Josua 8:1 - Iaai Bible 1901 (New Caledonia)

¹ KE haba Iehova ame ha kö Josua, ka habe, Ca ot bi me öbubuny: ke tha hom dö tavat vat hia thithö mou, ke höhöi thö me he Ai ai: wâ bi oge hia but ham ka hnyi hnyamâm thaniny Ai, me lakeiny, me anyin taun, me iny hnyei:

Josua 8:1 Iomraidhean Croise

Salamo 27:1

IEHOVA melamik me at ame omeli nya; oge ma outö ia? Iehova tang hwegien anyik möt; ia oge ma outen?

Salamo 44:3

Anyin a adre me ca hu hnyei hnen bi anyidra ta je hele vat, Ke adre me ca möt hnen je hing hnyamödra bi: Ke so bi hnen hnyamâm, me benyâm, me melaminy hnyimâkâm, Anyin a u me betenge baû gadra.

Salamo 46:11

Tha e mota Iehova tuhan sabaoth; Hnöta hnabâ Khongu Jekob. [Sela.

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 43:2

U ka he ka hanyâûâ je köiö, me oge me he ka tha inya möu; me je wagewe, adre me ca he ka khutukhaûö u: u ka he ka he wanben meic, ame ca he ka thung u; kʼ ame ca he bâhlân ka möt unyâm.

Jeremia 46:27

Ke haba u Jekob a athnyabaik, ca ot bi, me Isaraela, ca hlohlo bi: anyin a wâ bi oge me he ka omeli u ûnyi hnyi dok ae sâkâû, me je mâtrânâm ûnyi hnyi hnyei waleji oge hum ödra ka hnyin; ke ame he Jekob ka hmetu, me laba so me menâ, ke ba hmetu bi at ame he ka ootâ e.

Jeremia 49:3

Kuku tenge thö, Hesebona, anyin ae kong ut Ai; hongot dö goranyai wahlu laku Raba, oweikʼ öbun ju ge ec mano ae gan nân: tenge thungaû thö, me he monu hnyi je hak; anyin ame he ka bâ Malekama, tha e me anyin tavat bihut, me anyin ta je taben.

Daniela 2:21

ke e ame wia je huna me je ûen: e ame hom but je than me otilâ je than: e ame ham metâ ka tavat ae metâ, me wâhmakhmeto ka tavat wâhmakhmeto:

Daniela 4:25

a adre me he ka obö u unyin tavat, ke u me he ka tha laba me je menoiny hnyot, ke u me he ka han önying helâ me bolok, ke u me he ka kubet ge dân hau ûnyi hnyi drany, kʼ ame he ka seven je ûâm; ke ne o but ame khanö u thö a gʼ ame musi At ae Beönua hnyi dokhu dokhon tavat, kʼ ame ham e ka hnen hna weny kâu.

Daniela 4:35

kʼ ame ûnykûme a helâ me thatûnyi tavat adre me labâ hia hmeledrany: ke e ame ânyâ hoton weny unyin je köiöiny drany, ke tavat adre me labâ hmeledrany; ke ba at ame he ka thawâ hnyamen me ba kâu ka habe, Ieû u me ânyâ?

Mataio 8:26

Me e ame ha ködrin, ka habe, Ieû gabun öbun e ot hnyat labageju ûhnyûkong? Me e ame todrö, me thawâ ang me köiö; me ame ta but hau ae gan hmâ.

Deuteronomi 1:21

Wâ bi, hnö Iehova Khongom hna ip hnyei hnyi hnyimâkâm: ölö thö me labā, helâ me Iehova Khongon lakâmâm ame ha köu; ca ot bi me öbubuny.

Deuteronomi 31:8

Ke haba Iehova me wale at ame he hnyi hnyimâkâm; ke e ame he ka tha e bi möu, e ame ca he ka hia unyâm, me hna degeci u: ca ot ke ca öbubuny bi.

Deuteronomi 7:18

awe, u me ca he ka outʼ ödra: ke u ma he ka ûnykûme wia ta je ûnyi waleji a ânyâ Iehova Khongom kö Farao me at Aigupito hia;

Deuteronomi 7:21

U ma ca he ka outʼ ödra, anyin a e bi unyâm Iehova Khongom, Khong ae gan me hnân outen.

Josua 1:9

Hawa, oge ca hûna köu? Hwege thö, ke hnyok baga but; ca ot, ke ca öbubuny bi, anyin a e bi unyâm Iehova Khongom hnyi je dok u me be ka hnyin.

Josua 10:7

Me Josua ame he ûheny Gilegala, e me je aten vat hia thithö, me je taben tavat ae hwege hia.

Josua 10:8

Ke haba Iehova ame ha kö Josua, ka habe, Ca ot gadra: anyin oge hia but hnʼ ödra ka hnyi li hnyamâm; ke ame ca he ke at gadra ka tot hnyi hnyimâkâm.

Josua 2:24

Ke ödru me ha ko Josua, ka habe, E hnathu a hia but Iehova hna kötin hnyei hia; he haba khaca ame köiö hnyekon tavat hia thithö a aten idra hnyei, ûnyi gata.

Josua 6:2

Ke Iehova ame ha kö Josua, ka habe, Wâ bi, oge hia but ham ka hnyi hnyamâm Jeriko, me thaniny, me je taben tavat ae hwege.

Josua 7:9

Anyin ame he at Kanana ka long, me ödrin hia tavat adre me labā hnyei, mʼ adre me he ka igigili öhmun me subâ degecâ iöhmun ûnyi eang hmelen: ke ieû u me he ka ânyâ hobi kâu iâm ae gan?