Josua 6:6 - Iaai Bible 1901 (New Caledonia)

⁶ Ke haba Josua nöku Nuna ame hawâ tavat bihut, me ha ködra, ka habe, Hom dö tangen ûhihinyköu, ke hamen hnyat bihut a seven ka hom tilâ je trutruiny jubeli a seven hnyi hnyimakan tang anyi Iehova.

Josua 6:6 Iomraidhean Croise

Esodo 25:14

Ke u me he ka inʼ li ûnyi e hnyi hnyin je otru hnyi li ke keihen tang, hnân vadren kâu tang.

Ta je huliwa 9:1

KE Saulo bala ame kong hnyekon he ka ootâ me hlingâ je laten Than, me e ame he ka at bihut ae nua,

Josua 24:11

Ke öbun e he hanyâûâ Joridano, me o hnyi Jeriko: ke ame vat möbun at Jeriko, me at Amora, me Perizi, me Kanana, me Heth, me Girigasa, me Hivi, me Jebusi; ke oge me hnʼ ödrin ka hnyi hny amöbun.

Josua 3:3

ke ödrin e hûna ka tavat, ka habe, Öbun ka wâ tangen ûhihinyköu anyi Iehova Khongubun, kʼ ame vadren e tavat bihut, a at Levi, me öbun e he ka köûö ûheny hnyi hnobun, me hnu hoton.

Josua 3:6

Ke Josua ame ha ka tavat bihut, ka habe, Vadren dö tangen ûhihinyköu, me hanyâûâ hnyi hnyimakan tavat. Me ödrin e hom tangen ûhihinyköu, me bodrin hnyi hnyimakan tavat.

Josua 6:13

Ke haba hnyat bihut a seven, me ödrin e hom tilâ je trutruiny jubeli a seven hnyi hnyimakan tang anyi Iehova, ödrin e he bala me tûö trutru tot, kʼ ame bân tavat adre hom omjehen vat; kʼ ame he hoton tang anyi Jehova obiny bunyen, me tûö trutru tot.

Josua 6:5

Ke e ka beû but hna tûâ trutruiny jubeli, ke öbun ka long ut ifuciny trutru me ame he tavat ka kuku hwege: me ame he ka ū but haginy taun adre up veten, me me ve ölö thö tavat hia thithö hnyi hnyimaködra.

Josua 6:7

Ke e ame ha ka tavat, ka habe, He thʼ öbun me igigilö taun, ke bân hnyat adre hom omjehen vat, hnyi hnyimakan tang anyi Iehova.

Josua 6:8

Ke a hia but Josua ha ka tavat, me ame he hnyat bihut a seven ke ödrin e hom tilâ je trutruiny jubeli a seven hnyi hnyimakö Iehova, me tûö trutru tot: kʼ ame he hotudrin tangen ûhihinyköu anyi Iehova.

I. Samuela 4:3

Ke ame o tavat ka hnyi hna hunuma, me haba wahingatiny at Isaraela ödrin e ha ka habe, Can ieû Iehova ame kuc ota hnyi hnyimakan at Filisiti hnyi bong ang? E so ate me hom ûheny Silo tangen ûhihinyköu, me me e bi unyita, me omeli ota ûnyi ge je iwahnaihmiony möta.