Luka 10:2 - Iaai Bible 1901 (New Caledonia)

² E ame ha ködrin, ka habe, E gan hmâ widrany ke wakhalet thibi tavat adre me huliwan: anyin a wale hic ju öbun ka Thaniny widrany, me me he ka kunâ tavat he ka huliwan anyin widrany.

Luka 10:2 Iomraidhean Croise

I. Je Than 18:22

Ke haba Elia ame ha ka tavat, ka habe, Inya thiju kolon ta je perofeta anyi Iehova; ke haba je perofeta anyi Baala, me ödrin foa haded ke fifte tavat.

Salamo 68:11

Than ame ha hofuc: E ti se hia je momo adre me khetâ je uthumetu.

Jeremia 3:15

ke oge me he ka ham köbun tavat tuö mamoe hoton hnyekuk bi, tavat adre me he ka ha öʼbun ge metâ me wâhmakhmeto.

Zakaria 11:17

Ekölö ge at ame ca ti tuö mamoe, at ame hna degecâ hnahat mamoe! ame he hele vat ka ta hon benyin, ke emakan a metân: ame be ka meleca benyin, ke ti lit emakan a metân.

Zakaria 11:5

haba tavat a haledra adre me hlingʼ ödra, kʼ adre ca ûnykûme a ka ödra kong can e; ke haba tavat adre me ûcû ödra, me adre me ha, ka habe, Ole kö Iehova anyin a iny tren dut omjeû: ke ame ca betenge gadrin je latuhödrin.

Numera 11:17

Ke oge me he ka utut me ûhnenamö eling mou: ke oge me he ka hom ke keihen hanu unyâm me ip hudrin; mʼ ödrin e he ka tha vadren mou tavat a ûnyi ae hmak, me u me ca he ka hake vadren.

Numera 11:29

Ke Mose ame ha kâu, ka habe, U me vec gak? e na je perefota hia je lakei Iehova, me me he Iehova ka ip hanon hudrin!

Mataio 20:1

ANYIN ae ûcû dokhon drany me tuhan uma, at ame vesâkong he ka hawâ tavat huliwa ka hnyi anyin hna belökâ vine.

Mareko 13:34

Ame helâ mê ke at ame he but, me mē laba hnyi ke hnyei, me hna but umen uma, me ham musi ka lathnyabainy, ame ve khene anyidrin huliwa, me hûna ka at ame tuö hwanuma he ka hmâkâ.

Mareko 16:15

Ke haingen ködrin, ka habe, He thʼ öbun ka hnyi hmeledrany hia thithö ka khetâ evangelia ka tavat hia adre op.

Mareko 16:20

Me ödrin e he but me khetâ hnyi ta je hnyei hia, ke Than ame tha huliwa mödrin, me ohnathoâ ta je hofuc ge ta je haten ame tha he. Amen.

Luka 9:1

E AME hawâ ûkhacaköuâ hnyat a twelv, kʼ ame ham ködrin man, ke he ka muso ta je demoni, ke he ka ohia ta je mok.

Ta je huliwa 11:19

Ke haba tavat adre vese hnyi ûöveci a kû kö Setefano, me adre me he ke ne o but hnyi Foinike, me Kupero, me Anetioka, adre me ha hofuc hwan Khong ka at Juda thibi.

Ta je huliwa 13:2

Ke ödrin e huliwa ka Than, ke ânyâ ca han, me ame ha Hanu Kap, ka habe, Ovesei Saulo thö me Banaba könya hobi kâu huliwa oge me hawʼ ödru kâu.

Ta je huliwa 13:4

A hia but kunʼ ödru hnen Hanu Kap, me ödru me he Selukia ai; me tabâ hu ûhedru e Kupero ai.

Ta je huliwa 20:28

Anyin a wale, o ʼbun âu, ke hnahat mamoe hia, wale hnen Hanu Kap hnaʼ otilʼ öbun he ka tuö, he ka hat ekalesia anyin Khong, waleji e ame ûco ge dren.

Ta je huliwa 22:21

Ke haingen ame ha könya, ka habe, He thö, anyin oge me he ka kunö u sâkâû ai ka aten ta je hnyei.

Ta je huliwa 8:4

Anyin a wale haba tavat adre me oveseâ adre me he but ka hnyi je dok me khetâ hofuc.

