Josua 7:25 - Iaai Bible 1901 (New Caledonia)

²⁵ Ke haba Josua ame ha, ka habe, Ieû gam u me oveci ohmun? ame he Iehova ka oveci u hnyi bong ang. Me haba at Isaraela hia adre me lûâ e ge veto; ke ödrin e thong degeci ödrin ge meic, me luʼ ödrin ge veto.

Josua 7:25 Iomraidhean Croise

Genese 34:30

Ke Jekob ame ha kö Simeona me Levi, ka habe, Öbe ohmaki nya, he ka obokongi nya ka aten hnyei, wale at Kanana me Perizi: ke ötin wakhalet, kʼ adre me he ka ukhacaköu könya me kun nya; mʼ adre me he ka hiö nya me anyik lap.

Genese 38:24

Ke helâke kun ta tehi adre me thumetu Juda, ka habe, a hia but bi ûnyi monu Tamara a ûngom; ke wâ bi, a erkin dut hnyi hnen hna bi unyi monu. Ke haingö Juda, ka habe, Hom but, mʼ adre me he ka thong degecâ.

I. Man Ûlabainy Je Than. 2:7

Ke haba je baga laku Karemi; jia Akara at ame ovecâ at Isaraela, waleji ame ânyâ hwakecin ae kong ge ûnyi adre okabâ.

Ta je Vejec 1:19

Helâe dedra ta je gethen hia tavat adre me behnyekudra omjeû; Ame ohia möt anyin tavat ae tren e.

Ta je Vejec 15:27

Haba at ame behnyekon omjeû, me ame omonumonoâ anyin bi lap: Ke ame he ka möt at ame hûkotiâ ta je bwihlany.

Levitiko 20:14

Ke ame ne he ke at ka tha hok momo me hinyen, wale hulö: kʼ adre me he ka tha thong degeci ödru ge meic, me me ba hulö unyibun.

Levitiko 20:2

U me he ka ha ka lakon Isaraela, ka habe, Haba at Isaraela, ame ne aten ke hnyei ame laba kanyua unyi Isaraela, ame he ka ham nokon kö Moleka, me adre me he ka hlingâ at eling: hamen tavat a aten hnyei he ka lûâ ge veto.

Levitiko 21:9

Ke e ka he nokon at bihut a hlu ka okongoâ e bi, ame bi ûnyi monu, me e ame okongoâ kamen: kʼ adre me he ka thong degecâ e ge meic.

Levitiko 24:14

Hom but at waleji a ûhangö hoton hnyaba ai; ke hamödrin hnyat odrin e löng he ka ip je hnyamödrin bon ban, kʼ ame he ûkhacaköu hia ka lûâ e ge veto.

Galatia 5:12

Haba wek, me me he tavat adre me ovheli öbun ka hamödra subâ degeci ödra bi.

Deuteronomi 13:10

Ke u me he ka lûâ e ge veto, me me mokcu; can e ame heleû deny he ka thong u ûnyi ga Iehova Khongom, at ame hum u ûheny hnyi hnyei Aigupito, ûnyi hnyi hnyaba ae ûthaluo.

Deuteronomi 13:11

Kʼ ame he at Isaraela hia ka löng, me ot, kʼ adre me ca he hmetu ka ânyâ ûnyi eling unyâm a ûnyi ae kong.

Deuteronomi 17:5

awe, u me he ka hom at eling ka hnyi homagöulem, ame ne baga, ame ne momo, at ame ânyâ ûnyi eling ae kong; ke u me he ka luʼ ödrin ge veto, ame ne baga ame ne momo, me me mokcu.

Deuteronomi 21:21

Ke ame he tavat hia hnyi anyin taun ka luâ e ge veto me me mokcu: helâe u me he ka ohia hulö unyâm; kʼ ame he at Isaraela hia ka löng me ot.

II. Thesalonika. 1:6

ame ne ûnyi ae wisa ka Khong he ka bi hwaban vec ka tavat adre me oveci öbun,

Heberu 12:15

ke wâ wia ju, wâ e nye hu ke at ame ca o ka hnyi ibetengiö baû anyin Khong; wâ e nye kû thö iwân ae hiny he ka oveci Öbun, me ame he ka kong ut tavat ae se hia hnen e;

Josua 6:18

Ke öbun e he ka tuʼ öbun bi ge ta je omjeû ae kap; wâ öbun nye hia but ke ip, me hom ûnyi adre ke ip; me ham hnaûhango ka lap anyin, at Isaraela hia, me okongoâ e.

Josua 7:15

Ke haba at adre me hom ke e unyin ûnyi adre hake ip, me adre me he ka thong degecâ e ge meic, e me anyin ta je ûnyi hia: anyin a e ame hia but hanyâûâ ûhihinyköu anyi Iehova, ke can e ame hwen monu hnyi Isaraela.

I. Samuela 14:29

Haba Jonathana ame ba, ka habe, Cica ame ovecâ hnyei: wâ bi e metâ but li emakök ûnyi hnyi hnok hna drem ke ong hani eang.