Josua 7:21 - Iaai Bible 1901 (New Caledonia)

²¹ haba hnyi ûen oge me wâ ûnyi hnyi je ûnyi adre hûgûnâ ke ûkhaûiny Sinara ae so, ke lo li haded je sekel sileva, ke ong gol a fifte je sekel, me oge me behnyekon me hom ta je ûnyi e; ke wâ bi adre ikhâlâ hnyi wanben umök uma mano hnyi kânâ, ke eû hmelen e je sileva.

Josua 7:21 Iomraidhean Croise

Genese 10:10

Ke haba hwâniny dokhon dökhu, me, Babela, me Ereka, me Akada, me Kalene, hnyi hnyei Sinara.

Genese 3:6

Ke a wâ but momo ûö, a e so hnân han, me hmanenang at ka wâ, me ûö ae ûnyi hnathu, me hnân ometâ at, me haba momo ame tau wan, me han; kʼ ame ham minya ka âiân a tha e mē, me e ame munyi han.

Genese 34:27

Kʼ ame o but laku Jekob ka ta je komok, me söh taun, can hnödra hna okongoâ hanidrin.

Genese 6:2

ke haba je lakon Khong adre me wâ je lakon tavat a je hlu a ödra hmanenang; me adre me hom me laöiödra je hlu ae ve wedra.

II. Samuela 11:2

Ke haba hnyi sahac Davita ame todrö ûheny hon hnen hna mokut, me ngenu hon uma umen than: ke e ame wâ ûnyi hnyi hon uma ke momo ame soû; ke e te hmanenang momo at ka wâ.

II. Je Than 7:8

Kʼ ame o but je lepera eling ka hnyi baten hna hunuma, me ödrin e didro hnyin ke uma mano me han me ic, ke ödrin e hom ûheny e sileva, me gol, me ûkhaû, me hom, me ikhâlâ; ke ödrin e hmetu me dit hnyin ke uma mano, me hom ûheny e minya, me he me ikhâlâ.

Jobu 31:1

OGE me ûhihinyköu me li emakök; Me oge ma kâmâu ka wâ hmâ hlu?

Salamo 119:37

Wia ju li emakök, me inye ca he ka wâ ûnyi ae ûnyi baû, Me omeli nya thö hnyi dem je gethen.

Esodo 20:17

U ca he ka behnyekom uma umen ke at, u ca he ka behnyekom âiân ke at, me athnyabainy a baga, me momo, me haleny bolok, me haleny asina, me ta je ûnyi hia anyin ke at.

Ta je Vejec 1:19

Helâe dedra ta je gethen hia tavat adre me behnyekudra omjeû; Ame ohia möt anyin tavat ae tren e.

Ta je Vejec 23:31

Ca he ka wâ hmâ waina e ka ubâhlâ, E ka ke man bi hnyi utkaia Ke omi hingâlâ but:

Ta je Vejec 28:22

Haba at ae khot hnyimakan me ame ie hnu hoton omjeû, Ke ca khana a gʼ ame he ka o kâu theduoc.

Ta je Vejec 4:23

Ti tuö wia ju hnyekom; Anyin ame o but möt ûnyi e.

Isaia 28:15

Anyin a öbun e ha, ka habe, Öhmun e hia but ûhihinyköu me mok, ke öhmun e tha hien me hedis; e ka o thö okongon ae: bahihingölö, ame ca he ka o kohmun; anyin a öhmun e hia but wia thoi me hnân anyihmun hnabâ, ke öhmun e hia but ikhölö hmelen iyawo:

Isaia 29:15

Ekölö gadra tavat adre me elâm eû hnyin he ka ikhâlâ ga Iehova anyidra ta je ûhnenamö, ke e bi hnyi menekholom anyidra ta je huliwa, me ha, ka habe, Ia ame ō ʼta? ia ae khana öta?

Habakuka 2:9

Ekölö ge at ame hûgûnâ troban ae hwali hobi kâu anyin lap, me me ip ethö görany hâûen, me me möt ûnyi ge hnyamen ûkongon!

Luka 12:15

Me haingen ködra, ka habe, Wâ eaû, tuʼ öbun ju, wâ Öbun nye behnyekon: anyin ame ca möt at ge ûganiny ta je ûnyi ame hu kâu.

Luka 12:2

Anyin ae ba ûnyi adre me ikhâlâ ame ca he bi ka manen: ke ba ûnyi ae iyong adre me ca he ka wâ.

Efeso 5:3

Ke haba bi ûnyi monu, ke ta je hwakecin hia ae ikiki, ke behnyekon, me ca he hmetu bi ka ha unyibun, anyin ae ca ûcû ka wakap;

Efeso 5:5

Anyin ae ti khanʼ öbun ang, a haba at ame bi ûnyi monu, ke ikiki hwakecin, ke behnyekon, a at khudrung ka je hnatheat, me ame ca he ka hu hwajekhon hnyi dokhu dokhon Keriso me Khong.

Deuteronomi 7:25

Ke öbun e he ka thong degecâ ge meic ta je hnatheatiny anyidra je khong: ke u me ca he bi ka behnyekon sileva me gol wale adre tube kâu, me hom e me ânyâm bi, wâ e nye nuc u hnen ûnyi eling: anyin a haba ûnyi e me ûnyi ae ikiki kö Iehova Khongom:

Kolose 3:5

Anyin a wale hlingâ ju öbun je ong outhunyibun eang hmeledrany; wale a bi ûnyi monu, me hwakecin ae ikiki, me hnyok wagelue, me weny ae kong, me behnyekon, a wale hmi ka hnatheat;

Heberu 13:5

Ca he öbun ka munyi hnyokâ mone; sekubun ju ge ta je unyi öbun e hu: anyin a e ame hia but ha, ka habe, Oge me ca he bala he ka hnö u, ke oge me ca he balua ka hna degeci u.

Iakobo 1:15

Ke e ka erkin dut weny ae kong me ame hnokoâ but hulo: ke e ka at hnathu but hulo me e ame hnokoâ but mok.

Josua 7:20

Ke haba Akana ame thu kö Josua, ka habe, E hnathu e kong hwakecik hnyi hnyimakö Iehova Khongon at Isaraela, ke oge hia but ânyâ helâng me helâng:

Josua 7:22

Ke Josua ame kunâ tavat, ke ödrin e wadring ka hnyi uma mano; ke wâ bi adre hia but ikhâlâ hnyi umen uma mano, ke eû hnyi hmelen e je sileva.

II. Peteru 2:15

ödra hnyat adre me hna degecâ gethen ae wisa, kʼ adre me he monu, kʼ adre me hnu hoton gethen de Balaama nöku Beora, waleji at ame hnyokâ hwaban hwakecin ae ca wisa;