I. Korinito 12:28

Ke haba Khong ame otilâ keihen hnyi ekalesia, a bân ta je aposetolo, ke loiny ta je perofeta, ke kuniny tavat ûne, ke hwaban e, tavat huliwa ae man, me je bwihlanyiny hna omelö tavat ae hu mok, me tavat ûhadruo, me tavat ae metâ hnyi ûhnenamö, me ta je hwen hnyei.

I. Korinito 15:10

Ke haba inye helâng, me ûnyi ge ibetengiö baû anyin Khong: ke ca ûnyi baû bi anyin ibetengiö baû e ame omanenâ könya: ke nua anyik huliwa hon hnyat hia: ke ca ka ûnyi gak, ke so bi ûnyi ge ibetengiö baû anyin Khong wale a ham könya.

II. Korinito 6:1

KE öhmun ang hnyat öhmun e tha huliwa më, me öhmun e ûjongi öbun, wâ öbun nye kap bâûâ ibetengiö anyin Khong,

Filipi 2:21

Anyin a ödra hia adre me ka elâm anyidra bi ta je ûnyi, ke ca ta je ûnyi anyi Iesu Keriso.

Filipi 2:25

Ke inya oge me ûnykûme me ûnyi hnathu he ka kunö Epaferodito köbun, ke liamekeiny mönya, at ame tha huliwa me tha vat mönya, ke anyibun bi metâ, kʼ ame hadruo nya hnyi anyik theduoc;

Filipi 2:30

anyin a ne moko ju huliwa anyin Keriso, ke e ame ca oûnyihnathoâ anyin möt, me me he ka hwaböbun hnyi ûen ae hiʼ öbun he ka hadruo nya.

Kolose 1:29

ke wale hnok minya hna huliwa ka hnyin, kʼ oge me ûjöng hmonyin hoton anyin huliwa, wale ame hwege huliwa eû hnyi hnyik.

Kolose 4:12

Ame italofa mʼ öbun Epafera a hanöbun athnyabainy Keriso Iesu, at ae hwege hic hobi köbun, mʼ öbun e he ka tot wisa, me kap wia hia weny Khong.

I. Thesalonika 2:9

Ke öbun hnyat me lakeiny öbun e ûnykûme anyihmun huliwa ae mak me vec; öhmun e huliwa hnyi lany me lit, mʼ öhmun e ca he ka ohmâkâ ke at gabun, öhmun e khetâ ûthumetu ae so anyin Khong köbun.

I. Thesalonika 5:12

Hnyat me lakeiny lö, öhmun e khöû köbun he ka ō ʼdrin ju tavat ödrin e huliwa unyibun, me musi öbun hnyi Than, me sihwegi öbun;

II. Thesalonika. 3:1

KE walang obiny hnyat me lakeiny lö, hic dʼ öbun hobi kohmun, e me mweimwei thö hofuc hwan Than, mʼ adre me ogânâ e, helâ minya e unyibun;

I. Timoteo 4:10

Anyin a wale ate me huliwa me hwege, anyin ate me geju ka Khong ae möt, wale At ame omelö tavat hia thithö, ke beönua ka tavat labageju.

II. Timoteo 4:5

Ke u me he ka hnyokâ wisa hnyi ta je ûnyi hia, hokhnyok ju hnyi ta je vec, ânyâ thö hanymen at ame huliwan ûthumetu ae so, obekhötâ hanymâm hia thithö.

Filemona 1:1

INYA Paulo adre me cö nya can Keriso Iesu, me Timoteo ke liamekeiny möta, ohmu me sit kö Filemona a oûnykûmihmu, ke at ame tha huliwa möhmu,

Heberu 3:6

ke so bi Keriso ame musi hnyi hnyaban, helâ me nokon; ke haba öta bi hnyaban eling, öta ka he ka kât hmâ ke ne o but obiny tang hwege me senyin hnyi geju.

Hna Omanenâ 2:1

SIHNALIMEN ju ka angela anyin ekalesia hnyi Efeso, ka habe, Walang ta je ûnyi ame ha hnen at ame kât ta je okhû a seven hnyi hnyamen a metân, wale at ame he hnyi wanben je taben lamepa gol a seven: