Josua 9:1 - Iaai Bible 1901 (New Caledonia)

¹ KE haba je than hia ödrin e long, walʼ ödrin hnyi ke keihen Joridano e jio hnyi je bucen me hnyei ae ca hut, me hnyi hobat köien köiö ae gan hia cicö Lebanona, wale at Heth, me Amora, me Kanana, me Perizi, me Hivi, me Jebusi;

Josua 9:1 Iomraidhean Croise

II. Samuela 24:7

me o but hnyi hnabâ hnyi Turo, me je taun hia anyin at Hivi me Kanana: ke ödrin e umo hnyi ke keihen Juda hnyi hwaiöu, hnyi Bere-seba.

Esodo 23:23

Anyin ame he anyik angela ka hnyimakan ânyâm bunyen, me hum u ka at Amora, me Heth, me Perizi, me Kanana, me Hivi, me Jebusi: kʼ oge me he ka ohiʼ odra.

Esodo 23:31

Ke oge me he ka si hnyigöulâm hwân hnyi Köiö ae Dra ke ne o but ka hnyi köien at Filisiti, ke hwân hnyi hnyebuba ke ne o but hnyi Wagewe: anyin oge me he ka hna ka hnyi hnyamöbun tavat adre me labâ hnyei; kʼ u me he ka obʼ odra hnyi hnyimâkâm.

Esodo 3:17

kʼ oge hia but ha a oge me he ka hum öbun ûnyi hnyi ta je vec hnyi Aigupito ka hnyi hnyei iny at Kanana, me Heth, me Amora, me Perizi, me Hivi, me Jebusi, wale hnyei ame di hnyin debai me hani.

Esodo 34:11

Wâ wia hnök hna hûna köu hnyi bong ang: wâ bi, oge me he ka obâ hnyi hnyimâkâm at Amora, me Kanana, me Heth me Perizi, me Hivi, me Jebusi.

Numera 13:29

Kʼ ame laba Amaleka hnyi ke keihen ka hnyi Hwaiöu: ke haba hnyi je bucen ame laba hnyat Heth, me Jebusi, me Amora: kʼ ame laba at Kanana hnyi hobat köiö me hnyi baten Joridano.

Numera 34:6

Ke haba hnyigöulen e jiö, me köiö ae gan, wale hnyigöulöbun, a hnyigöulöbun e jiö.

Deuteronomi 1:7

hwio thʼ öbun me he ka hnyi bucen anyin at Amora, me je dok ae hakekeny kâ e, hnyi Arabah, hnyei ae hu je bucen hnyin, me hnyei ae hnyikânâ, me hnyi ke keihen ka hnyi Hwaiöu, me hobatköiö, a hnyei iny at Kanana, me Lebanona, ke ne o but hnyi wagewe ae gan, a wagewe Euferate.

Deuteronomi 3:25

Iny ha he ju ka hnyi hama hnyei ae so hnyi ke keihen Joridano, wale bucen ae so, me Lebanona.

Deuteronomi 4:49

me hnyei ae tha hon hia hoton Joridano e deiö, ke ne o but hnyi köien je hnyei ae tha hon hmelen hwatapkoluiny Pisega.

Deuteronomi 7:1

E KA hia but Iehova Khongom hum u ka hnyi hnyei wale u me he ka hnyin he ka hu e, ke e ka hia but oc degecâ je hnyei ae se hia hnyi hnyimâkâm, a at Heth, me Girigasa, me Amora, me Kanana, me Perizi, me Hivi, me Jebusi, wale seven je hnyei ae gan me hwege hom;

Josua 1:15

ke ne o but a hia but Iehova omenâ je liamekeiny möbun, helâ möbun, me ödrin e hia but hom hnyei Iehova Khongubun ame ham ködrin; ke hnyi ûen e, öbun e he ka hmetu ka hnyi ibun, me labā e, wale Mose athnyabai Iehova ame ham köbun hoton Joridano, ricö hna o hnen seûno.

