Luka 1:3 - Iaai Bible 1901 (New Caledonia)

³ anyin a wale, oge me ûnykûme bi nya he ka sihnalimen gaga köu taböny than Theofila, anyin oge hia but wâ gaga ke wisa ta je ûnyi ûnyi hnyi can;

Luka 1:3 Iomraidhean Croise

Salamo 40:5

Iehova Khonguk lö, e se hia ânyâm ta je huliwa hnân lâiâ u je ânyâ, Me hnâm ta je hna ûnykûme kohmun: Ca hnân he ka ha gaga köu; Oge ne beomanenâ me ha, Me ti se hia hmönvin a ca hnân bi aû.

Salamo 50:21

U je ânyâ ta je ûnyi eling ke oge me laba hnyibû; U je ûnykûme a iny tha ûcû möu: Ke so bi oge me he ka nö u, me ip gaga ta je ûnyi e hnyi hnyimâkâm.

Ta je Vejec 22:21

He ka okhanö u hnathuiny je hofuc ae hnathu, Mʼ u me he ka hom hmetu ka tavat adre me kunö u ta je hofuc ae hnathu?

At Khet 12:9

Ke haba khaca, anyin ae metâ at Khet, me e ame nâ tavat ge metâ; eke, e ame ûnykûme, me elelâm, me ip gaga ta je vejec ae se hia.

Luka 1:1

ANYIN a haba tavat ae se adre me hwân he ka sihnalimen gaga me omanenâ ta je ûnyi ame hwâdâ köta,

Ta je huliwa 1:1

THEOFILA lö, haba tusi oge me sihnalimen a bân, me ame ha ta je ûnyi hia ame ânyâ Iesu, ke hnen hna ûne,

Ta je huliwa 11:4

Ke haba Peteru ame hwân he ka omanenâ gaga kodra, ka habe,

Ta je huliwa 15:19

Anyin a wale, haba ûnykûmenök, e so otin e ca ohmakâ tavat unyin Aten ke je hnyei adre me hwio ka Khong;

Ta je huliwa 15:25

ke tha hnyekuhmun dut, me so kohmun he ka kunâ li at köbun adre me ûca he ka tha he me Banaba me Paulo, laoûnykûmihmun,

Ta je huliwa 15:28

Anyin ae so ka Hanu Kap, ke so minya kohmun, a gʼ adre me ca he bi ka hûgo gânâ hok köbun, hon ta je ûnyi eang ae ûcû, ka habe;

Ta je huliwa 18:23

Ke a hia but laba eling hnyi ke je bong, me e ame he but, me vheno hia hnyei Galatia me Ferugia, ame sihwegiâ ta je laten hia.

Ta je huliwa 23:26

Inya Klaudio Lusia oge me italofa möu Filiki a gavena ae beönua.

Ta je huliwa 24:3

ke ohmun e kap e hnyi je ûen ke hnyi je dok hia, me ole gan hmâ.

Ta je huliwa 26:25

Ke haingö Paulo, ka habe, Than Feso lö, iny ca monu; ke inya oge me ba hofuc ae hnathu me metâ.

I. Korinito 16:12

Ke gan hmâ hnok hna ûjongi Apolo ke liamekeiny, me me he ka tha o köbun me je liamekeiny: kʼ ame ca weny he ka o hnyi ûen ang; ke e ame he ka o, e ka hu ûen ae ûcû.

I. Korinito 7:40

Ke beönua hnahic anyin momo e, e ka laba safac bala, wale hnok hna ûnykûme: ke inya oge me ûnykûme ae hu but gak Hanon Khong.

I. Timoteo 4:6

U je ne he ka öûnykûmeâ je liamekeiny ge ta je hofuc, me u me he ka at huliwa ae so anyin Keriso Iesu, adre hat hnyi hofucin labageju, me ûne ae so, waleji u je hia but hnu hoton;