Kolose 3:3 - Iaai Bible 1901 (New Caledonia)

³ Anyin a öbun e mokcu, ke adre tha ikhâlâ anyibun möt me Keriso unyin Khong.

Kolose 3:3 Iomraidhean Croise

Mataio 11:25

Hnyi ûen e Iesu ame thu me ha, ka habe, Inya oge me ole köu Cica, Tuhan drany me hmeledrany, anyin a u je ikhâlâ ta je ûnyi eang ge tavat ae metâ me tavat ae khana wia, ke u je omanenâ bi ka ta je mendreng:

Ioane 14:19

E okhulit biju ûen me ame ca he hmeledrany ka ö nya; ke öbun e he ka ö nya: anyin a oge me möt, me öbun e he minya ka möt.

Ioane 3:16

Anyin a Khong ame betenge ge hmeledrany, me e ame ham but Nokon a khaca thibi, me me ca he ka mok ke at ge tavat adre me labageju kâu, ke ame he bi ka hu möt ame ca ba balua.

Ioane 4:14

ke haba at ame he ka ijem an oge me he ka ham, me ame ca he hmetu bi ka beic nyiele balua; ke haba köiö oge me he ka ham kâu me ame he ka eû hnyi hnyekon wale an ame pupua ka hnyi möt ame ca ba balua.

Ioane 5:21

Anyin a Kamen ame otilâ thö ta je komok me omeli ödra, helâe minya Nokon ame omelö tavat e ame weny.

Ioane 5:24

E hnathu, e hnathu, inya oge me ha köbun, ka habe, Haba at ame long hok ta je hofuc, kʼ ame labageju ka at a kunö nya, me hu but gan möt ame ca ba balua, kʼ ame ca he bi ka hnaûhango, ke e ame he but ûheny hnyi mok ka hnyi möt.

Ioane 5:40

ke öbun höcö he ka he könya me me hu möt gabun.

Roma 5:10

Anyin a ne ûsoköu öta me Khong ûnyi ge mok anyin Nokon, waleji kʼ öta tiga iwahnaihmiony, me e gan hmâ hna he ka omeli öta hnen anyin möt, kʼ ate me ûsoköu më.

Roma 5:21

ke haba hulo ame musi ka hnyi mok, me helâe ame he ibetengiö baû ka musi hnen hwakecin ae wisa ka hnyi möt ame ca ba balua, a deny Iesu Keriso a Tuhöta.

Roma 6:11

Helâe minya, ûnykûme ju öbun a öbun e mok ka hnyi hulo, kʼ öbun e möt bi ka Khong ga Iesu Keriso.

Roma 6:2

Ohe. Öta tavat a mok ka hnyi hulo, kʼ ate me he ka kâmâu he ka möt bala hnyin?

Roma 8:2

Anyin a haba hnanyibuiny Hanu me möt unyin Keriso Iesu, me ame hnö nya ûnyi hnyi hnanyibuiny hulo me mok.

I. Korinito 15:45

Ke helâ me hna sihnalimen, ka habe, Adre up Adamu at a bân hanu ae möt. Ke Adamu a biliny hanu at a ham möt.

I. Korinito 2:14

Ke haba aten unyin ame ca kap ta je ûnyi anyin Hanon Khong: anyin a hwen monu e kâu; ke e ca khana he ka wâhmakhmetoâ e, anyin adre me wâ ûnykûme hnen hanu.

II. Korinito 5:14

Anyin ame musi öhmun ibetengiö anyi Keriso; anyin a walang ang ûnykûmenöhmun, a gʼ ame mok ke at hobi kâu tavat hia, awe, a mok hia;

II. Korinito 5:7

(anyin a öhmun e he hnen labageju, ke ca hnen bi hna wâ);

Galatia 2:20

Adre hia but tha osatauroi nya me Keriso; ke iny möt bi; ke ca inya hmetu bi, ke Keriso bi at ae möt eû hnyik: ke haba möt oge me melö hnyi unyin, inya oge me melö e hnen labageju ka Nokon Khong, waleji at ame betenge gak, me ka ham e hnân hobi könya.

Efeso 3:9

me he ka omelamâ tavat hia, mʼ adre me he ka wâ hna penapena ae iyong adre ikhâlâ adrem unyin Khong wale at ame op ta je ûnyi hia thithö;

Filipi 4:7

Ke haba ûsoköu ûnyi ge Khong ûnyi ae nua hon ta je ûnykûme hia, ame he ka tuö je hnyekubun me je ûnykûmenöbun hnyi Keriso Iesu.

Kolose 1:5

ûnyi hnyi gejon adre ip ethö hnyi drany hobi köbun, waleji öbun e long ehac hnyi hofuc ae hnathu hnyi ûthumetu ae so,

Kolose 2:20

Öbun e ne tha mokcu me Keriso ûnyi hnyi hna ûne a bân anyin hmeledrany, anyin a ieû, öbun e long hmetu hoton je hna hûna, helâke öbun e möt ka hnyi hmeledrany, ka habe,

Kolose 2:3

at adre ikhâlâ unyin ta je omjeûiny hia metâ me wâ ûnykûme.

Kolose 3:4

E ka he ka manen dut Keriso a melita, mʼ ate me he ka tha manan mē hnyi hmanenang.

Heberu 7:25

Anyin a wale e khana balua he ka omeli ödra tavat adre me he but ka Khong a deny e, anyin a e at ae möt balua he ka khöû hobi ködra.

I. Peteru 3:4

ke so bi he ka omecâ at ae iyong eû hnyi hnyok, wale ûkhaû ame ca he ka bobot, wale hnyok ae menyik me ilemuk, wale ûnyi ae ûnyi hnathu hmonyin hnyi hnyimakan Khong.

I. Peteru 4:2

mʼ öbun e ca he hmetu ka möt ka hnyi ta je weny at, hnyi ûen a tiga öbun hnyi unyin, ke so bi ka hnyi weny Khong.

I. Ioane 3:2

Hnyat a oûnykûmik lö, öta je lakon Khong walang ang, ke tiga ca manen bi bonguta nyiele. Ke e khanʼ öta, ka habe, e ka manen dut, me ate me he ka helâ më; anyin ate me he ka wâ cicöâ e.

Hna Omanenâ 2:17

Haba at ae hu hnyikönyen, löng ju hna ha hnen Hanu ka ta je ekalesia. Haba at ame ton, me oge me he ka hân ge mana ae iyong, ke oge me he ka ham kâu ke veto ae hau, ke e hnyi veto ien a teb ûnyi adre set, ae ca khana at, ke so bi at ame kap.