Josua 1:4

Hwân hnyi hnyebuba, me Lebanona eang, ke ne o but ka hnyi wagewe ae gan, a wagewe Euferate, a hnyei hia iny at Heth, ke ne o but hnyi köiö ae gan cicö hna dit hnen seûno, wale hnyegöulöbun.

Josua 10:23

Me adre me ânyâ helâe me hom kâu je than eling a thabûng, ûnyi hnyi op, a than Jerusalema, me than Heberona, me than Jamuth, me than Lakisa, me than Egelona.

Josua 11:17

hwân hnyi bucen Halaka gethen ûheny Seira ke ne o but Baala-gada hnyi hnyigöulen bucen e Lebanona, wale hmelen bucen Heremona: ke e ame hom je than hia me kuc ödrin, me hlingʼ ödrin.

Josua 13:5

me hnyei iny at Gebali, me Lebanona hia, hnyi hna o hnen seûno, hwân hnyi Baala-gada hmelen bucen Heremona ke ne o but hnyi gethen ame didro ka hnyi Hamath:

Josua 15:12

Ke haba hnyigöulen e jio, köiö ae gan me hobat köiöiny. Wale hnyigöulen laku Juda igigilö hoton anyidrin je lap.

Josua 22:4

Ke walang ang Iehova Khongubun ame omenâ je liamekeiny möbun, helâji me hnen hna ha ködra, anyin a wale hmetu thʼ öbun, me he ka hnyi umöbun je uma, ka hnyi je ibun, waleji a ham köbun Mose athnyabai Iehova hoton Joridano.

Josua 22:7

Ke a hia but Mose khene jekhoû hnyi Basana ka hafiny tribu Manase: ke haba ka ke haf, Josua ame khenâ unyin je liamekeiny mödrin hoton Joridano ke e jio. Ke haba khaca, hnyi ûen e ame kunʼ ödrin ka hnyi umödrin je uma, me Josua ame hahnahici ödrin,

Josua 23:4

Wâ bi, oge hia but khenâ köbun je kolon je hnyei ang, me hwajekhon anyibun je tribu, hwân hnyi Joridano, me je hnyei oge hia but ohia, ke ne o but ka hnyi köiö ae gan cicö hna dit hnen seûno.

Josua 24:11

Ke öbun e he hanyâûâ Joridano, me o hnyi Jeriko: ke ame vat möbun at Jeriko, me at Amora, me Perizi, me Kanana, me Heth, me Girigasa, me Hivi, me Jebusi; ke oge me hnʼ ödrin ka hnyi hny amöbun.

Josua 3:10

Ke haingö Josua, ka habe, Walang haten mʼ öbun e he ka wâ a e bi unyibun Khong ae möt, kʼ ame he ka ti obâ hnyi hnyimaköbun at Kanana, me Heth, me Hivi, me Perizi, me Girigasa, me Amora, me Jebusi.

Josua 3:17

Ke ame tot me ca bwebwet tavat bihut, hnyat ödrin e vadren tangen ûhihinyköu anyi Iehova, hnyi dok ae mada, wanben Joridano, ke adre me he hanyâûâ hnyi dok ae mada a at Isaraela hia thithö ke ne o but ame hanyâûâ Joridano haen tavat hia.

Josua 5:1

KE haba je tuhan hia at Amora a ödrin hoton Joridano ke e jio, me je tuhan hia at Kanana hnyi hobat köiö, me ödrin e long a Iehova ame hia but ohmö köien Joridano hnyi hnyimakan lakon Isaraela ke ne o but ate me hanyâûâ, me ame gâ udrin, ke ba hmetu hwege eû hnyi je hnyekudrin ge lakon Isaraela.

Josua 6:27

Ke tha Iehova me Josua, me ame lung hnyi hnyei hia.

Josua 9:7

Ke haba at Isaraela adre me ha ka at Hivi, ka habe, Hawa la, öbun e ne tha laba unyihmun, ke öhmun e he ka kâmâu ka ûhihinyköu möbun?