Josua 7:11 - Iaai Bible 1901 (New Caledonia)

¹¹ E kong hwakecin at Isaraela; anyin a ödrin e hia but hanyâûâ anyik ûhihinyköu waleji oge hûna ködrin: ke ödrin e hia but hom ûnyi adre nyiboâ me venöu me iyawö minya, me ödrin e hia but ip e me je omjehedrin.

Josua 7:11 Iomraidhean Croise

II. Je Than 18:12

anyin a ödrin e ca long hofuc ho Iehova, Khongudrin, ke ödrin e hanyâûâ anyin ûhihinyköu, wale hna hûna hia hnö Mose athnyabai Iehova, ke ödrin e höcö bi long me ânyâ.

II. Je Than 5:24

Ke e ame o but ka hnyi dok ae hut, me e ame, hom ta je ûnyi e gadru, me ip hnyin uma: me e ame kunâ li at, mʼ ödru me he.

Isaia 24:5

E ikiki hnyei hmelen tavat adre me labā e; anyin adre me hanyâûâ ta je hnanyibu, me wia hna otilâ, me thu hna ûhihinyköu a nyiele balua.

Jeremia 31:32

ca helâ me ûhihinyköu eji oge ânyâ me lakamödra, waleji hnyi bong oge hom hnyamödra he ka su Ödra ûnyi hnyi hnyei Aigupito; ke adre me thamuâ anyik ûhihinyköu eja ke ne oge ne helâ me âiân baga kodra, haingö Iehova.

Hosea 6:7

Ke adre hia but hanyâûâ ûhihinyköu helâ me Adamu: kʼ adre me iyawo nya eling.

Levitiko 5:15

A ne he ke at ka ânyâ monu, ke ca khana, hnyi ta je ûnyi ae kap ga Iehova; me e ame he ka hom kö Iehova hudiny hulö, a mamoe baga ae ba hnyikongon ûnyi hnyi hnahat mamoe, hoton hnâm hna tuluto kâu je sekel sileva, helâ me sekeliny dok kap, hnân hudiny hulö:

Habakuka 2:6

Hawa, ame ca he tavat ang hia ka ha ûböûcû gan, me vejec hnân ûhiö kâu, me ha, ka habe, Ekölö ge at ame ca osehia ta je ûnyi a ca anyin bi! ke ne o but kehö? ke at minya ame osehia ta je haten hna hok gufa!

Zakaria 5:4

Oge me he ka kunâ e, haingö Iehova tuhan sabaoth, ke e ame he ka dit hnyi hnyin uma umen at venöu, me uma umen at ame khemanyinâ thoiâ iök: ke e ame he ka laba hnyi hnyin umen uma, me ohia e, tha e me ûtoiny, me je vetoiny.

Mataio 22:21

Haingödrin kâu, ka habe, Kaisara. Me e ame ha ködrin ka habe, Awe, ham but kö Kaisara ta je ûnyi anyi Kaisara, ke ka Khong ta je ûnyi anyin Khong.

Ta je huliwa 5:9

Haba Peteru ame ha kâu, ka habe, Ieû gabu ae tha hnyekubu he ka cubec Hanon Than? wâ bi, eû hnyi hwanuma tavat adre me konâm âiâm, ke adre me he minya ka sam u.

Deuteronomi 17:2

Adre me ne wâ unyâm, hnyi je hnyabam a ham köu Iehova Khongom, ke at, ame ne baga, ame ne momo, ame ânyâ hulö hnyi hnyimakö Iehova Khongom, kʼ ame hanyâûâ anyin ûhihinyköu,

Heberu 4:13

Ke ca iyong bi ke unyi adre op hnyi hnyimakan: ke ame ve he thu me manen wia but ta je ûnyi hia thithö ka hnyi li emakan at, wale ate me he ka ve omanenâ kâu hwakecita.

Josua 23:16

Öbun ka he ka hanyâûâ ûhihinyköu anyi Iehova Khongubun, wale e ame hûna köbun, me he ka bi athnyaba ke je khong bi me khudrung ködrin: awe, ame he ka ubâhlâ hmönyin anyi Iehova köbun, ke ame he ka logot hiʼ öbun ûmyi hnyi hnyei ae so wale e ame hia but ham köbun.

Josua 7:1

KE kong hwakecin lakon Isaraela hnyi ûnyi adre nyiboâ: anyin a haba Akana nöku Karemi, nöku Zabedi, nöku Zera, ûnyi hnyi tribu Juda, ame hom ke je ûnyi adre nyiboâ; me ame ubâhlâ hmonyin anyi Iehova ka lakon Isaraela.

Josua 7:10

Ke Iehova ame ba kö Josua, ka habe, Höhöi thö; ieû gam u me mokut hnyimâm hnyikânâi helâe?

Owisa 2:20

Me ame ubâhlâ thö hmonyin anyi Iehova ka at Isaraela; me e ame ha, ka habe, anyin a hia but tavat eang hanyâûâ anyik ûhi-hinyköu, waleji oge me hûna ka lakamödrin, me ca long hok hofuc;

I. Samuela 14:38

Me haingö Saulo, ka habe, Ai öbun öbun je taben tavat, me me khanʼ ötin me wâhmakhmeto ûnyi ua monu eang hnyi bong ang.