Josua 7:5 - Iaai Bible 1901 (New Caledonia)

⁵ Ke haba at Ai ödrin e kot thote siks ta hnyat gadrin: ke ödrin e hnu ödrin hwân hnyi homagöule ke ne o but ka hnyi Sebarima me kuc ödrin hnyi hna utut: me ame oköiö je hnyekon tavat me me helâ me köiö.

Josua 7:5 Iomraidhean Croise

Salamo 22:14

Adre me hingâlâ degeci nya helâ me köiö, Ke ame ok ut je jeiok hia: Haba oûnykûmik me helâ me wasu; Ame okoiâ but eû hnyi hnyekuk.

Salamo 58:7

E so adre me oköiʼ ödra but helâ me köiö ame hingölö wia: E ka lau anyin cafana, me so ame he je fana ka helâke ûnyi adre subâ degecâ.

Isaia 13:7

Anyin a wale ame he ka him but ta je beny hia, kʼ ame he ka köiö but hnyekon tavat hia thithö:

Ezekiela 21:7

Ke ödra ka ha köu, ka habe, Anyin a ieû u me mâng? me u me he ka thu kodra, ka habe, Can je ûthumetu, anyin ame he jem: ke ame he ka köiö but ta je hnyok hia, ke ame he ka him ta je beny hia, ke ame he ka sënyin ta je hanu hia, ke ame he ka bwebwet ta je bouca hia helâ me köiö: wâ bi, e but ang, ke ame he ka hwâdâ, haingen Than Iehova.

Levitiko 26:36

Ke haba je kolon gabun, me oge me he ka okûâ ot eû hnyi je hnyekudrin hnyi je hnyei iny je iwahnaihmiony mödrin: kʼ ame he hwan lan ûö ka hnu odrin; kʼ odrin e he ka kec helâ me at ame kec ge hele vat; kʼ odrin e he ka ta ke ba at ame hnu.

Nahuma 2:10

E ba onyen e, adre me öba onyen, iny jut wau: ke ame köiö but hnyok, kʼ ame öbubuny je boucadra, ke vec hia thö je hnyidra, ke löhau but ta je hnyimakodra hia.

Deuteronomi 1:44

Me ame o but at Amora, tavat adre me labâ bucen eling, he ka vat möbun, me hnu öbun, helâ me je bi adre me ûhnûhnû, me kuc öbun ke ne o but hnyi Seira, me he ke ne o but Horema.

Josua 2:11

Ke öhmun e long e, me ame köiö but je hnyekuhmun, ke ba hmetu tang hwege eû hnyi hnyekon ke at, cabun: anyin a Iehova Khongubun me e thibi Khong ethö hnyi drany, me eang hmelen.

Josua 2:9

ke e ame ha ka li at, ka habe, E khanö nya a Iehova ame ham köbun hnyei, ke a o but kohmun ot gabun, kʼ ame aû but aten hnyei hia thithö hnyi hnyimaköbun.

Josua 5:1

KE haba je tuhan hia at Amora a ödrin hoton Joridano ke e jio, me je tuhan hia at Kanana hnyi hobat köiö, me ödrin e long a Iehova ame hia but ohmö köien Joridano hnyi hnyimakan lakon Isaraela ke ne o but ate me hanyâûâ, me ame gâ udrin, ke ba hmetu hwege eû hnyi je hnyekudrin ge lakon Isaraela.