je luko adre o hnyi sahac; adre me ca hna kolon bi hobi kâu nyi.

Mataio 10:16

Wâ bi, inya oge me kunʼ öbun helâ me ta je mamoe hnyi wanben ta je luko: anyin a wale metâ but öbun helâ me ta je on, me menyik helâ me ta je biny.

Mataio 10:22

Ke ame he tavat hia thithö ka hûkötö köbun can iök: ke haba at ame he ka hokhnyok ke ne o but hnyi obiny, me ame he ka möt.

Mataio 7:15

O ʼban âu ge ta je perofeta thoi, adre me o but köbun, kʼ adre me khavâ je ûkhaûiny mamoe, ke eû hnyi hnyidrin je luko ae ûhûlû hmonyin.

Luka 10:4

Ca hom bi tang mone, me tang, me taben hnyeûca, ke ca italofa bi me ke at eû hnyi gethen.

Ioane 10:12

Ke haba at ame hok hwaban, wale ca at tuö mamoe bi, ke ca haleny minya bi ta je mamoe, haba at eling ame wâ luko ame he jem, me ame hna degecâ but ta je mamoe me kec, me ame ûlû ödra luko, me ovesei ödra:

Ioane 15:20

Ûnykûme ju hofuc oge me ha köbun, ka habe, E ca gan athnyaba hon tuhan. Adre ne hia but oveci nya, adre me he bi ka oveci öbun; ke adre ne hia but vheno hok hofuc, adre me he bi ka vheno hobun hofuc.

Ioane 16:2

Adre me he ka obʼ öbun ûnyi hnyi ta je sunago: eke, ame he ka o ûen, a gʼ ame he at ka hlingʼ öbun, me ûnykûme a e ame bi aten Khong.

Ta je huliwa 20:29

E khanö nya a hwaban dö ûhek, ame he ka didro köbun ta je luko ûhûlû, kʼ ödrin e ca he ka ihulo hnahat mamoe;

Ta je huliwa 9:16

anyin oge me he ka omanenâ kâu ûganiny vec e ame he ka hom can iök.

Ta je huliwa 9:2

me sumâtâ je tusi gan he ka hom ka hnyi ta je sunago hnyi Damaseko, me me he ka cʼ ödra, me hom Jerusalema ai obaga me omomo, e ka hu tavat hmi ame he ka wâ.