Josua 8:2 - Iaai Bible 1901 (New Caledonia)

² ke u me he ka ânyâ ka Ai me thaniny, helâ me hnâm hna ânyâ ka Jeriko me thaniny: ke so je omjeûiny me je menoiny öbun e he ka hom hobi köbun bi: u me he ka ip mokut ke je aten vat hoton e.

Josua 8:2 Iomraidhean Croise

II. Man Ûlabainy Je Than. 13:13

Ke haba Jeroboama ame ikhâlâ ke vat hotudrin; ke haba ödrin e tot hnyi hnyimakan at Juda, ke vat adre ikhâlâ hotudrin.

II. Man Ûlabainy Je Than. 20:22

Me ödrin e hwân he ka khumöng, me olungâ, me haba Iehova ame ip tavat lubaduöng ûcon lakon Amona me Moaba, me bucen Seira, tavat a o he ka vat me Juda; ke adre kuc ödrin.

Salamo 39:6

Ame labö vheno tavat hia hnyi hmenon thibi: E ûnyibaû anyidra ûtuböny: E ame khon, ke ca khana ewa at ame he ka hlo.

Ta je Vejec 13:22

Haba at ae so me ame he ka ha jekhon je laöbiny; Ke adre me ip hobi kâu tavat ae wisa omjehen at ae kong.

Ta je Vejec 28:20

Haba at ae hnathu me ame he ka ti hu je hnahic: Ke haba at ame ie behu omjeû me ame ca he ka ba hwaban.

Jeremia 17:11

Haba kore ame mokulec ta je lakon, ke ca ta je hing lakon bi, helâe ge at ae tren omjeû ke ca hoton bi wisa; hnyi wanben bonginy je bong, e ame he ka hna degecâ bi e, ke haba hnyi obiny e ame he ka at ae monu.

Jeremia 51:12

Otilâ thö haten hon hna up veto hnyi Babulona, ohmâ ju tavat adre me hmâkâ, otilâ thö tavat tue, penapena thö he ka khöu mokut: anyin a Iehova ame ûnykûme me ânyâ, waleji hnen hna ha ge tavat adre me laba hnyi Babulona.

Deuteronomi 2:35

ke so bi ate me hûgûnâ omeno me haleta, tha e me omjeû ûnyi hnyi taun waleji ate me hûgûnâ.

Deuteronomi 20:14

ke haba omomo, me tavat ae ûhnyûkong, me omeno, me ta je ûnyi hia hnyin taun, a ta je ûnyi hia hnân hûgûnâ, me u me he ka hom hnân hobi köu; ke u me he ka han ta je ûnyi anyin je iwahnaihmiony mou a ham köu Iehova Khongom.

Deuteronomi 3:2

Ke Iehova ame ha könya, ka habe, U me ca he ka outen e, anyin a oge me hna e, me lakeiny hia, me iny hnyei ka hnyi hnyamâm; ke u me he ka ânyâ kâu helâji me hnâm hna ânyâ kö Sihona thaniny at Amora at ame laba e Hesebona.

Josua 10:1

KE Adoni-zedeka thaniny Jerusalema ame long a ga hia but Josua hûgûnâ Ai, ke ohia e; ke ame ânyâ ka Ai me thaniny helâji me hnen hna ânyâ ka Jeriko me thaniny; ke a hia but tavat aten Gibeona ûsoköu me at Isaraela mʼ ödrin e tha laba unyidra;

Josua 10:28

Ke Josua ame hûgûnâ Makeda hnyi bong eling, me kot e ge hele vat, me thaniny e; e ame ti ohiʼ ödrin me tavat hia thithö hnyin, e ame ca hna bi ke kolon a khaca: ke e ame ânyâ ka thaniny Makeda helâ me hnen hna ânyâ ka thaniny Jeriko.

Josua 11:14

Ke haba ta je omjeû hia hnyi je taun eling me omeno, me lakon Isaraela adre me hom hobi ködrin bi; ke so bi adre me hlingâ tavat hia thithö ge hele vat ke ne o but ame hiʼ ödra, ke ba but kolon ame menâ.

Josua 6:21

Me ödrin e ti ohia ta je ûnyi hia hnyi taun, je baga me momo, me wanakat, me hingat, me bolok, me mamoe, me asina, ge hele vat.

Josua 8:12

Ke e ame hom helâ me faiv thauzan tavat me ip duöngi ödrin hnyi wanben Bethela me Ai, hnyi ke keihen taun ke e jio.

Josua 8:14

Ke a wâ e than Ai, me ödrin e mweimwei me vesâ, ke ame utut aten taun ka at Isaraela he ka vat, a e me lakeiny hia, hnyi ûen adre thu, ka hnyi ke dok cicö hnyebuba; ke ca khana a gʼ ame hu tavat adre me mokut duöng kâu hnyi hoton taun.

Josua 8:19

Me ame ie köûö mokut ûnyi hnyi hnödrin hnyi ûen e ame inâ hnyamen, kʼ ödrin e wadring me dit ka hnyi taun, me hûgûnâ; ke ödrin e logot he ka thong taun ge meic.

Josua 8:24

Ke a hia but at Isaraela kot at Ai huyi hnyei, hnyi hnyebuba wale adre me hnu ödra hnyin, ke adre me ta hia ge hele vat, me ohiʼ ödra, me ame hmetu Ai ai at Isaraela hia thithö, me kot e ge hele vat.

Josua 8:3

Me ame höhöi thö Josua me tavat vat hia thithö, he ka he Ai ai: ke Josua ame ûca thote thauzan tavat, je hnyat ae hwege vat, me kunʼ ödrin hnyi hnyinghet.

Josua 8:7

ke öbun e he ka utut ûnyi hnyi hna khöu mokut, me hûgûnâ taun: anyin ame he Iehova Khongubun ka hna e ka hnyi hnyamöbun.

Josua 8:8

Ke Öbun ka hia but hûgûnâ taun, öbun e he ka thong degecâ e ge meic; öbun e he ka ânyâ hoton hofuc ho Iehova: wâ bi, oge hia but hûna köbun.

Josua 8:9

Ke Josua ame kunʼ ödrin: ke ödrin e he ka hnyi dok hnân khöu mokut hnyin, me laba wanben Bethela me Ai, hnyi ke keihen e jio Ai: ke Josua ame mokut hnyi lit eling unyin tavat.

Josua 9:3

Ke a long at Gibeona ûnyi a ânyâ Josua ka Jeriko me Ai,